Kaca:Bali-lontar-gaguritan-pakangraras-01-350ppi.pdf/34

Saking Wikisource
Kaca puniki sampun kauji-wacén

[᭓᭓ 33B]
᭓᭓
ᬇᬗ᭄ᬕᬶᬄᬫᬗ᭄ᬓᬶᬦ᭄᭞ᬮᬾᬤᬂᬭᬢᬸᬧᬓᬬᬸᬦᬦ᭄᭟ᬲᬂᬧ᭄ᬭᬪᬸᬳᬶᬤᬗᬦ᭄ᬤᬶᬓ᭞ᬲᬶᬕᬩᬬᬦ᭄ᬓᭂᬫᬵᬫᬸᬮᬶᬄ᭞ᬳᭂᬤᬲᬶᬕᬫᬗ᭄ᬯᬾᬭᬬᬂ᭞ᬳᬧᬳᭂᬤᬳᬶᬤ
ᬦᬓ᭄ᬢᬯᬸ᭞ᬫᬶᬦᬩ᭄‌ᬬᬫᬕᭀᬩᬢᬺᬱ᭄ᬡᬵ᭞ᬫᬦᬶᬦ᭄ᬤᬶᬳᬶᬦ᭄᭞ᬉᬗ᭄ᬲᬾᬦᬸᬗ᭄ᬲᬾᬦᬾᬳᬶᬧᬓᬂᬭᬭᬲ᭄᭟ᬦᬶᬩᬬᬦ᭄ᬫᬢᬸᬃᬫᬜᬸᬫ᭄ᬩᬄ᭞ᬢᬶᬢ᭄ᬬᬂᬗᬶ
ᬭᬶᬂᬳ᭄ᬬᬸᬦ᭄ᬲᬂᬧ᭄ᬭᬪᬸ᭞ᬇᬗ᭄ᬕᬶᬄᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬧᬗ᭄ᬤᬵᬲᬫ᭄ᬧᬸᬦ᭄ᬭᬤᬾᬦ᭄ᬕᬮᬸᬄ᭞ᬳᬸᬦᬶᬂᬫᬭᬶᬂᬮᬫ᭄ᬧᬄᬢᬶᬢ᭄ᬬᬂ᭞ᬰ᭄ᬭᬶᬪᬸᬧᬢᬶ᭞ᬗᬦ᭄ᬤᬶᬓᬦᬄᬓᭀᬫᬚ
ᬮᬦ᭄᭟ᬲᬂᬧ᭄ᬭᬪᬸᬫᬮᬶᬄᬗᬦ᭄ᬤᬶᬓᬵ᭞ᬭᬶᬂᬧᬋᬓᬦ᭄ᬫᬤᬦ᭄ᬳᬶᬓᭂᬜ᭄ᬘᬶᬂ᭞ᬓᭂᬜ᭄ᬘᬶᬂᬓᭂᬫᬘᬳᬶᬓᬚᬩ᭞ᬳᭂᬤᬘᬳᬶᬳᬶᬮᬢ᭄ᬳᬶᬮᬸᬢ᭄᭞ᬲ᭄ᬭᬧᬢᬶᬦ᭄ᬘᬳᬶ᭞ᬳ
[᭓᭔ 34A]
ᬚᬮᬦ᭄᭞ᬫᬗᬢᬸᬭᬶᬦ᭄᭞ᬓᬦᬧᬢᬶᬄᬳᬧᬗᬢᭂᬓ᭟ᬳᬶᬧᬋᬓᬦ᭄ᬫᬢᬸᬃᬲᬦ᭄ᬤᬶᬓ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬕᭂᬮᬶᬲ᭄ᬮᬫ᭄ᬧᬚ᭄‌ᬜᬦᬾᬋᬓᭀ᭞ᬲᬢᭂᬓ
ᬦᬾᬭᬭᬶᬲ᭄ᬫᬢᬸᬃ᭞ᬭᬢᬸᬢᬶᬢ᭄ᬬᬂᬫᬗᬢᬸᬭᬂ᭞ᬓᬬᬸᬦ᭄ᬲᬂᬳᬚᬶ᭞ᬘᭀᬓᭀᬃᬭᬢᬸᬫᬗ᭄ᬓᬶᬦ᭄ᬓᬧᬸᬭ᭟ᬕᬸᬲ᭄ᬢᬶᬧᬢᬶᬄᬕᭂᬮᬶᬲ᭄ᬫᬫᬃᬕ᭄ᬕ᭞ᬫᬗ᭄ᬭᬭᬶᬲ᭄ᬳᬶᬤᬓ
ᬧᬸᬭᬶ᭞ᬕᭂᬮᬶᬲ᭄ᬧᬋᬓ᭄ᬭᬶᬂᬲᬂᬓᬢᭀᬂ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬰ᭄ᬭᬸ᭞ᬓᬓᬧᬢᬶᬄᬫᬳᬶᬤᬶᬦᬶᬬᬦ᭄᭞ᬕᬸᬲ᭄ᬢᬶᬧᬢᬶᬄ᭞ᬭᬭᬶᬲ᭄‌ᬦ᭄ᬤᭂᬲᭂᬓ᭄ᬤᬲᬂᬦᬵᬣ᭟ᬲᬂᬧ᭄ᬭᬪᬸᬚ
ᬭᬶᬲ᭄ᬗᬦ᭄ᬤᬶᬓ᭞ᬳᬧᬂᬲᬶᬤ᭄ᬥᬧᭂᬢᭂᬗᬾᬚᬦᬶ᭞ᬗᬫᬢ᭄ᬬᬂᬳᬶᬧᬓᬂᬭᬭᬲ᭄᭞ᬤᭀᬱᬦ᭄ᬜᬦᬾᬮᬶᬯᬢ᭄ᬮᬸᬘᬸ᭞ᬜᭂᬫᬓ᭄ᬩᬸᬗᬦᬾᬳᬶᬦᬦᬓ᭄᭞ᬦᬾᬤᬶᬓᬸᬧᬶᬂ