[᭑᭑ 11B]
᭑᭑
᭞ᬳᬯᬓ᭄ᬢᬸᬫ᭄ᬩᬾᬦ᭄ᬓᬧᬮᬮᬶ᭞ᬫᬸᬜᬶᬦᬾᬓᬮᬶᬯᬢ᭄ᬓᬾᬢᭀᬃ᭞ᬤᭀᬂᬤᬧᬗᭂᬦᬂᬫᬩᬮᬶᬄ᭞ᬢᬶᬫ᭄ᬧᬮᬾᬫᬗ᭄ᬤᬾᬓᬶᬦ᭄᭞ᬲᬚᬬᬾᬦ᭄ᬜᭂᬦ᭄ᬩᬸᬓᬓᬾᬢᭀ᭞ᬩᬯᬸᬫᭂᬜ᭄ᬘᭀᬮ᭄ᬳᬦᬓ᭄ᬚᭂᬫᬓ᭄᭞ᬢ
ᬦᬶᬕ᭄ᬮᬳᬾᬧ᭄ᬮᬮᬶ᭞ᬕ᭄ᬮᭂᬤᬄᬕ᭄ᬮᭂᬤᬸᬄ᭞ᬲᭂᬗ᭄ᬕᬸᬄᬬᬕ᭄ᬮᭂᬤ᭄ᬭᬦ᭄ᬢᬸᬫ᭟ᬤᭂᬧᬂᬚᬲᬶᬓᬸᬢ᭄ᬳᬧᬶᬲᬦ᭄᭞ᬜᬾᬜ᭄ᬚᬦᬯᬂᬦᬾᬦᬾᬤᬶᬦᬶ᭞ᬲ᭄ᬩᭂᬮ᭄ᬳᬯᬓ᭄ᬜᬳᬶᬓᬾᬦ᭄ᬢᭀ᭞ᬢᭀᬂᬤᬸᬕᬳᬶᬯᬬᬦ᭄ᬩ᭄ᬭᬗ᭄ᬢᬶ᭞ᬳᭂᬦ᭄ᬤᭂᬧᬂ
ᬲᬸᬩᬚᬦᬶ᭞ᬲᬕᬾᬢ᭄ᬚᬦ᭄ᬫᬦᬾᬫᬢᬸᬳᬸᬓ᭄᭞ᬘᭀᬓᭀᬃᬤ᭄ᬟᬳᬶᬤᬩᬸᬤᬮ᭄᭞ᬫᬲᭂᬓ᭄ᬲᭂᬓ᭄ᬲᬫᬶᬫᬜᬫ᭄ᬧᬶᬂ᭞ᬢ᭄ᬮᬲ᭄ᬫᬦ᭄ᬢᬸᬓ᭄᭞ᬢᬗ᭄ᬓᬶᬮᬦᬾᬓᬤᬸᬤᬸᬗᬦ᭄᭟ᬉᬘᬧᬦ᭄ᬧ᭄ᬢᭂᬗᬾᬜᬦ
ᬦ᭄᭞ᬫᬃᬕ᭄ᬕᬶᬦᬾᬫᬘᬤᬂᬲᬸᬦ᭄ᬤᬶᬄ᭞ᬫᬃᬓᬸᬭᬸᬗᬸᬫᬭᬾᬭᭀᬤ᭄᭞ᬉᬮᬶᬓᬯᬸᬄᬫ᭄ᬩᬾᬢᬾᬮ᭄ᬓᬗᬶᬦ᭄᭞ᬲᬩᬶᬮᬂᬮᬯᬗᬦ᭄ᬲᬫᬶ᭞ᬮᬾᬦ᭄ᬧᭂᬦ᭄ᬢᬲᬦ᭄ᬢ᭄ᬯᬭᬲᬸᬳᬸ᭞ᬚᬤ᭄ᬫᬦᬾᬫᬲᬶᬬᬸᬭᬦ᭄᭞ᬮᬾ᭠
[᭑᭒ 12A]
ᬦ᭄ᬤᬕᬂᬗ᭄ᬩᭂᬓᬶᬦ᭄ᬫᬃᬕ᭄ᬕᬶ᭞ᬲᬫᬶᬗᬮᬸᬩ᭄ᬫᬶᬬᬶᬓ᭄ᬚᭂᬕᬾᬕ᭄ᬩᬚᬂᬩᬚᬂ᭟ᬧᬫᬢᬶᬗᬾᬗᬜᬩᬾᬢ᭠ᬓ᭄᭞ᬧ᭄ᬲᬸᬢᬦ᭄ᬤᬂᬓ᭄ᬜᬶᬂᬓ᭄ᬜᬿᬂ᭞ᬬᬾᬦ᭄ᬤᭂᬓ᭄ᬫᬸᬜᬶᬦᬾᬳᬾᬜᭀᬃ᭞ᬓ᭄ᬦᭂᬳᬾᬓᬮᬶᬯᬢ᭄ᬲᬓᬶᬢ᭄᭞ᬩ᭄ᬓᭂᬮᬾ
ᬳᭀᬜᬩᬺᬲᬶᬄ᭞ᬓᬮᬸᬤᬬᬂᬢ᭄ᬯᬭᬩᬶᬢᬸᬂ᭞ᬳᬶᬥᭂᬧᬾᬲᬸᬩᬗ᭄ᬕᭂᬮᭀᬄ᭞ᬢ᭄ᬯᬭᬳᬤᬦᬸ᭠ᬢᬺᬱ᭄ᬡᬳᬦ᭄᭞ᬲᬧᬗ᭄ᬕᬸᬕᬸᬦ᭄᭞ᬳᬦᬓ᭄ᬩᬸᬮᬳᬾᬫᬩᬳᬦ᭄᭟ᬳᬧᬦ᭄ᬪᬸᬓ᭄ᬢᬶᬦ᭄ᬩᬚᬂᬩᬚᬂ᭞ᬗᬶᬗ᭄ᬓᬺᬓᬶᬦ᭄ᬤ᭠
ᬕᬗᬾᬲᬳᬶ᭞ᬲᬶᬮᬶᬄᬳᬾᬲᬾᬤ᭄ᬲᬶᬮᬶᬄᬳᭀᬲᭀᬤ᭄᭞ᬳᭂᬗ᭄ᬲᬧ᭄ᬓᬾᬦ᭄ᬮᬓ᭄ᬱᬡᬧ᭄ᬮᬶᬄ᭞ᬲᬸᬲᬸᬧᬶᬦ᭄ᬫᬦᬄᬧᬮᬶᬂ᭞ᬧ᭄ᬲᬸᬩᬺᬕᬄᬲᬮᬄᬳᬸᬦ᭄ᬤᬸᬓ᭄᭞ᬲᭀᬓ᭄ᬩᬓᬢ᭄ᬩᬸᬓᬓᬾᬦ᭄ᬢᭀ᭞ᬳᬯᬓ᭄ᬧᬲᬗᬶᬦ᭄᭠
ᬮᬢᬶᬄ᭞ᬢ᭄ᬯᬭᬢᬳᬸ᭞ᬢᬦᬶᬳᭂᬦ᭄ᬤᬸᬲᬶᬦ᭄ᬗᭂᬮᬸᬤ᭄ᬳᬯᬓ᭄᭟ᬯᬾᬦ᭄ᬢᭂᬦ᭄ᬲᬓᬶᬂᬲᬶᬗ᭄ᬳᬭᬵᬚ᭞ᬧᬺᬩᬵᬮᬶᬜ᭄ᬮᭂᬢ᭄ᬕ᭄ᬭᬦ᭄ᬢᬶᬫ᭄᭞ᬧᬩᬶᬓᬲᬦ᭄ᬮᬶᬯᬢ᭄ᬳᬦ᭄ᬤᭀᬕ᭄᭞ᬦᭂᬲᭂᬓ᭄ᬤᬕᬂᬓ᭄ᬜᬶᬂᬓ᭄ᬜᬶᬂ᭞ᬲ᭄ᬩᭂᬂᬢ᭄ᬯᬭᬓᬸᬯᬂᬲᬶᬂ᭞ᬫᬳ
Kaca:Bali-lontar-gaguritan-padem-warak-350ppi.pdf/12
Kaca puniki sampun kauji-wacén
