Kaca:Bali-lontar-gaguritan-pakangraras-01-350ppi.pdf/107

Saking Wikisource
Kaca puniki sampun kauji-wacén

[᭑᭐᭖ 106B]
᭑᭐᭖
ᬫᬲᭀᬤᭀᬕ᭄ᬫᬶᬯᬄᬫᬢᬸᬯᬸᬓ᭄᭞ᬫᬶᬦᬩ᭄ᬳᬤᬧᭂᬢᬂᬮᬓ᭄ᬱ᭞ᬮᬦᬂᬳᬶᬲ᭄ᬢ᭄ᬭᬶ᭞ᬘ᭄ᬭᬶᬓ᭄ᬓᭂᬮᬶᬄᬢᬸᬳᬩᬚᬂ᭟ᬳᬦᬓᬾᬮᬸᬄᬫᬸᬮᬓᬸᬯᬮ᭄᭞ᬦᬾᬫ᭄ᬯᬵ
ᬦᬶᬫᬸᬮᬗᬸᬦ᭄ᬤᬮᬶ᭞ᬲᬮᬶᬂᬓᭂᬤᭂᬂᬲᬮᬶᬂᬘᭀᬓᭀᬢ᭄᭞ᬲᬮᬶᬂᬲᬩᬢ᭄ᬲᬮᬶᬂᬢᬶᬫ᭄ᬧᬸᬕ᭄᭞ᬓᬲᬶᬲᬶᬦᬗᬮᬲᭂᬮ᭞ᬳᬤᬩᬸᬯᬶᬦ᭄᭞ᬢᬭᬸᬡ
ᬫᬕᭀᬕᭀᬕᭀᬕᭀᬯᬦ᭄᭟ᬮ᭄ᬬᬦ᭄ᬫᬋᬩᬢᬶᬦ᭄ᬕᭂᬦᬄ᭞ᬫᬗ᭄ᬭᬭᬶᬲ᭄ᬲᬮᬶᬂᬢᬶᬕ᭄ᬢᬶᬕ᭄᭞ᬧᬥᬬᬲᬮᬶᬂᬩᬸᬃᬩᬸᬭᬂ᭞ᬍᬕᬦᬾᬤᬸᬓᬾᬫᬮᬸ᭞ᬩᬋᬂ
ᬩᬋᬂᬗᬮᬶᬄᬓᬲᬸᬓᬦ᭄᭞ᬯᬾᬦ᭄ᬢᭂᬦ᭄ᬫᬮᬶᬄ᭞ᬫᬕᭂᬋᬗᬶᬦ᭄ᬢᭀᬗᭀᬲ᭄ᬦᭂᬕᬓ᭄᭟ᬢᬦ᭄ᬓᭀᬘᬧᬦ᭄ᬧᬸᬦᬶᬓ᭞ᬧ᭄ᬭᬕᬶᬡᬦ᭄ᬕᭀᬗᬾᬓᬯᬃᬡ᭄ᬦᬶ᭞ᬧ
[᭑᭐᭗ 107A]
ᬥᬗᬾᬥᬾᬗᬂᬧᬓᬯ᭄ᬭᬸᬳᬦ᭄᭞ᬓᬡ᭄ᬥᬳᭂᬫ᭄ᬧᬢᬾᬓᬕᭂᬩᬸᬃ᭞ᬳᬤᬫᬓᬶᬤᬸᬂᬘᬮᭀᬦᬭᬂ᭞ᬓᬩᭂᬦᭂᬗᬶᬦ᭄᭞ᬤᬶᬧᬗᬺᬚᬂᬜᬦᬾᬦᬶ
ᬭᬗ᭄ᬥ᭟ᬳᬤᬮᬾᬦ᭄ᬫᬗᭂᬩᬸᬃᬧᬃᬯ᭄ᬯ᭞ᬅᬤᬶᬧᬃᬯ᭄ᬯᬦᬾᬧᬗᬯᬶᬢ᭄᭞ᬫᬜᬭᬸᬢᬶᬢᬶᬗ᭄ᬓᬄᬫᬯᬾᬥ᭞ᬫᬦᬸᬭᬄᬳᬶᬤᬲᬂᬧᬸᬢᬸᬲ᭄᭞ᬮ᭄ᬬᬦ᭄ᬫᬫ
ᬘᬉᬢᬭᬓᬡ᭄ᬥ᭞ᬫᬗᬯᬶᬢᬶᬦ᭄᭞ᬫᬜᬮᭀᬓᬦᬸᬭᬄᬲᬂᬥᬃᬫ᭄ᬫᬵ᭟᭐᭟ᬧᬸᬧᬸᬢ᭄ᬳᬶᬦᬦ᭄ᬜᬦᬾᬲᬶᬦᬸᬭᬢ᭄ᬭᬶᬂᬭᬳᬶᬦ᭄᭞ᬰ᭞ᬉ᭞ᬯᬸᬓᬸ
ᬩᬮ᭞ᬇᬰᬓ᭞᭑᭙᭑᭑᭟ᬫᬰᬾᬳᬶᬢᬗ᭄ᬕᬮ᭄᭞᭙᭞ᬤᬾᬲᬾᬫ᭄ᬩᭂᬃ᭞᭑᭙᭘᭙᭟᭐᭟ᬤᬺᬯᬾᬦ᭄ᬳᬶᬯᬬᬦ᭄ᬲᬫ᭄ᬩᬵ᭞ᬲᬓᬶᬂᬩᬜ᭄ᬚᬃ