Kaca:Bali-lontar-gaguritan-pakangraras-01-350ppi.pdf/12

Saking Wikisource
Kaca puniki sampun kauji-wacén

[᭑᭑ 11B]
᭑᭑
ᬧᭂᬢᭂᬂᬍᬫᬄᬧᬥᬳᬶᬲ᭄ᬭᬶᬓ᭄᭞ᬳᬤᬫᬗ᭄ᬕᬯᬾᬤᬮᬶᬳᬦ᭄᭞ᬫᬗᬸᬜᬓᬸᬦᬕ᭄‌ᬤᬾᬩᭂᬓᬸᬂ᭞ᬳᬤᬦᬾᬜᬭᬸᬫᬤᬕᬂ᭞ᬲᬳᬶᬲᬳᬶ᭞ᬭᬳᬤ᭄ᬬᬦ᭄ᬚᬦᬶ
ᬓᭀᬡᬧᬦ᭄᭟ᬤᬯᬸᬄᬧᬶᬲᬦ᭄ᬭᬭᬶᬲ᭄ᬫᭂᬤᬮ᭄᭞ᬲᬶᬂᬢᬸᬫᬶᬗ᭄ᬳᬮ᭄ᬮᬸᬮᬸᬢ᭄ᬳᬲᬶᬄ᭞ᬯᭀᬂᬧᬲᬭᬾᬧᬥᬕᬯᭀᬓ᭄᭞ᬭᬶᬂᬭᬳᬤ᭄ᬬᬦ᭄ᬮᬶᬯᬢ᭄ᬩᬕᬸᬲ᭄᭞ᬭᬱᬫᬗᭂᬜᬕᬂᬫ
ᬦᬄ᭞ᬢᬸᬳᬸᬩᬗ᭄ᬓᬶᬢ᭄᭞ᬲᬚᬕᬢ᭄‌ᬢ᭄ᬯᬭᬵᬤᬧᬥ᭟ᬲᭀᬮᬄᬢᬶᬗ᭄ᬓᬄᬲᭂᬫᬸᬫᭂᬮᬄ᭞ᬤᬕᬂᬤᬕᬂᬮᬶᬬᬸᬦᬫ᭄ᬧᭂᬓᬶᬦ᭄᭞ᬢ᭄ᬯᬩᬚᬂᬧᬥᬭᬾᬡᭀᬄ᭞ᬓ
ᬢᬄᬬᬩᬸᬤᬸᬄᬫᬦᬸᬢᬸᬕ᭄᭞ᬳᬤᬫᬗᬸᬢᬂᬤᬕᬗᬦ᭄᭞ᬤᬾᬯᬕᬸᬲ᭄ᬢᬶ᭞ᬳᬦ᭄ᬢᭀᬲᬂᬚ᭄ᬯᬚᬸᬤᬢᬶᬢ᭄ᬬᬂ᭟ᬓᬾᬢᭀᬧᬥᬫᬸᬜᬶᬦ᭄ᬤᬕᬂ᭞ᬭᬤᬾᬦ᭄ᬫ
[᭑᭒ 12A]
ᬦ᭄ᬢ᭄ᬭᬶᬢᬦ᭄ᬧᬦᭀᬮᬶᬄ᭞ᬭ᭄ᬯᬭᬓᬳ᭄ᬬᬸᬦ᭄ᬳᬶᬤᬕᬾᬜ᭄ᬚᭀ᭞ᬭᬭᬶᬲ᭄ᬳᬶᬤᬗᬸᬗ᭄ᬲᬶᬫᬦ᭄ᬢᬸᬓ᭄᭞ᬲᬳᭀᬭᬧ᭄ᬢᬦᬾᬫᬭᬶᬂᬳᬸᬫᬄ᭞ᬓᬚᬕ᭄ᬚᬕᬶᬦ᭄᭞ᬭᬶᬂᬤᬾᬩᭂᬓᬸᬂᬳᬶ
ᬲ᭄ᬢ᭄ᬭᬶᬮᬦᬂ᭟ᬢᬸᬫᬸᬮᬶᬭᬭᬶᬲ᭄ᬳᬗᬸᬘᬧ᭄᭞ᬉᬮᬶᬤᬶᬚᬤᬾᬯᬕᬸᬲ᭄ᬢᬶ᭞ᬳᭂᬤᬤᬾᬯᬧᬢᬶᬮᬸᬯᬲ᭄᭞ᬳᬦᬓ᭄ᬤᬶᬦᬶᬮᬶᬬᬸᬭᬸᬲᬸᬄ᭞ᬧᬥᬫᬗ᭄ᬕᬯᬾᬧᬳᬾ
ᬓᬦ᭄᭞ᬢᬸᬯᬄᬕᬸᬲ᭄ᬢᬶ᭞ᬓᬳᬸᬧᬬᬵᬩᬳᬦ᭄ᬳᬦᬓ᭄᭟ᬳᭂᬦᭂᬗᬓ᭄ᬦᬭᬳᬤ᭄ᬬᬦ᭄᭞ᬓᭀᬘᬧᬦ᭄ᬭᬳᬤᬾᬦ᭄ᬤᬾᬯᬶ᭞ᬫᬾᬮᬶᬂᬭᬶᬂᬤᬸᬤᬸᬓ᭄ᬤᬸᬤᬸᬓᬦ᭄᭞
ᬫᬗᬦ᭄ᬤᬶᬓᬳᬶᬤᬳᬮᬸᬲ᭄᭞ᬩᬬᬦ᭄ᬲᬗ᭄ᬳᬶᬢ᭄ᬧᬗᬸᬦᭂᬗᬦ᭄᭞ᬓᭂᬫᬳᬮᬶᬄ᭞ᬤᬸᬤᬸᬓ᭄ᬤᬸᬤᬸᬓᬦᬾᬲᬸᬩ᭟ᬦᬶᬩᬬᬦ᭄ᬫᬢᬸᬃᬲᬦ᭄ᬤᬶᬓ᭞ᬢᬶᬢ᭄ᬬᬂ