Kaca:Bali-lontar-gaguritan-nabhi-muhammad-250ppi.pdf/58

Saking Wikisource
Kaca puniki sampun kauji-wacén

[᭕᭗ 57B]
᭕᭗
ᬦᭂᬗᬾᬭᬾᬓ᭞ᬯᭀᬗᬤᬕᬂᬳᬸᬫᬵᬢᬸᬃᬳᬮᭀᬦ᭄᭞ᬧᬸᬦᬶᬓᬋᬓᬾᬲᬂᬦᬵᬣ᭞ᬦᬵ᭠ᬫᬦᬾᬫᬗ᭄ᬓᬾᬧᬸᬦᬶᬓ᭞ᬫᬦ᭄ᬢ᭄ᬭᬶᬓ᭄ᬭᬢᬦᬄᬦᬵᬫᬾᬓᬸ᭞ᬲᬶᬗ᭄ᬕᬶᬄᬓᬯᬸᬮᬾᬂᬦᬧ᭄ᬬᬄ᭟ᬳᬶᬓᬵᬃᬬ᭄ᬬ
ᬦᬶᬭᬫᬗ᭄ᬓᬾᬲᬶᬗ᭄ᬕᬶᬄ᭞ᬳᬤᬕᬂᬳᬗᬫ᭄ᬩᬶᬮ᭄ᬳᬸᬧᬳᬦ᭄᭞ᬫᬦᬯᬳᬦᬦᭂᬫᬸᬢᬫᬗ᭄ᬓᬾ᭞ᬲᬂᬦᬵᬣᬳᬭᬶᬲ᭄ᬳᬗᬦ᭄ᬤᬶᬓ᭞ᬬᬾᬦ᭄ᬫᬗ᭄ᬓᬾᬳᬦᬓᭀᬤ᭞ᬮᬄᬕᬯᬦᭂᬦ᭄ᬳᬃᬣᬦᬶᬂᬗ᭄ᬲᬸᬦ᭄᭞
ᬫᬶᬯᬄᬳᬸᬧᬳᬶᬭᬳᬦᬓᭀᬤ᭟ᬫᬦ᭄ᬢ᭄ᬭᬶᬓ᭄ᬭᬢᬦᬄᬳᬦ᭄ᬥᬧᬫᬶᬢ᭄᭞ᬳᬫᬶᬢᬾᬂ᭠ᬰ᭄ᬭᬷᬦᬵᬭᬦᬵᬣ᭞ᬫᬶᬯᬄᬩᬦ᭄ᬥᬾᬕᬦᬾᬫᬗ᭄ᬓᭀ᭞ᬧ᭄ᬭᬲᬫᬫᬗ᭄ᬓᬾᬦ᭄ᬤᬾᬦ᭄ᬩᬓ᭄ᬢ᭞ᬢᬦᬲ
ᬭᬶᬦᬸᬮ᭄ᬬᬮᬶᬗ᭄ᬕᬃ᭞ᬲᬄᬲᬓᬶᬂᬧᬲᬾᬪᬵᬦᬾᬭᬶᬓᬸ᭞ᬳ᭄ᬦᬗᬵᬓ᭄ᬦᬓᬂᬮᬸᬫᬫ᭄ᬧᬄ᭟ᬓᬯᬸᬭ᭄ᬬᬦ᭄ᬤᬾᬦᬶᬭᬦ᭄ᬭᬧᬢᬶ᭞ᬫᬶᬯᬄᬲᬂᬧᬸᬢ᭄ᬭᬶᬳᬶᬗᭂᬲᬫ᭄᭞ᬮᬯᬦ᭄ᬲᬓᬩᬾᬢᬾ᭞ᬳᬦᬶᬗ᭄ᬳ᭠
[᭕᭘ 58A]
ᬮᬶᬫᬾᬖᬧᭂᬢᬓ᭄᭞ᬳᬗᬸᬓᬸᬮᬶᬯᭀᬗᬤᬕᬂ᭞ᬫᬶᬯᬄᬳᬦᬓᭀᬤᬲᬶᬭᬾᬓᬸ᭞ᬲᬧᬭᬓᬭᬦ᭄ᬤᬢᬦ᭄ᬧᬶᬲᬳᬵ᭟ᬦᬸᬮ᭄ᬬᬏᬮᬶᬂᬰ᭄ᬭᬷᬪᬸᬧᬢᬶ᭞ᬳᬗᬢᬸᬭᬾᬓᬶᬪᬸᬚᬗ᭄ᬕ᭞ᬳᬶᬗ᭄ᬓᬦᬳᬶ
ᬗᬸᬚᬸᬫ᭄ᬢᬋᬓᭀ᭞ᬳᬶᬂᬧ᭄ᬭᬶᬬᬦᬾᬲᬂᬧᬸᬢ᭄ᬭᬶᬳᬶᬓ᭞ᬬᬢᬫᬗ᭄ᬓᬾᬓᬂᬓᭀᬘᬧ᭞ᬲᬂᬧᬸᬢ᭄ᬭᬶᬩ᭄ᬭᬂᬢᬳᬸᬬᬸᬂ᭞ᬦᭀᬭᬢᬸᬭᬸᬢᬦᬤᬳᬃ᭟ᬳᬦᬓᭀᬤᬧᬭᬦᬶᬂᬳᬢᬶ᭞ᬤᬾᬦᬶᬂᬫᬾᬖ
ᬧᭂᬢᬓ᭄ᬳᬶᬓᬵ᭞ᬳᬗᬶᬫ᭄ᬩᬗᬶᬫ᭄ᬩᬗᬶᬂᬮᬸᬳᬸᬭᬾ᭞ᬳᬸᬚᬭᬾᬳᬶᬗᬸᬚᬸᬫ᭄ᬳᬶᬓᬵ᭞ᬬᬾᬦᬦᬫᬾᬖᬧᭂᬢᬓ᭄᭞ᬳᬶᬗᬶᬫ᭄ᬩᬗᬶᬂᬫᬾᬖᬳᬶᬓᬸ᭞ᬳᬶᬓᬸᬤᬤᬶᬓ᭄ᬭᬫᬦᬾᬧᬸᬢ᭄ᬭᬶᬳᬶᬓᬵ᭟ᬳ᭄ᬦᬗᬓ᭄ᬦᬓᬂ
ᬓᬭᬶᬳᬶᬦ᭄᭞ᬩ᭄ᬭᬂᬢᬦᬾᬲᬂᬧᬸᬢ᭄ᬭᬶᬳᭂᬲᬫ᭄ᬳᬶᬓᬵ᭞ᬓᭀᬘᬧᬫᬗ᭄ᬓᬾᬤᬾᬦᬶᬗᭀᬂ᭞ᬫᬦ᭄ᬢ᭄ᬭᬶᬓ᭄ᬭᬢᬦᬄᬯᬸᬲ᭄ᬓᬾᬲᬄ᭞ᬳᬦᬳᬶᬂᬦᬵᬕᬭᬾᬂᬳᭂᬲᬫ᭄᭞ᬤᬢᬦ᭄ᬓᬯᬃᬡ᭄ᬦᬳᬶᬗᭂᬦᬸᬦ᭄᭞