[᭗᭗ 77B]
᭗᭗
ᬫᬫᬦᬶᬲ᭄᭞ᬲᬸᬧᬬᬤᬾᬦ᭄ᬧᬤᬵᬗ᭄ᬭᬸᬗᬸ᭞ᬤᬾᬦᬾᬋᬓᬾᬯᭀᬗᬓᬢᬄ᭞ᬫᬶᬯᬮᬵᬯᬦ᭄ᬓᬯᬸᬮᬲᬫᬶ᭞ᬤᬶᬤᬶᬫᭀᬦᬾ᭞ᬕᬫ᭄ᬬᬃᬱᬲᬫᬥᬬ᭟ᬲᬵᬫ᭄ᬧᬸᬦ᭄ᬲᬶᬭᬳᬫᬲᬲᬳᬤᬢ᭄᭞
ᬦᬸᬮᬶᬄᬢ᭄ᬯᬦ᭄ᬳᬗᬓᬾᬦ᭄ᬫᬮᬶᬄ᭞ᬳᬶᬍᬍᬗᭂᬦ᭄ᬚᬸᬩᬄᬢ᭄ᬯᬦ᭄᭞ᬳᬶᬗᬲ᭄ᬢᬢ᭄ᬯᬦ᭄ᬓᬂᬓᬶᬭᬂ᭞ᬦᬸ᭠ᬮ᭄ᬬᬍᬧᬲ᭄ᬫᬗ᭄ᬓᬾᬫᬶᬚᬶᬮ᭄᭞ᬳᬶᬂᬢᬗᬦ᭄ᬥᬮᬦᬾᬳᬶᬓᬸ᭞ᬢᭂᬗᭂᬦ᭄ᬳᬲ᭄ᬢᬚᬸᬩᬄᬢ᭄ᬯᬵᬦ᭄᭞
ᬲᬵᬫ᭄ᬧᬸᬦᬶᬂᬫᬗ᭄ᬓᬦᬫᬮᬶᬄ᭞ᬢ᭄ᬯᬦ᭄ᬳᬗᬓᬾᬦ᭄᭞ᬢᬸᬫᬸᬭᬸᬦᬶᬂᬯᬶᬰ᭄ᬫᬵ᭟ᬲᬵᬫ᭄ᬧᬸᬦ᭄ᬢᬸᬫᬸᬭᬸᬦᬓᬂᬉᬮᬦ᭄᭞ᬦᬸᬮᬶᬄᬢ᭄ᬯᬦ᭄ᬳᬗᬓᬾᬦ᭄ᬫᬮᬶᬄ᭞ᬲᬶᬕᬃᬤᬤᬶᬓᬮᬶᬄᬢᬋᬓᭀ᭞ᬢ᭄ᬯᬦ᭄ᬳᬗᬓᭀ
ᬦ᭄ᬲᬲᬶᬩᬓ᭄ᬢᬾᬓᬶ᭞ᬳᬶᬂᬫᬲ᭄ᬭᬶᬓ᭄ᬤᬮᬦᬾᬫᬗ᭄ᬓᬾᬓᬶ᭞ᬰᬰᬶᬄᬓᬂᬲᬶᬕᬃᬧᬸᬦᬶᬓᬸ᭞ᬳᬓᬾᬦ᭄ᬫᬭᬳᬾᬂᬫᬕ᭄ᬭᬶᬩ᭄᭞ᬲᬵᬫ᭄ᬧᬸᬦᬧ᭄ᬭᬵᬧ᭄ᬢ᭞ᬳᬶᬂᬫᬕ᭄ᬭᬶᬩ᭄ᬮᬦ᭄ᬫᬲ᭄ᬭᬶᬓ᭄ᬳᬶᬓᬵ᭟ᬉᬮᬦ᭄ᬳᬓᬾᬦ᭄ᬫᬗ᭄ᬓᬾ
[᭗᭘ 78A]
ᬫᬸᬗ᭄ᬕᬄᬓᬯᬸᬮ᭞ᬉᬮᬦ᭄ᬳᬢᭂᬫᬸᬳᬶᬗᬶᬢ᭄᭞ᬢᬸᬭᬦᭀᬭᬦᬘᬘᬤᬾᬳᬶᬓ᭞ᬯᬮᬸᬬᬓᬵᬤᬶᬭᬶᬂᬗᬹᬦᬶ᭞ᬮᬦ᭄ᬳᬚᬯᬄᬳ᭄ᬦᬫᬮᬶᬄ᭞ᬳᬶᬂᬘᬵᬳ᭄ᬬᬦᬾᬓᬵᬤᬶᬭᬸᬫᬸᬳᬸᬦ᭄᭞ᬧᬸᬦᬶᬓ
ᬓᬂᬢᭂᬤᬢ᭄ᬥ᭞ᬫᬶᬯᬄᬲᬓᬢᬳᬶᬗ᭄ᬯᬂᬤᬸᬯᬾᬓᬶ᭞ᬯᭀᬂᬲᬓᬩᬾᬄ᭞ᬧᬸᬦᬶᬓᬵᬧᬵᬦ᭄ᬥᬦᬾᬫᬭᬶᬂᬢ᭄ᬯᬦ᭄᭟ᬬᬾᬦ᭄ᬓᬢᭂᬓᬦ᭄ᬫᬗ᭄ᬓᬾᬲᬥᬬ᭞ᬓᬬᬧᬦ᭄ᬥᬳᬫ᭄ᬩᬧᬸᬦᬶᬓᬶ᭞ᬢᬸᬳᬸᬢ᭄ᬯᬦ᭄
ᬦᬵᬪᬶᬳᬸᬢᬸᬲᬦ᭄᭞ᬧᬦᬸᬢᬸᬧ᭄ᬲᬓᬾᬳᬶᬂᬦᬵᬪᬶ᭞ᬧᬗᬸᬮᬸᬦᬾᬫᬸᬃᬲᬮᬶᬫ᭄᭞ᬧ᭄ᬢᬂᬮᬓ᭄ᬱᬧ᭄ᬢᬂᬗᬢᬸᬲ᭄᭞ᬢᬸᬳᬸᬢ᭄ᬯᬵᬦ᭄ᬓᬂᬫᬸᬮ᭄ᬬ᭞ᬲᬓᬶᬂᬦᬵᬪᬶᬓᬂᬓᬭᬶᬳᬶᬦ᭄᭞ᬳᬫ᭄ᬩᬲᬥᬬ᭞ᬫᬗ᭄ᬓᬾ
ᬳᬦᬹᬢ᭄ᬫᬭᬶᬂᬢ᭄ᬯᬦ᭄᭟ᬭᬶᬲᬵᬫ᭄ᬧᬸᬦᬶᬭᬫᬗ᭄ᬓᬦ᭞ᬩᬸᬚᬳᬮ᭄ᬫᬭᬲᬶᬂᬳᬢᬶ᭞ᬓᬶᬩᬸᬚᬳ᭠ᬮ᭄ᬫᬗ᭄ᬓᬾᬢᬦᬵᬃᬣ᭞ᬳᬧ᭄ᬢᬓ᭄ᬧ᭄ᬢᬓ᭄ᬫᬗ᭄ᬓᬾᬳᬗ᭄ᬮᬶᬂ᭞ᬦᭀᬭᬦᬳᬲᬄᬫᬦᬳᬶᬭᬢᬾᬓᬶ᭞ᬳ
Kaca:Bali-lontar-gaguritan-nabhi-muhammad-250ppi.pdf/78
Kaca puniki sampun kauji-wacén
