Kaca:Bali-lontar-gaguritan-nabhi-muhammad-250ppi.pdf/89

Saking Wikisource
Kaca puniki sampun kauji-wacén

[᭘᭘ 88B]
᭘᭘
ᬭᬾᬢ᭄ᬳᬶᬓᬵ᭞ᬬᬾᬦ᭄ᬫᬸᬳᬫᬤ᭄᭞ᬳᬸᬢᬸᬲᬦ᭄ᬓᬂᬮᬶᬦᬸᬯᬶᬄ᭞ᬳᬶᬗ᭄ᬓᬂᬓᬢᬸᬭᬸᬦᬦ᭄‌ᬓ᭄ᬭᭀᬆᬦ᭄᭟ᬓᬂᬫᬶᬦᬗ᭄ᬓᬧᬦᬸᬢᬦ᭄ᬦᬶᬂᬚᬮ᭄ᬫᬶ᭞ᬲᬓᬢᬳ᭞ᬧᬤᬳᬦᬸᬢᬶᬂᬓ᭄ᬭᭀᬅᬦ᭄᭞ᬫᬶᬯᬄ
ᬢ᭄ᬓᬦᬶᬂᬗᬮᬮᬋᬓᭀ᭞ᬫᬭᬶᬂᬓᭂᬩᭀᬲᬫ᭄ᬧᬶᬳᬶᬓᬸ᭞ᬳᬭᬫ᭄ᬫᬶᬦᬲᬶᬦᬫ᭄ᬩᬮᬾᬄᬳᬶᬓᬶ᭞ᬫᬶᬯᬄᬢᬳᬶᬦᬾᬓᭂᬩᭀᬳᬭᬫ᭄᭞ᬬᬾᬦ᭄ᬳᬫ᭄ᬩᬢᬋᬓᬾᬓᬸ᭞ᬳᬭᬫ᭄ᬤᬾᬦᬾᬓᬶ᭠
ᬢᬧ᭄ᬓ᭄ᬭᭀᬅᬦ᭄᭞ᬳᬦᬳᬶᬗ᭄ᬲᬸᬦ᭄ᬳᬫ᭄ᬬᬃᬱ᭟ᬬᬦᬓᭀᬘᬧᬶᬂᬓᬶᬢᬧ᭄ᬢᭀᬭᬾᬢ᭄ᬲᬶᬗ᭄ᬕᬶᬄ᭞ᬳᬓᬾᬦ᭄ᬳᬦᬹᬢ᭄᭞ᬫᬭᬶᬂᬳᬸᬢᬸᬲᬦ᭄ᬧᬸᬦᬶᬓᬵ᭞ᬳᬶᬗ᭄ᬓᬂᬓᬬᬉᬚᬵᬭᬾᬋᬓ᭞ᬓᬢᬸᬯᭀ
ᬦᬾᬯᭀᬂᬧᬸᬦᬶᬓᬸ᭞ᬲᬸᬭᬾᬂᬗᬸᬭᬶᬧᬶᬂᬥᬸᬦ᭄ᬬᬳᬶᬓᬶ᭞ᬮᬫᬸᬦ᭄ᬋᬓᬾᬫᬗ᭄ᬓᬾᬳᬦ᭞ᬇᬂᬢ᭄ᬯᬦᬾᬳᬶᬓᬸ᭞ᬳᬶᬦᬪᬶᬦᬶᬭᬮᬯᬲ᭄᭞ᬓᬂᬳᬍᬯᬶᬄ᭞ᬲᬢᬸᬳᬸᬦᬾᬳᬶᬓᬸᬲᬶᬗ᭄ᬕᬶᬄ᭞ᬬᬸᬕ᭄ᬬᬲᬶᬭ
[᭘᭙ 89A]
ᬳᬦᬸᬢ᭟ᬉᬚᬭᬶᬂᬰᬵᬲ᭄ᬢ᭄ᬭᬳᬓᬸᬫᬗ᭄ᬓᬾᬲᬶᬗ᭄ᬕᬶᬄ᭞ᬳᬶᬗᬸᬭᬶᬧᬾ᭞ᬳᬶᬂᬚ᭄ᬭᭀᬥᬸᬦ᭄ᬬᬧᬸᬦᬶᬓᬵ᭞ᬯᭀᬂᬫᬢᬸᬃᬭᬶᬂᬲ᭄ᬯᬭᬵᬓᬩᬾᬄ᭞ᬳᬦᬸᬢ᭄‌ᬯᬸᬯᬸᬲ᭄ᬳᬦ᭄ᬤᬶᬓᬾᬓᬸ᭞ᬬᬾᬦ᭄ᬱᬶᬭᬫᬸᬳᬫᬤ᭄ᬢᬾᬓᬶ᭞
ᬳᬋᬧ᭄ᬫᬗ᭄ᬓᬾᬳᬦᬸᬢ᭞ᬳᬶᬂᬕᬫᬦᬾᬧᬸᬦᬶᬓᬸ᭞ᬳᬶᬗ᭄ᬲᬸᬦ᭄ᬲᬤ᭄ᬬᬢ᭄ᬯᬦ᭄ᬳᬦᬸᬢ᭞ᬳᬶᬂᬫᬸᬳᬫᬤ᭄᭞ᬧᬸᬦᬶᬓᬢᬢ᭄ᬯᬦ᭄ᬲᬶᬗ᭄ᬕᬶᬄ᭞ᬓᬶᬲᭂᬫᬸᬢ᭄ᬫᬗ᭄ᬓᬾᬳᬗᬸᬘᬧ᭄᭟ᬳᬧᬦᭂᬤ᭄ᬫᬗ᭄ᬓᬾᬥᬢᭂᬂᬳᬶᬗ᭄ᬲᬸ
ᬦ᭄ᬧᬸᬦᬶᬓᬶ᭞ᬫᬭᬂᬫᬸᬳᬫᬤ᭄᭞ᬮᬄᬫᬗ᭄ᬓᬾᬧᬤᬧᬶᬦᬭᬶᬓ᭄ᬱ᭞ᬲᬋᬂᬢ᭄ᬯᬦ᭄ᬮᬦ᭄ᬲᬓᬩᬾᬄ᭞ᬳᬶᬗ᭄ᬲᬸᬦ᭄ᬳᬦ᭄ᬯᬮ᭄ᬲᬶᬭᬾᬓᬸ᭞ᬫᬲᬓᬵᬮᬄᬳᬶᬗ᭄ᬲᬸᬦ᭄ᬧᬸᬦᬶᬓᬶ᭞ᬬᬾᬦ᭄ᬳᬶᬗ᭄ᬲᬸᬦ᭄ᬫᬗ᭄ᬓᬾᬲᭀ
ᬭᬦ᭄᭞ᬳᬚᬫᬗ᭄ᬓᬾᬧᬤᬓᬢᭂᬫᬸ᭞ᬫᬓᬮᬫᬸᬦ᭄ᬳᬶᬗ᭄ᬲᬸᬦ᭄ᬓᬮᬄ᭞ᬬᬸᬕ᭄ᬬᬦᬾ᭞ᬳᬦᬸᬢᬶᬂᬫᬸᬳᬫᬤ᭄‌ᬦᬵᬪᬶ᭞ᬳᬶᬲ᭄ᬢᬸᬮᬫᬸᬦ᭄ᬳᬸᬢᬸᬲᬦ᭄᭟ᬲᬥᬬᬫᬵᬢᬸᬃᬫᬸᬭᬶᬧᬾᬭᬶ