Kaca:Bali-lontar-gaguritan-narasoma-350ppi.pdf/14

Saking Wikisource
Cebur nuju navigasi Cebur nuju parerehan
Kaca puniki sampun kauji-wacén

[᭑᭓ 13B]
᭑᭓
ᬲᭂᬫ᭄ᬩᬄ᭞ᬭᬶᬂᬚᭂᬂᬧᬤᬸᬓᬪᬵᬝᬵᬭ᭞ᬳᬦ᭄ᬢᬸᬓ᭄ᬮᬸᬗᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬢᬸᬃᬮᬩ᭄ᬤᬾᬂᬓᬃᬬ᭄ᬬ᭞ᬧᭀᬮᬶᬄᬧᭀᬮᬶᬄᬧᬸᬢ᭄ᬭᬶᬳᬲᬶᬓᬶ᭟ᬢᬶᬢ᭄ᬬᬂᬫᬗ᭄ᬓᬶᬦ᭄ᬤᬶᬲᬶᬲᬶᬦᭂᬕᬭ᭞ᬜᬦ᭄ᬢᭀᬲ᭄ᬢᬶᬫ᭄ᬩ
ᬮᬦ᭄ᬲᬂᬳᬚᬶ᭞ᬲᬧᬸᬦᬧᬶᬓᬳᬢᬸᬃᬢᬶᬢ᭄ᬬᬂ᭞ᬭᬶᬂᬮᬶᬗ᭄ᬕᬶᬄᬘᭀᬓᭀᬃᬳᬶᬤᬾᬯ᭞ᬢᬶᬢ᭄ᬬᬂᬧᬸᬢ᭄ᬭᬦ᭄ᬲᬗ᭄ᬳᬚᬶ᭞ᬇᬦᬭᬰᭀᬫ᭄ᬫ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬤᬶᬧᬦ᭄ᬧᬶ᭟ᬲᬫ᭄ᬧᬸᬦ᭄ᬢᬮ
ᬲ᭄ᬓᬫᬘᬲᬸᬭᬢ᭄ᬧᬸᬦᬶᬓ᭞ᬲᬂᬧ᭄ᬭᬪᬹᬲᬸᬓᬦᬾᬫᬗ᭄ᬓᬶᬦ᭄᭞ᬭᬭᬶᬲ᭄ᬗᬦ᭄ᬤᬶᬓ᭞ᬭᬶᬂᬲᬂᬫᬦ᭄ᬢ᭄ᬭᬶᬧᬸᬗ᭄ᬕᬯ᭞ᬓᭂᬫᬧᬤᬮ᭄ᬯᬲ᭄᭞ᬫᭂᬦ᭄ᬤᬓᬶᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭟ᬭᬭᬶᬲ᭄ᬜᬸᬫ᭄ᬩᬄᬢᬸᬫᭂᬗ᭄ᬕᬸᬂᬫᬦ᭄ᬢ᭄ᬭᬶᬩᬸ
ᬧᬢᬶ᭞ᬢᬶᬢ᭄ᬬᬂᬫᬦᬸᬦᬲ᭄ᬫᬧᬫᬶᬢ᭄᭞ᬲᬂᬧ᭄ᬭᬪᬹᬗᬦ᭄ᬤᬶᬓ᭞ᬕᬕᭂᬕᬫ᭄ᬩᭂᬮᬦ᭄ᬧᬤᬢᭂᬤᬸᬦᬂ᭞ᬇᬕᭂᬮᬶᬕᭂᬮᬦᬾᬢᭂᬤᬸᬦ᭄ᬲᬫᬶ᭞ᬭᬶᬂᬚᭀᬮᬶ᭞ᬧᬘᬂᬫᬫᬦ᭄ᬤᬓᬶᬦ᭄ᬧᬸᬢ᭄ᬭᬶ᭟

[᭑᭔ 14A]
ᬕᭂᬕᭂᬭᬦ᭄ᬲᬳᬸᬢᬦ᭄ᬮᬯᬦ᭄ᬕᭂᬕᬫ᭄ᬩᭂᬮᬦ᭄᭞ᬳᬓᬾᬄᬯᭀᬂᬯᬭᬯᬶᬭᬶ᭞ᬓᬸᬮ᭄ᬓᬸᬮ᭄‌ᬫᬲ᭄ᬯᬭ᭞ᬢᭂᬗᭂᬭᬦᬾᬫᬚᬮᬦ᭄᭞ᬢᬦ᭄ᬓᬘᬭᬶᬢᬤᬶᬫᬃᬕᬶ᭞ᬕ᭄ᬮᬶᬲᬶᬂᬘ᭄ᬭᬶᬢ᭞ᬲᬫ᭄ᬧᬸᬦ᭄ᬭᬯᬸᬄᬤᬶ
ᬧᬦ᭄ᬧᬶ᭟ᬭᬭᬶᬲ᭄ᬫᭂᬤᬮ᭄ᬤᬦᬾᬭᬤᬾᬦ᭄ᬦᬭᬲᭀᬫ᭞ᬓᬮᬶᬄᬮᬦ᭄ᬢᬶᬃᬣᬯᬢ᭄ᬢᬶ᭞ᬮ᭄ᬯᬶᬃᬓᭂ[strike/]ᬩ[/strike]ᬫ᭄ᬩᬂᬲᬧᬲᬂ᭞ᬢᬦ᭄ᬤᬫᬦ᭄ᬢ᭄ᬭᬶᬧᬤᬜᬸᬫ᭄ᬩᬄ᭞ᬘᭀᬓᭀᬃᬇᬤᬾᬯᬯᬳᬸᬧ᭄ᬭᬧ᭄ᬢᬶ᭞
ᬭᬥᬾᬦ᭄ᬦᬭᬲᭀᬫ᭞ᬗᬦ᭄ᬤᬶᬓᬭᬶᬂᬇᬧᬢᬶᬄ᭟ᬩᬧᬧᬢᬶᬄᬇᬭᬇᬢᬸᬦᬶᬲᬸᬩᬢ᭄ᬓ᭞ᬭᬭᬶᬲ᭄ᬫᬢᬸᬃᬭᬓ᭄ᬭ᭄ᬬᬦ᭄ᬧᬢᬶᬄ᭞ᬕᭂᬮᬶᬲᬂᬭᬢᬸᬫᬸᬗ᭄ᬕᬄ᭞ᬭᬭᬶᬲ᭄ᬭᬥᬾᬦ᭄ᬦᬭᬲᭀᬫ᭞
ᬢᬶᬃᬢᬯᬢ᭄ᬢᬶᬦᬸᬗ᭄ᬕᬮ᭄ᬚᭀᬮᬶ᭞ᬭᬥᬾᬦ᭄ᬦᬭᬲᭀᬫ᭄ᬫ᭞ᬦᬸᬗ᭄ᬕᬂᬓᬸᬤᬲ᭄ᬓᬃᬕᬫ᭄ᬩᬶᬃ᭟ᬢᬸᬃᬫᬯᬲ᭄ᬢ᭄ᬭᬲᬸᬢ᭄ᬭᬫᬩᬶᬓᬲ᭄᭞ᬦᬸᬚ᭄ᬯᬂᬫᬦᬄᬫᬓᬫ᭄ᬧᬸᬄᬧᭂᬃᬫᬲ᭄ᬯᬶᬮᬶᬲ᭄᭞ᬲᬶᬦᭂᬫ᭄ᬩᬃ