[᭓᭔ 34B]
᭓᭔
᭞ᬘᭂᬓᬧ᭄ᬚᬗ᭄ᬮᬧᬾᬓᬮᬶᬯᬢ᭄᭟ᬦᬗ᭄ᬳᬶᬂᬓᬓᬳᭂᬤᬯᬾᬭ᭞ᬢ᭄ᬬᬂᬗᭂᬗ᭄ᬓᭂᬩᬶᬦ᭄ᬳᬶᬘᭂᬦᬶᬂ᭞ᬭᬸᬧᬬᬢᬺᬱ᭄ᬡᬵᬢᬾᬫ᭄ᬩᭀᬄ᭞ᬳᬧᬦ᭄ᬤᬦᬾᬫᬮᬸᬦᬸᬤᬸ
ᬓ᭄᭞ᬗᬚᬓ᭄ᬫᬸᬮᬶᬄᬢᬸᬃᬜᬬᬗᬂ᭞ᬫᭂᬚᬂᬤᬶᬭᬗ᭄ᬓᬶ᭞ᬦᬗ᭄ᬕᭀᬳᬗ᭄ᬕᭀᬯᬶᬦ᭄ᬓᬓ᭄ᬯᬶᬦ᭄ᬜᬫ᭟ᬳᬶᬧᬢᬶᬄᬫᬢᬸᬃᬫᬜᭂᬫ᭄ᬩᬄ᭞ᬇᬗ᭄ᬕᬶᬄᬤᬾᬯᬢᬶᬢ᭄ᬬᬂᬗᬶ
ᬚᬭᬶᬂ᭞ᬧᬓᬬᬸᬜ᭄ᬘᭀᬓᭀᬃᬳᬶᬤᬾᬯ᭞ᬳᬾᬫᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬳᬶᬧᬸᬦ᭄᭞ᬗᬚᬓ᭄ᬓᬯᬸᬄᬓᬧᬚᬭᬓᬦ᭄᭞ᬫᬦᬶᬮᬶᬓᬶᬦ᭄᭞ᬳᭀᬃᬣᬬᬂᬚᬕᬢᬾᬭᬸ
ᬦ᭄ᬤᬄ᭟ᬇᬗ᭄ᬕᬶᬄᬤᬾᬯᬰ᭄ᬭᬶᬦᬭᬾᬦ᭄ᬤ᭄ᬭ᭞ᬢᬶᬢ᭄ᬬᬂᬫᬦᬸᬦᬲ᭄ᬫᬧᬫᬶᬢ᭄᭞ᬳᬶᬧᬢᬶᬄᬓᬚᬩᬋᬓᭀ᭞ᬲᬂᬧ᭄ᬭᬪᬸᬫᬮᬶᬄᬫᬗᬸᬢᬸᬲ᭄᭞ᬧᬋᬓᬦ᭄ᬫᬤᬦ᭄ᬳᬶ
[᭓᭕ 35A]
ᬚᬚᬃ᭞ᬫᬦ᭄ᬤᬯᬸᬳᬶᬦ᭄᭞ᬫᬗᬮᬶᬄᬳᬶᬧᬓᬂᬭᬭᬲ᭄᭟ᬢᬸᬫᬸᬮᬶᬭᬭᬶᬲ᭄ᬫᬚᬮᬦ᭄᭞ᬳᬶᬚᬚᬃᬗᭀᬚᭀᬕ᭄ᬓᬭᬗ᭄ᬓᬶ᭞ᬓᬧᬗ᭄ᬕᬶᬄᬳᬶᬧᬓᬂᬭᬭᬲ᭄᭞
ᬕᭂᬮᬶᬲ᭄ᬳᬶᬚᬚᬃᬫᬯᬸᬯᬸᬲ᭄᭞ᬫᬦ᭄ᬤᬯᬸᬳᬂᬧᬢᬬᬸᬦᬦ᭄᭞ᬦᬾᬓᭀᬘᬳᬶ᭞ᬧᬓᬂᬭᬭᬲ᭄ᬚᬮᬦ᭄ᬓᬧᬸᬭ᭟ᬧᬓᬬᬸᬦᬦ᭄ᬳᬶᬤᬲᬂᬦᬵᬣ᭞ᬳᬧᬂᬚᬦᬶᬘᬳᬶ
ᬦᬗ᭄ᬓᬶᬮ᭄᭞ᬭᬳᬤ᭄ᬬᬦ᭄ᬫᬲᬯᬸᬃᬳᬮᭀᬦ᭄᭞ᬲᬦ᭄ᬤᬶᬓᬦ᭄ᬩᭂᬮᬶᬢ᭄ᬬᬂᬜᬸᬯᬸᬦ᭄᭞ᬧᬓᬬᬸᬦᬦ᭄ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬕᭂᬮᬶᬲ᭄ᬫᬫᬃᬕ᭄ᬕᬶ᭞ᬭᬭᬶᬲ᭄ᬧᬋᬓ᭄ᬭᬶᬂᬲᬂᬦᬵᬣ᭟ᬲᬂᬧ᭄ᬭ
ᬪᬸᬓᬗ᭄ᬕᭂᬓ᭄ᬭᬶᬂᬘᬶᬢ᭄ᬢ᭞ᬢᬸᬫᭀᬦ᭄ᬭᬶᬂᬯᬃᬡ᭄ᬦᬦᬾᬧᭂᬓᬶᬓ᭄᭞ᬧᬗ᭄ᬭᬯᭀᬲᬾᬚ᭄ᬭᭀᬦᬶᬂᬕᬃᬩ᭄ᬩᬵ᭞ᬢᭀᬂᬧᬦ᭄ᬢᭂᬲ᭄ᬬᬰᬸᬤ᭄ᬭᬢᬸᬳᬸ᭞ᬢᬶᬗ᭄ᬓᬄᬲ᭄ᬯᬪᬯᬦᬾᬫᬾᬡ
Kaca:Bali-lontar-gaguritan-pakangraras-01-350ppi.pdf/35
Kaca puniki sampun kauji-wacén
