Kaca:Bali-lontar-gaguritan-pakangraras-01-350ppi.pdf/21

Saking Wikisource
Kaca puniki sampun kauji-wacén

[᭒᭐ 20B]
᭒᭐
ᬳᬭᬤᬾᬦ᭄ᬕᬮᬸᬄ᭞ᬦ᭄ᬤᬧᭂᬢᬂᬳᬶᬤᬫᬧᬬᬲ᭄᭞ᬫᬸᬯᬸᬄᬭᬯᬶᬢ᭄᭞ᬤᬤᬶᬫᬶᬫ᭄ᬩᬸᬄᬓᬬᬸᬦᬾᬫᬾᬦ᭄ᬤ᭄ᬭ᭟ᬭᬤᬾᬦ᭄ᬕᬮᬸᬄᬯᬸᬲ᭄ᬫᬧᬬᬲ᭄᭞ᬫᬲᭂᬓᬃᬘᬫ᭄ᬧᬓ
ᬓᬸᬦᬶᬂ᭞ᬭᬭᬶᬲᬶᬤᬗᬶᬘᬾᬦ᭄ᬲᭂᬓᬃ᭞ᬭᬳᬤ᭄ᬬᬦ᭄ᬲᬬᬦ᭄ᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬭᬭᬶᬲᬶᬤᬗᬫ᭄ᬩᬶᬮ᭄ᬲᭂᬓᬃ᭞ᬫᬦᬫ᭄ᬧᭂᬓᬶᬦ᭄᭞ᬫᬮᬶᬗ᭄ᬕᬶᬄᬫᬧᬧᬲ᭄ᬘᬶᬗᬓ᭄᭟ᬲᬓᬢᬳᬶᬂ
ᬧᬜ᭄ᬚ᭄ᬭᭀᬯᬦ᭄᭞ᬢᬸᬫᭀᬗ᭄ᬕᬯᭀᬓ᭄ᬫᬗ᭄ᬮᬶᬂᬮᬶᬂ᭞ᬦᬶᬩᬬᬦ᭄ᬲᬗ᭄ᬳᬶᬢ᭄‌ᬬᬩᭂᬗᭀᬂ᭞ᬫᬗᭂᬢᭀᬦ᭄ᬭᬳᬤᬾᬦ᭄ᬕᬮᬸᬄ᭞ᬓᬮᬯᬦ᭄ᬳᬶᬧᬓᬂᬭᬭᬲ᭄᭞ᬧᬥᬳᬧ᭄ᬢᬶ
᭞ᬇᬦ᭄ᬤ᭄ᬭᬶᬬᬦᬾᬤᬶᬧᬳ᭄ᬦᭂᬫᬦ᭄᭟ᬧᬩᬶᬲᬶᬓ᭄ᬦᬶᬲᬗ᭄ᬳᬶᬢ᭄ᬩᬬᬦ᭄᭞ᬗᬶᬦ᭄ᬢᬾᬗᭂᬫ᭄ᬩᬦᬾᬧᬓᬶᬲᬶ᭞ᬲᬓᬢᬳᬶᬂᬧᬜ᭄ᬚ᭄ᬭᭀᬯᬦ᭄᭞ᬧᬓ᭄ᬭᬶᬫᬶᬓ᭄ᬫᬓᬸᬫ᭄ᬧᬸᬮ᭄ᬓᬸᬫ᭄ᬧᬸᬮ᭄᭞ᬧᬥᬫᬶᬮᬸ
[᭒᭑ 21A]
ᬳᬢᬶᬦᬾᬧᬸᬲᬂ᭞ᬳᬾᬤᬦ᭄ᬧᬮᬶᬂ᭞ᬫᬗᭂᬦᭀᬢ᭄ᬳᬶᬧᬓᬂᬭᬭᬲ᭄᭟ᬢᬦ᭄ᬓᭀᬘᬧ᭄ᬦᬶᬲᬗ᭄ᬳᬶᬢ᭄ᬩᬬᬦ᭄᭞ᬳᬶᬧᬓᬂᬭᬭᬲ᭄ᬓᬯᬃᬡ᭄ᬦᬶ᭞ᬲᬸᬩᬲᬜ᭄ᬚᬲᬸᬭᬸᬧ᭄ᬧᬹᬃᬬ᭄ᬬ᭞
ᬫᬧᬫᬶᬢ᭄ᬭᬶᬂᬭᬤᬾᬦ᭄ᬕᬮᬸᬄ᭞ᬭᬤᬾᬦ᭄ᬤᬾᬯᬶᬫᬗᬦ᭄ᬤᬶᬓ᭞ᬚᬮᬦ᭄ᬘᬳᬶ᭞ᬳᬶᬧᬓᬂᬭᬭᬲ᭄ᬬᬩᬸᬤᬮ᭄᭟ᬲᬢᭂᬓᬦᬾᬭᬶᬂᬧᬫ᭄ᬭᬫᬦ᭄᭞ᬓᭀᬘᬧᬶᬤᬭᬤᬾᬦ᭄ᬤᬾ
ᬯᬶ᭞ᬤᬶᬚ᭄ᬭᭀᬳᬶᬤᬫᬫᬯᭀᬲ᭄᭞ᬲ᭄ᬯᬭᬦᬾ᭞ᬳᬫᬶᬲᬜᬸᬜᬸᬃ᭞ᬓᬤᬶᬲᬸᬦ᭄ᬤᬭᬶᬓᬗᬶᬦᬦ᭄᭞ᬫᬗ᭄ᬭᬋᬗᬶᬄ᭞ᬓᬧᬶᬋᬂᬳᬦ᭄ᬢᬸᬓ᭄ᬭᬳᬤ᭄ᬬᬦ᭄᭟ᬳᬶᬩᬸᬓ᭄ᬫᬦᬄᬤᬶ
ᬧᬫᬺᬫᬦ᭄᭞ᬫᬶᬋᬂᬲ᭄ᬯᬭᬦ᭄ᬭᬤᬾᬦ᭄ᬤᬾᬯᬶ᭞ᬫᬮᬶᬗ᭄ᬕᬶᬄᬫᬦᬦᭂᬂᬩᭂᬗᭀᬂ᭞ᬧᬗᬗᭂᬦᬾᬭᬶᬂᬢ᭄ᬯᬦ᭄ᬕᬮᬸᬄ᭞ᬢᬦ᭄ᬲᬄᬫᬕᬦ᭄ᬢᬸᬂᬭᬶᬂᬫᬦᬄ᭞ᬲᬸᬓᬫᬢᬶ᭞ᬤ᭄ᬬᬧᬶᬦ᭄ᬢᬶᬩ