[᭑᭐ 10B]
᭑᭐
ᬲᬦ᭄᭚ᬭᬳᬶᬦᬦᬾᬤᬸᬓ᭄ᬧᬸᬦᬶᬓ᭞ᬚᬫ᭄ᬲᭀᬮᬲ᭄ᬧᭂᬢᬂᬤᬰᬫᭂᬦᬶᬢ᭄᭞ᬳᬶᬕᬸᬭᬸᬫᬵᬢᬹᬃᬤᬩ᭄ᬤᬩ᭄᭞ᬢᭂᬗᬄᬯᭂᬗᬶᬓᬶᬭᬂᬮᬗ᭄ᬓᬸᬂ᭞ᬕᬸᬂᬳᬫ᭄ᬧᬸ
ᬭᬭᬵᬢᬸᬲᬹᬃᬬ᭄ᬬ᭞ᬩᬗᭂᬢ᭄ᬬᬸᬓ᭄ᬢᬶ᭞ᬮᬾᬤᬗᬾᬭᬶᬂᬧ᭄ᬬᬦᬓ᭄ᬢᬶᬢ᭄ᬬᬂ᭚ᬫᬯᬶᬢ᭄ᬓᬦ᭄ᬢᬶᬫᬗᬤᬓᬂ᭞ᬦᭂᬫᬸᬳᬢᬸᬲᬶᬤ᭄ᬥᬾᬂᬓᬵᬧ᭄ᬢᬶ᭞ᬢᬢᬸᬚᭀᬦᬾᬲᬶ᭠
ᬤ᭄ᬥᬲᭂᬮᬄ᭞ᬯᬶᬭᬾᬄᬚᬢᬶᬦ᭄ᬦᬾᬫᬧᬸᬦ᭄ᬥᬸᬄ᭞ᬫᬳᭂᬫ᭄ᬩᬦ᭄ᬩᬸᬤ᭄ᬥᬶᬥᬃ᭠ᬫ᭄ᬫ᭞ᬯᬲ᭄ᬢᬸᬤᬤᬶ᭞ᬧᬸᬮᬸᬂᬭᬶᬂᬅᬚ᭄ᬜᬡᬲᬸᬓ᭄ᬮ᭚ᬳᬶᬭᬵᬢᬸᬓᬮᬗ᭄ᬓᬸᬂᬲ᭄ᬯᬾ᭠
ᬘ᭄ᬙ᭞ᬫᬩᬸᬓ᭄ᬢᬶᬲᬶᬤ᭄ᬥᬗ᭄ᬭᬯᬸᬳᬶᬦ᭄᭞ᬢᭂᬮᬲ᭄ᬮᬾᬤᬂᬫᬧᬳᬶᬘ᭄ᬙ᭞ᬜᬸᬧᬢ᭄ᬳᬦ᭄ᬢᬸᬓ᭄ᬳᬲᬶᬄᬮᬸᬮᬸᬢ᭄᭞ᬓᬳ᭄ᬬᬸᬦᬾᬲᬶᬤ᭄ᬥᬦᬶᬃᬫ᭄ᬫᬮ᭞ᬍᬯᬶᬄᬓᬾᬃᬣᬶ
[᭑᭑ 11A]
᭞ᬜᬸᬦᬃᬳᬦ᭄ᬢᬸᬓ᭄ᬓᬳ᭄ᬬᬸᬦ᭄ᬲᭂᬮᬄ᭚ᬢᬶᬢ᭄ᬬᬂᬢᬫ᭄ᬩᭂᬢ᭄ᬮᬸᬤᬶᬦ᭄ᬦᬶᬲ᭄ᬢ᭞ᬚᬢᬶᬚᬦ᭄ᬫᬢᬦ᭄ᬧᬳᬚᬶ᭞ᬧᬦᬫ᭄ᬬᬸᬦᬾᬬᬸᬓ᭄ᬢᬶᬢᬸᬦ᭞ᬤᭀᬄᬧᬶᬲᬦ᭄ᬗᬾᬦᬓᬶᬦ᭄ᬓ᭠
ᬳ᭄ᬬᬸᬦ᭄᭞ᬢᬸᬯᬢᬸᬯᬸᬄᬓᬶᬭᬂᬩ᭄ᬭᬡ᭞ᬤᭀᬢ᭄ᬓᬧᬹᬚᬶ᭞ᬗᬦ᭄ᬥᭂᬮᬂᬲᬸᬕᬶ᭠ᬳᬦ᭄ᬧᬶᬲᬕ᭚ᬬᬦᬶᬂᬓᬗ᭄ᬓᬢ᭄ᬳᬢᬹᬃᬢᬶᬢ᭄ᬬᬂ᭞ᬳᬶᬘ᭄ᬙᬾᬦᬶᬦ᭄ᬲᭂᬮᬄᬧᬫᬃᬕ᭄ᬕᬶ
ᬕᬮᬂᬓᬳ᭄ᬬᬸᬦ᭄ᬢᬸᬦᬲ᭄ᬢᬶᬢ᭄ᬬᬂ᭞ᬫᬗ᭄ᬥᬾᬦᬾᬲᬶᬤ᭄ᬥᬓᬢᬸᬚᬸ᭞ᬜᬸᬚᬸᬃᬫᬃᬕ᭄ᬕᬶᬦᬾᬲᬸᬓ᭄ᬮ᭞ᬦᬾᬓᬧᬸᬚᬶ᭞ᬧᬸᬢᬸᬲ᭄ᬦᬶᬂᬅᬚ᭄ᬜᬡᬚᭂᬦᬃ᭚ᬲᬸᬓ᭄ᬮᬦᬾᬫ᭠
ᬢᭂᬕᭂᬲ᭄ᬢᭂᬤᬲ᭄᭞ᬢᭂᬤᬲ᭄ᬩᬃᬤ᭄ᬥᬶᬕᬮᬂᬕᬸᬫᬶ᭞ᬕᬸᬫᬶᬫᬸᬗ᭄ᬕᬸᬄᬭᬶᬂᬲᬭᬷᬭ᭞ᬲᬭᬷᬭᬢᬦ᭄ᬓᬵᬦᬦᬼᬢᬸᬄ᭞ᬍᬢᬸᬄᬧᬸᬦᬄᬲᬶᬤ᭄ᬥᬧᬹᬃᬡ᭄ᬦ᭞ᬧᬹᬃᬡ᭄ᬦᬚᬢᬶ᭞
Kaca:Bali-lontar-gaguritan-moksajnyana-400ppi.pdf/11
Kaca puniki sampun kauji-wacén
