[᭕᭑ 51B]
᭕᭑
ᬗ᭄ᬓᭀ᭞ᬳᬦᬏᬂᬦᬵᬕᬭᬾᬂᬦᬧ᭄ᬬᬄ᭞ᬲᬤᬬᬲᬦᬹᬢ᭞ᬯᭀᬂᬦᬧ᭄ᬬᬄᬫᬗ᭄ᬓᬾᬳᬶ᭠ᬓᬸᬳᬦᬹᬢᬶᬂᬦᬪᬶᬦᬶᬂᬳ᭄ᬬᬂ᭟ᬬᬢᬦᬪᬶᬦᬶᬭᬳ᭄ᬬᬂᬯᬶᬥᬶ᭞ᬓᬵᬃᬬ᭄ᬬᬦᬾᬳᬦᬾᬂᬦᬧ᭄ᬬᬄ᭞ᬳᬗᬫ᭄ᬩᬶ
ᬮ᭄ᬳᬸᬧᬳᬦ᭄ᬫᬗ᭄ᬓᭀ᭞ᬳᬲᬶᬂᬤᬕᬂᬳᬓ᭄ᬭᬶᬬᬾᬂᬫᬶᬢ᭄ᬭ᭞ᬫᬗ᭄ᬓᬾᬳᬗᬫ᭄ᬩᬶᬮ᭄ᬳᬸᬧᬳᬦ᭄᭞ᬫᬮᬭᬳᬦᬫᬸᬤᬳᬾᬧᬸᬦ᭄᭞ᬳᬓᬾᬄᬤᬾᬰᬓᬂᬤᬾᬦ᭄ᬚᬚᬄ᭟ᬳ᭄ᬦᬗᬵᬓ᭄ᬦᬢᬧᬸᬳᬶᬓᬶ᭞ᬳᬦ
ᬓᭀᬘᬧᬤᬾᬦᬶᬳ᭄ᬬᬂ᭞ᬲᬂᬧᬸᬢ᭄ᬭᬶᬫᬤᬶᬦᬄᬢᬋᬓᭀ᭞ᬲᭀᬭᬶᬮᬗᬶᬢ᭄ᬢᬦ᭄ᬢᬸᬫᬦ᭄ᬥᬶᬗᬦ᭄᭞ᬧᬭᬭᬢᬸᬳᬓᬾᬄᬳᬗ᭄ᬮᬮᬫᬃ᭞ᬲᬂᬧᬸᬢ᭄ᬭᬶᬋᬓᬾᬢᬦ᭄ᬧᬬᬸᬦ᭄᭞ᬦᬶᬭᬳᬚᬶ᭠
ᬦᬶᬭᬗᬦ᭄ᬤᬶᬓᬵ᭟ᬫᬭᬶᬂᬲᬓᬾᬳᬾᬧᬭᬳᬚᬶ᭞ᬳᬶᬗ᭄ᬓᬂᬲᬵᬫ᭄ᬧᬸᬦ᭄ᬳᬗ᭄ᬮᬮᬫᬃ᭞ᬳᬸᬚᬭᬾᬫᬗ᭄ᬓᬾᬲᬂᬓᬢᭀᬂ᭞ᬏᬄᬲᬶᬭᬳᬦᬓᬶᬗ᭄ᬯᬂ᭞ᬳᬶᬤ᭄ᬬᬦ᭄ᬳᬗ᭄ᬭᬲᬳ᭞ᬫᬭᬳᬶᬦᬶᬦᬶᬕᬮᬸᬄ᭞
[᭕᭒ 52A]
ᬳᬾᬫᬦᬶᬗ᭄ᬲᬸᬦ᭄ᬳᬫᬓ᭄ᬱᬳ᭟ᬳᬧᬦ᭄ᬳᬦᬓᬶᬗ᭄ᬲᬸᬦ᭄ᬢᬸᬗ᭄ᬕᬶᬮ᭄᭞ᬓᬮᬗ᭄ᬓᬸᬂᬢᬾᬫᬦᬶᬗ᭄ᬯᬂ᭞ᬳᬶᬗ᭄ᬓᬦᬦᬶᬗ᭄ᬲᬸᬦ᭄ᬢᬫᬗ᭄ᬓᭀ᭞ᬳᬾᬜ᭄ᬚᬂᬮᬫᬸᬦ᭄ᬳᬤᬳᬃᬱᬦ᭄ᬬ᭞ᬮᬫᬸᬦ᭄ᬓ᭄ᬭᬲᬦᬾᬤᬯᬓ᭄᭞ᬳᬶᬬᬤ᭄ᬬ
ᬦ᭄ᬳᬮᬩᭂᬘᬶᬓ᭄ᬳᬶᬧᬸᬦ᭄᭞ᬓ᭄ᬭᬲᬦ᭄ᬬᬳᬶᬗ᭄ᬲᬸᬦ᭄ᬳᬦᬹᬢ᭟ᬳ᭄ᬦᬩᬓ᭄ᬦᬫᬗ᭄ᬓᬾᬲᬂᬳᬚᬶ᭞ᬓᭀᬘᬧᬲᬂᬧᬸᬢ᭄ᬭᬶᬳᬶᬓ᭞ᬳᬲᬭᬾᬭᬳᬶᬦᬢᬋᬓᭀ᭞ᬤᬤ᭄ᬬᬫᬗ᭄ᬓᬾᬳᬲ᭄ᬯᬧ᭄ᬦ᭞ᬳᬶᬧᬾᬦᬾᬲᬂᬧᬸ
ᬢ᭄ᬭᬶᬳᬶᬓᬵ᭞ᬳᬦᬶᬗ᭄ᬳᬮᬶᬫᬗ᭄ᬓᬾᬲᬶᬢᬗ᭄ᬲᬸ᭞ᬢᬢ᭄ᬓᬵᬮᬢᬗ᭄ᬕᬮ᭄ᬧᬢ᭄ᬩᭂᬮᬲ᭄᭟ᬲᬸᬯᬾᬦᬶᬭᬳᬦᬶᬗ᭄ᬳᬮᬶ᭞ᬬᬢᬘᬦ᭄ᬤ᭄ᬭᬫᬗ᭄ᬓᬾᬢᬶᬩ᭞ᬲᬶᬦᬫ᭄ᬩᬸᬢᬶᬂᬯᬶᬰ᭄ᬫᬦᬾᬫᬗ᭄ᬓᭀ᭞ᬫᬶᬦᬸᬧᬸᬤᬾ᭠
ᬦᬾᬲᬂᬧᬸᬢ᭄ᬭᬶᬳᬶᬓ᭞ᬩᬶᬦᬓ᭄ᬢᬳᬶᬂᬚ᭄ᬭᭀᬯᬶᬰ᭄ᬫᬦᬶᬭ᭞ᬲᬶᬦᬶᬫ᭄ᬧᭂᬦ᭄ᬳᬦᬾᬂᬦᬶᬂᬢᬩᬸᬢ᭄᭞ᬳᬧᬤᬂᬚ᭄ᬭᭀᬦᬶᬂ᭞ᬳᬸᬫᬄᬲᬯᬸᬲᬾᬫᬗ᭄ᬓᬦᬢᬾᬓᬶ᭞ᬲᬂᬧᬸᬢ᭄ᬭᬶᬓᬕᬾᬢ᭄ᬳᬳᬸᬗ᭄ᬯ
Kaca:Bali-lontar-gaguritan-nabhi-muhammad-250ppi.pdf/52
Kaca puniki sampun kauji-wacén
