[᭖᭘ 68B]
᭖᭘
ᬫᬸᬚᬶᬲᬢᬾᬦᬪᬶᬳᬶᬩ᭄ᬭᬳᬶᬫ᭄᭞ᬢᬢ᭄ᬓᬵᬮᬗ᭄ᬭᬸᬲᬓ᭄ᬩ᭄ᬭᬳᬮ᭞ᬉᬓᬶᬭᬦᬾᬢᬫ᭠ᬗ᭄ᬓᭀ᭞ᬧᬸᬦᬶᬓᬵᬫᬓ᭄ᬱᬶᬄᬳᬃᬚ᭄ᬚ᭞ᬩ᭄ᬭᬳᬮᬦᬾᬲᬂᬦᬵᬣ᭞ᬦᬸᬮ᭄ᬬᬲ᭄ᬭᬗᭂᬦ᭄ᬭᬵᬚᬦᬫ᭄ᬭᬸᬢ᭄᭞
ᬫᬗ᭄ᬓᬾᬗᬦ᭄ᬤᬶᬓᬳᬶᬂᬩᬮ᭟ᬧᬤᬳᬦᬓᭂᬦᬳᬧᬶ᭞ᬳᬶᬂᬤᬍᬫ᭄ᬕᭂᬤᭀᬂᬧᬸᬦᬶᬓ᭞ᬮᬵᬯᬦ᭄ᬤᬸᬓ᭄ᬭᬶᬬᬲᬶᬕᭀᬢ᭄᭞ᬲᬵᬫ᭄ᬧᬸᬦ᭄ᬳᬦᬤᬤᬶᬳᬶᬓ᭞ᬲᬶᬗ᭄ᬕᭀᬢ᭄ᬓᬮᬯᬦᬦ᭞ᬢᬶᬦᬮᬾᬦᬦ᭄ᬫᬗ᭄ᬓᬾ
ᬲᬵᬫ᭄ᬧᬸᬦ᭄᭞ᬳᬶᬂᬮᬸᬳᬸᬃᬲᬶᬗ᭄ᬕᭀᬢ᭄ᬧᬸᬦᬶᬓ᭟ᬮᬶᬦᬶᬜᭀᬓᬓᭂᬦᬶᬂᬕᭂᬦᬶ᭞ᬦᬪᬶᬩ᭄ᬭ᭠ᬳᬶᬫ᭄ᬢᬦ᭄ᬓᬢᬶᬮᬗᬦ᭄᭞ᬤᬾᬦᬾᬳᬧᬶᬢᬕᭂᬂᬢᬋᬓᭀ᭞ᬍᬩᬸᬃᬤᬦᬶᬢᬢᬫᬦᬦ᭄᭞ᬲᬵ
ᬓ᭄ᬱᬡᬰᬶᬃᬡ᭄ᬦᬕ᭄ᬦᬶᬳᬶᬓ᭞ᬦᬪᬶᬩ᭄ᬭᬳᬶᬫ᭄ᬳᬶᬓ᭞ᬳᬮᬸᬗ᭄ᬕᬸᬄ᭞ᬳᬶᬂᬮᬸᬳᬸᬃᬭᬶᬂᬲᬶᬗ᭄ᬳᬲᬦ᭟ᬳᬶᬓᬸᬫᬸᬚᬶᬲᬢ᭄ᬦᬪᬶᬳᬶᬩ᭄ᬭᬳᬶᬫ᭄᭞ᬳᬦᬧᭀᬦ᭄ᬫᬸᬚᬶᬲᬢ᭄ᬦᬪ᭄ᬬ᭞ᬳᬩᬦᬺᬦ᭄ᬦᬪᬶᬤ
[᭖᭙ 69A]
ᬢᬸᬢᬾ᭞ᬮᬫᬸᬦ᭄ᬲᬸᬚᬸᬤ᭄ᬳᬲᭂᬩᬳ᭄ᬬᬂ᭞ᬲᬓᬾᬳᬾᬧ᭄ᬭᬦᬪ᭄ᬬ᭞ᬲᬸᬚᬸᬤ᭄ᬫᬸᬚᬶᬳ᭄ᬬᬂᬳᬕᬸᬂ᭞ᬳᬶᬗᬬᬸᬦ᭄᭟ᬦᬪᬶᬳᬶᬩ᭄ᬭᬳᬶᬫ᭄ᬳᬶᬓᬵ᭟ᬲᬓᬾᬢᬾᬧᬤᬯᬸᬲ᭄ᬫᬭᬰ᭄ᬫᬶᬦ᭄᭞ᬲᬫᬶᬧᬤᬲᬸᬚᬸᬤ᭄ᬳᬶᬓᬵ᭞
ᬳᬦᬧᭀᬦ᭄ᬫᬸᬚᬶᬲᬢ᭄ᬦᬪᬶᬋᬓᭀ᭞ᬫᬸᬚᬶᬲᬢ᭄ᬦᬪᬶᬲᬸᬮᬾᬫᬦ᭄᭞ᬲᬶᬲᬶᬦ᭄ᬫᬓ᭄ᬮᬸᬓᬢ᭄ᬳᬶᬓᬵ᭞ᬬᬾᬦᬳᬗᬕᭀᬲᬓᬾᬳᬾᬯᬦ᭄ᬳᬲᬸᬚᬸᬤ᭄᭞ᬳᬶᬗᬬᬸᬦ᭄ᬦᬪᬶᬲᬸᬮᬾ
ᬫᬦ᭄ᬳᬶᬓ᭟ᬳᬦᬧᭀᬦ᭄ᬫᬸᬚᬶᬲᬢ᭄ᬦᬪᬶ᭞ᬳᬦᬓᬾᬦᬶᬪᬶᬫᬭᬾᬬᬫ᭄ᬳᬶᬓ᭞ᬬᬭᬭᬲᬦ᭄ᬮᬦ᭄ᬯᭀᬂᬓᬾᬦᬾ᭞ᬢᬸᬮᬗᬾᬭᬵᬚᬓ᭄ᬮ᭞ᬭᬢᬸᬲᬶᬬᭂᬫ᭄ᬧᬸᬦᬶᬓ᭞ᬫᬮᬶᬄᬳᬢ᭄ᬫᭂᬳ
ᬦᬧᬸᬦ᭄᭞ᬯᬮᬸᬬᬓᬤᬶᬭᬶᬂᬓᬶᬦᬵ᭟ᬳᬦᬧᭀᬦ᭄ᬫᬸᬳᬤ᭄ᬳᬶᬬᬢᬶᬫ᭄᭞ᬓᬧᭀᬦ᭠ᬓᬦᬾᬧᬸᬦᬶᬓ᭞ᬲᬧᬓᬂᬳᬗ᭄ᬓᭂᬦ᭄ᬳᬯᬓᬾ᭞ᬳᬗᬓᬸᬦᬪᬶᬫᬸᬳᬫᬤ᭄᭞ᬧᬗᬸᬮᬸᬦᬾᬦ
Kaca:Bali-lontar-gaguritan-nabhi-muhammad-250ppi.pdf/69
Kaca puniki sampun kauji-wacén
