Kaca:Bali-lontar-gaguritan-nabhi-muhammad-250ppi.pdf/53

Saking Wikisource
Kaca puniki sampun kauji-wacén

[᭕᭒ 52B]
᭕᭒
᭞ᬕᬕᬧ᭄ᬕᬸᬕᬸᬧᬶᬂᬢᬶᬗ᭄ᬓᬳᬾ᭞ᬲᬶᬦᭂᬗ᭄ᬕᬶᬄᬫᬓ᭄ᬱᬶᬄᬓᬂᬘᬦ᭄ᬤ᭄ᬭ᭞ᬯᬸᬲᬶᬂᬫᬗ᭄ᬓᬦᬲ᭄ᬯᬧ᭄ᬦᬦᬶᬭ᭞ᬲᬂᬧᬸᬢ᭄ᬭᬶᬫᬓ᭄ᬱᬶᬄᬳᬗᬸᬦᬾᬗᬸᬦ᭄᭞ᬤᬾᬦᬾᬲ᭄ᬯᬧ᭄ᬦᬦᬶᬭᬢᬦᬦ᭟ᬲᬂᬧᬸᬢ᭄ᬭᬶᬦᬢᬶᬚᬄᬳᬕ᭄ᬮᬶ
ᬲ᭄᭞ᬳᬸᬫᬋᬓᬶᬂᬲᬶᬭᬾᬂᬭᬫᬦᬶᬭ᭞ᬳᬶᬗᬶᬭᬗᬶᬂᬧᬭᬫᭀᬂᬫᭀᬂ᭞ᬫᬶᬯᬄᬧᬯᭀᬗᬦ᭄ᬲᬥᬬ᭞ᬮᬸᬫᬫ᭄ᬧᬄᬳᬮᭀᬦ᭄ᬮᭀᬦᬦ᭄᭞ᬧᬗ᭄ᬮᬶᬥᭂᬧᬾᬯᭀᬗᬦ᭄ᬥᬸᬮᬸ᭞ᬮ᭄ᬯᬶᬃᬯᬶ
ᬥᬥᬭᬶᬳᬶᬂᬓᬾᬦ᭄ᬤ᭄ᬭᬦ᭄᭟ᬯᬸᬲ᭄ᬧ᭄ᬭᬵᬧ᭄ᬢᬳᬶᬂᬧᬜ᭄ᬘᬦᬶᬢᬶᬄ᭞ᬓᬧᬗ᭄ᬕᬶᬄᬲᬶᬭᬾᬂᬭᬵᬫᬦᬶᬭ᭞ᬫᬶᬯᬄᬲᬂᬯᬶᬓᬸᬢᬫᬗ᭄ᬓᭀ᭞ᬧ᭄ᬭᬲᬫᬳᬶᬂᬧᬦᬗ᭄ᬓᬶᬮᬦ᭄᭞ᬳᬗᬦ᭄ᬢᭀᬲᬶᬂᬲᬂᬦᬵ
ᬣ᭞ᬦᬸᬮ᭄ᬬᬵᬮᬶᬗ᭄ᬕᬶᬄᬲᬶᬭᬾᬓᬸ᭞ᬲᬶᬦᬫ᭄ᬩᬸᬢ᭄ᬧᬶᬦᬗ᭄ᬓᬸᬫᬸᬗ᭄ᬕᬸᬄ᭟ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬳᬤᬸᬄᬦᬶᬦᬶᬳᬦᬓᬶᬗ᭄ᬯᬂ᭞ᬳᬧᬓ᭄ᬭᬶᬬᬦᬶᬭᬢᬫᬗ᭄ᬓᭀ᭞ᬫᬭᬶᬂᬓᬾᬦᬾᬫ
[᭕᭓ 53A]
ᬭᬶᬂᬲᬶᬩᬧ᭞ᬲᬂᬧᬸᬢ᭄ᬭᬶᬳᬸᬫᬵᬢᬸᬭ᭞ᬲᬶᬗ᭄ᬕᬶᬄᬳᬫ᭄ᬩᬲᬂᬧ᭄ᬭᬪᬸ᭞ᬳᬫ᭄ᬩᬳᬦᬗ᭄ᬓᬶᬮ᭄ᬚᬶᬭᬵᬫ᭟ᬓ᭄ᬭᬶᬬᬳᬫ᭄ᬩᬭᬵᬫᬳᬚᬶ᭞ᬳᬫ᭄ᬩᬳᬸᬫᬵᬢᬸᬭᬾᬂᬢ᭄ᬯᬦ᭄᭞ᬳᬃᬢᬶᬲ᭄ᬯᬧ᭄ᬦᬳᬫ᭄ᬩᬫᬗ᭄ᬓᭀ᭞ᬳᬫ᭄ᬩᬳᬢᬸᬭᬸ
ᬲᬓ᭄ᬥᬧ᭄᭞ᬢᬢ᭄ᬓᬵᬮᬧᬸᬦᬂᬭᬳᬶᬦᬵ᭞ᬳᬗᬶᬧᬶᬳᬫ᭄ᬩᬳᬦ᭄ᬥᬸᬮᬸ᭞ᬘᬦ᭄ᬤ᭄ᬭᬢᬢ᭄ᬓᬵᬮᬧᬹᬃᬡ᭄ᬦᬫ᭟ᬳᬚᬚᬃᬮᬦ᭄ᬫᬾᬖᬯᬶᬮᬶᬲ᭄᭞ᬳᬲᬸᬯᬾᬳᬫ᭄ᬩᬤᬸᬮ᭄ᬯ᭞ᬬᬢᬓᬳᬸᬮᬦ᭄ᬳᬶᬗ᭄ᬮᬾ᭞ᬳᬶᬂ
ᬦᬵᬫ᭄ᬩᬸᬢ᭄ᬢᬶᬩᬦᬾᬭᬾᬓ᭞ᬦᬸᬮᬶᬳᬫ᭄ᬩᬳᬫᬸᬧ᭄ᬯ᭞ᬢᬸᬭᬳᬫ᭄ᬩᬲᬶᬦᬶᬧᭂᬦᬶᬂᬦᬩᬸᬢ᭄᭞ᬳᬧᬤᬂᬚ᭄ᬭᭀᬦᬶᬂᬳᬸᬫᬄ᭟ᬓᬯᬸᬮᬓᬕᬾᬢ᭄ᬢᬶᬗ᭄ᬳᬮᬶ᭞ᬲᬂᬦᬵᬣᬳᬭᬶᬲ᭄ᬳᬗᬦ᭄ᬤᬶᬓ᭞ᬮᬶᬦ᭄ᬢᬂ
ᬩᭂᬘᬶᬓ᭄ᬳᬦᬓ᭄ᬳᬶᬗᭀᬂ᭞ᬳᬶᬂᬲ᭄ᬯᬧ᭄ᬦᬦᬶᬭᬢᬜᬯ᭞ᬫᬵᬲ᭄ᬫᬶᬭᬄᬳᬦᬓ᭄ᬳᬶᬗ᭄ᬯᬂ᭞ᬳᬚ᭠ᬯᭂᬮᬗᬢᬶᬳᬶᬓᬍᬩᬸ᭞ᬳᬶᬗ᭄ᬯᬳᬦᬳᬶᬧᬾᬦᬶᬭ᭟ᬫᬗ᭄ᬓᬾᬳᬶᬗ᭄ᬲᬸᬦ᭄ᬳᬓᬾᬦ᭄‌ᬦᬦᬸᬗᬶᬦ᭄᭞