Kaca puniki sampun kauji-wacén
[᭙᭙ 99B]
᭙᭙
᭞ᬧᬸᬧᬸᬢᬂᬭᬯᭀᬲᬾᬲᬶᬸᬫᬶᬸᬚᬦᬶ᭞ᬤᬤᬶᬳᬶᬗᭂᬢ᭄ᬢᭂᬓᬾᬦ᭄ᬤᬶᬢᭀᬗᭀᬲ᭄᭞ᬦᬾᬤᭀᬭᬶᬫᬶᬯᬄᬤᬶᬫᬮᬸ᭞ᬕᬸᬲ᭄ᬢᬶᬧᬢᬶᬄᬫᬢᬸᬃᬲᬦ᭄ᬤᬶᬓ
᭞ᬇᬗ᭄ᬕᬶᬄᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬦᬶᬢᬳᬂᬲᭀᬤ᭟ᬮᬶᬗ᭄ᬕᬶᬄᬳᬶᬤᬧᬭᬦᬵᬣ᭞ᬓᬮᬶᬄᬧᬸᬗ᭄ᬕᬯᬧᬗᬶᬭᬶᬂ᭞ᬓᬮᬶᬄᬫᬭᬶᬂᬭᭀᬧᭀᬕᬾ
ᬫ᭄ᬩᭀᬂ᭞ᬭᬬᬸᬦᬦᬾᬧᬘᬂᬓᬢᬸᬃ᭞ᬭᬶᬂᬳᬭᬶᬦ᭄ᬘᭀᬓᭀᬃᬳᬶᬤᬾᬯ᭞ᬧ᭄ᬭᬪᬸᬓᬤᬾᬭᬶ᭞ᬓᬮᬶᬄᬭᬶᬂᬲᬫᬶᬓᬯᬸᬮ᭟ᬲᬂᬧ᭄ᬭᬪᬸᬫᬗᬦ᭄ᬤᬶᬓ᭞ᬦᬄᬫᬵ
ᬭᬶᬓᬓᬓᬕᭂᬮᬶᬲ᭄᭞ᬧᬭᬭᬢᬸᬲᬫᬶᬩᬸᬩᬃ᭞ᬫᬭᬶᬂᬧᬲᬗ᭄ᬕ᭄ᬭᬳᬦ᭄ᬲᬫ᭄ᬧᬸᬦ᭄᭞ᬲᬂᬧ᭄ᬭᬪᬸᬗᬧᬸᬭ᭄ᬬᬂ᭞ᬧᬸᬧᬸᬢ᭄ᬲᬫᬶ᭞ᬭᬶᬂᬧᬸᬭᬶᬓᬮᬶᬄᬭᬶᬂᬚᬩ
[᭑᭐᭐ 100A]
᭟ᬓᭀᬘᬧ᭄ᬲᬫ᭄ᬧᬸᬦ᭄ᬤᬯᬸᬄᬮᬶᬫ᭞ᬫᬤᬩ᭄ᬤᬩ᭄ᬧᬫᬃᬕ᭄ᬕᬶᬦᬾᬲᬫᬶ᭞ᬢᬫ᭄ᬩᬸᬭᬾᬫᬗ᭄ᬭᬶᬳᬶᬦᬂ᭞ᬫᬫᬲ᭄ᬧᬗᬯᬶᬦᬾᬗᬦ᭄ᬢᬸᬦ᭄᭞ᬤᬸᬮᬸᬭᬶᬦ᭄ᬲᭀ
ᬭᭀᬄᬧᬧᬶᬦ᭄ᬤᬦ᭄᭞ᬧᬤᬤᬶᬗ᭄ᬓ᭄ᬭᬶᬓ᭄᭞ᬭᬸᬯᭀᬯᬦᬾᬗ᭄ᬭᬲᬂᬫᬦᬄ᭟ᬧᬮᬶᬗ᭄ᬕᬶᬳᬦ᭄ᬧᬭᬡ᭄ᬥᬩᭀᬤ᭄ᬥ᭞ᬦᬵᬕᬕᭂᬥᬾᬫᬂᬤᬢᬶ᭞ᬗ᭄ᬭᬭᬶᬲ᭄ᬳᬶᬤᬗᬸᬜ᭄ᬘᬃ
ᬯᬾᬤ᭞ᬧᬭᬡ᭄ᬥᬰᬶᬯᬦᬶᬢᬶᬄᬍᬫ᭄ᬩᬸ᭞ᬢᬍᬃᬳᬶᬤᬗᬸᬜ᭄ᬘᬭᬂᬯᬾᬥ᭞ᬫᬭᬶᬂᬕᬶᬕᬶᬃ᭞ᬍᬫ᭄ᬩᬸᬍᬫ᭄ᬩᬸᬯᬦ᭄ᬧᬸᬦᬶᬓ᭟ᬲᬸᬮᬶᬗ᭄ᬕᬶᬄᬦᬾᬮ᭄ᬬᬦ᭄ᬮ᭄ᬬᬦᬦ᭄᭞
ᬗᬮᬶᬗ᭄ᬕᬶᬳ᭄ᬓ᭄ᬭᬾᬢᬲᬫᬶ᭞ᬧᬫᬗ᭄ᬓᬸᬮᬦ᭄ᬧᬭᬯᬬᬄ᭞ᬓᬮᬶᬄᬤᬦᬾᬚ᭄ᬭᭀᬲᭂᬗ᭄ᬕᬸᬳᬸ᭞ᬲᬫᬶᬗᬮᬶᬗ᭄ᬕᬶᬳᬶᬦ᭄ᬓᬸᬤ᭞ᬤᬩ᭄ᬤᬩ᭄ᬩᭂᬘᬶᬓ᭄᭞ᬧᬫᬃᬕ᭄ᬕᬶ
