[᭑᭙ 19B]
᭑᭙
ᬫᬵᬬᬸᬩᬬᬸᬩᬦ᭄᭞ᬩᬯᬸᬫᬭᬕᬮᬂᬓᬗᬶᬦ᭄᭞ᬮᬸᬗ᭄ᬳᬫᬲᬶᬭᬫ᭄᭞ᬳᬶᬤᬩ᭄ᬭᬵᬳ᭄ᬫᬡ᭠ᬢᬫ᭄ᬯᬶ᭟ᬮᬶᬯᬢ᭄ᬲᭂᬗ᭄ᬓᬢ᭄ᬥᬸᬦ᭄ᬓᬬᬾᬄᬉᬦ᭄ᬤ᭞ᬤᬶᬫᬦ᭄ᬢᬸᬓᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦᬩᬸᬳᬬᬫ᭄᭞ᬫᬗ᭄ᬭᬭᬶ
ᬲ᭄ᬓᬧᬬᬚ᭄ᬜᬦ᭄᭞ᬲᬵᬫ᭄ᬧᬸᬦ᭄ᬗᬗ᭄ᬕᭀᬲᬃᬯ᭄ᬯᬧᬸᬢᬶᬄ᭞ᬲ᭄ᬯᬾᬗᬦ᭄ᬢᭀᬲᬂ᭞ᬍᬫᬄᬉᬲᬦ᭄ᬫᬪᬓ᭄ᬢᬶ᭟ᬤᬾᬭᬾᬂᬢᬢᬲ᭄ᬲᬹᬃᬬ᭄ᬬᬚᬮ᭄ᬫᬦᬾᬲᬸᬩᬢ᭄ᬓ᭞ᬦᬾᬧᬘᬫᬜᬦ᭄ᬤᬗᬶᬦ᭄᭞ᬩᬸᬓᬸᬭᬾᬲᬶᬦᬫ᭄ᬬᬦ᭄᭞ᬫᬗ᭄ᬭᬭᬶ
ᬲ᭄ᬓᬧᬬᬚ᭄ᬜᬦ᭄᭞ᬩ᭄ᬤᬶᬮ᭄ᬲᬫᬶᬧᬥᬫᬤᬕᬶᬂ᭞ᬯᬸᬲᬾᬫᬲ᭄ᬯᬭ᭞ᬤᬯᭂᬕᬾᬫᬢᬢᬗᬶ᭟ᬲᬾᬚᬫᬮᬶᬄᬚᬦ᭄ᬫᬦᬾᬧᬘᬂᬗᬋᬫ᭄ᬩᬢ᭄᭞ᬧᬮᬶᬗ᭄ᬕᬶᬳᬾᬲᬫᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬦᬧᬓ᭄᭞ᬢ᭄ᬓᬦᬶᬂᬧᬘᬂᬦᬶᬫ᭄ᬩ᭠
ᬮ᭄᭞ᬫᬧᬦ᭄ᬢᬧᬦ᭄ᬢᬤᬶᬫᬃᬕ᭄ᬕᬶ᭞ᬩᬶᬮᬂᬳᬦᬗ᭄ᬓ᭞ᬲᬾᬚᬾᬧᬘᬂᬗᭂᬦ᭄ᬢᭀᬲᬶᬦ᭄᭟ᬧᬯᬶᬮᬗᬦᬶᬧᬸᬜ᭄ᬚᬦ᭄ᬫᬦᬾᬫᬗᬺᬫ᭄ᬩᬢ᭄᭞ᬩᬸᬓᬸᬭᬾᬧ᭄ᬢᬂᬲᬶᬓᬶ᭞ᬓᬯᬸᬮᬕ᭄ᬬᬜᬃ᭞ᬫᬗ᭄ᬯᬶᬲᬶᬗ᭄ᬳᬭᬵᬚ᭞ᬩᬥᬸᬂᬓᬭᬗ᭠
[᭒᭐ 20A]
ᬲᭂᬫ᭄ᬩᬗ᭄ᬮᬶ᭞ᬢ᭄ᬮᬲ᭄ᬲᬫ᭄ᬬᬦ᭄᭞ᬦᬾᬦᬾᬧᬘᬂᬜᬦ᭄ᬤᬗᬶᬦ᭄᭟ᬲᬯᬢᬭᬯᬾᬦ᭄ᬢᭂᬦ᭄ᬩᬯᬸᬥᬯᬸᬄᬧᬶᬲᬦ᭄᭞ᬩᬸᬓᬸᬭᬾᬫ᭄ᬤᬮ᭄ᬲᬫᬶ᭞ᬫᬗ᭄ᬩᭂᬓᬶᬦ᭄ᬫᬃᬕ᭄ᬕ᭞ᬕ᭄ᬮᬶᬲ᭄ᬲᬫᬶᬫᬚᬮᬦ᭄᭞ᬲᬹᬃᬬ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬩ᭄ᬤᬶ
ᬮ᭄ᬫᬲ᭄ᬯᬭ᭞ᬓᬸᬮ᭄ᬓᬸᬮ᭄ᬫᬤᬾᬦ᭄ᬤᬸᬢ᭄ᬢᬭᬶᬓ᭄᭟ᬲᬤᬾᬰᬤᬾᬰᬮᬶᬦᬸᬲ᭄ᬦᬾᬓᬳᭂᬦ᭄ᬢᬲᬦ᭄᭞ᬚᬮ᭄ᬫᬦᬾᬘ᭄ᬭᬶᬓ᭄ᬓᭂᬮᬶᬄ᭞ᬢ᭄ᬓᬲᬓᬸᬋᬦᬦ᭄᭞ᬫᬩᬮᬶᬄᬓᬕᬯᭀᬓᬦ᭄᭞ᬳᬤᬗᬦ᭄ᬤᭀᬂᬲᭀᬫᬄᬲᬓᬶᬢ᭄᭞
ᬳᬤᬫᬤᬦ᭄ᬤᬦ᭄᭞ᬫᬜᬶᬗ᭄ᬳᬮ᭄ᬳᬤᬫᬜᬸᬗ᭄ᬕᬶ᭟ᬳᬤᬮᬾᬦ᭄ᬫᬶᬭᬶᬩ᭄ᬘᬾᬮᬾᬂᬫᬲᭀᬕ᭄ᬲᬕ᭄᭞ᬧᬓ᭄ᬲᬸᬮ᭄ᬢᬸᬯᬘ᭄ᬭᬶᬓ᭄᭞ᬫᬳᬸᬕ᭄ᬫᬳᬶᬩᬸᬓᬦ᭄᭞ᬤᬤᬶᬗᭂᬦᬄᬧ᭄ᬭᬪᬵᬯ᭞ᬉᬚᬦ᭄ᬭᬵᬚᬢᬾᬚᬕᬸᬮᬶᬂ᭞ᬲᬹᬃ᭠
ᬬ᭄ᬬᬓᬮᬗᬦ᭄᭞ᬋᬫ᭄ᬋᬫ᭄ᬕᬸᬫᬶᬦᬾᬲ᭄ᬤᬶᬄ᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧᬲᬶᬲᬶᬦ᭄ᬓᬸᬲᬫ᭄ᬩ᭞ᬫᬮᬶᬄ᭠ᬜᬸᬳᬭᬬᬂᬩ᭄ᬤᬶᬮ᭄᭞ᬢᬭᬶᬓ᭄ᬳᬓᬺᬧᭂᬤᬦ᭄᭞ᬩᬸᬓᬸᬃᬲᬫᬶᬫᬭᬵᬃᬬ᭄ᬬᬦ᭄᭞ᬫᬸᬭᬸᬩ᭄ᬗᭂᬩᭂᬓᬶᬦ᭄ᬧᬲᬶᬲᬶ᭞
Kaca:Bali-lontar-gaguritan-padem-warak-350ppi.pdf/20
Kaca puniki sampun kauji-wacén
