Kaca:Bali-lontar-gaguritan-mayaspati-350ppi.pdf/95

Saking Wikisource
Kaca puniki sampun kauji-wacén

[᭙᭔ 94B]
᭙᭔
ᬮᬂᬢᬶᬦᬫ᭄ᬩᬂᬢᭀᬬ᭛ᬲᭂᬫᬦ᭄ᬢ᭄ᬭᬶᬮᬶᬂᬗᬶᬭᬳᬭᬶᬲ᭄᭞ᬮᬄᬬᬬᬶᬫᭂᬗ᭄ᬓᭀᬓᬬᬵᬧ᭞ᬧᬫᬸᬢᭂᬃᬭᬶᬂᬭᬭᬓᬶᬢ᭄ᬢᬾ᭞ᬢᬫᬦ᭄ᬲᬫᭂᬦ᭄ᬦᬾᬳᬫ᭄ᬩᬦ᭄ᬦ᭞ᬦᬤ᭄ᬬᬦ᭄ᬲᬶᬮᬶᬃᬧᬸ᭠
ᬢᭂᬃᬭ᭞ᬫᬸᬂᬲᬶᬚᬶᬧᭂᬢ᭄ᬢᬾᬢᬦ᭄ᬦᬶᬧᬸᬦ᭄᭞ᬲᬬᭂᬓ᭄ᬢᬳᬮᬸᬫ᭄ᬕᬶᬦ᭄ᬦᬯ᭛ᬫ᭄ᬭᬶᬂᬦᬵᬕᬭᬫᬳᬾᬲ᭄ᬧᬢᬶ᭞ᬢᬸᬓᬰ᭄ᬭᬡᬯᬸᬯᬸᬲ᭄ᬲᬶᬭ᭞ᬧᬦ᭄ᬢᭂᬲ᭄‌ᬬᬦ᭄ᬯᭀᬗ᭄ᬓᭀᬫ᭄ᬧ᭄ᬭᬩᬳᬾ
᭞ᬮᬫᬸᬦ᭄ᬯᬸᬲ᭄ᬧᬥᬳᬸᬢ᭄ᬢᬫ᭞ᬫᭀᬂᬲᬓ᭄ᬓᬾᬯᬃᬡ᭄ᬦᬯᬃᬡ᭄ᬦ᭞ᬳᬸᬚᭂᬃᬢᬫᬦ᭄ᬢᬧᬸᬦ᭄ᬦᬶᬓᬸ᭞ᬤᬤᬶᬦ᭄ᬦᬾᬓᬮᬯᬦ᭄ᬘᬶᬧ᭄ᬢ᭛ᬳᬶᬂᬫᭂᬗ᭄ᬓᭀᬧᬫᬸᬢᭂᬃᬫᬫᬶ᭞ᬳᬶᬬᬲᬸᬦ᭄ᬘᬶᬧ᭄ᬢ
ᬓᬾᬯᬮ᭞ᬯᬶᬲ᭄ᬓᬓᬂᬲᬭᬾᬬᬩᬳᬾ᭞ᬳᬶᬂᬓᭀᬦᭀᬦᬾᬂᬬᬲᬓᬫ᭄ᬩᬂ᭞᭠ᬓᬂᬭᬓᬫᬜ᭄ᬚᬶᬂᬰᬷᬖ᭄ᬭ᭞ᬲᬚ᭄ᬭᭀᬦ᭄ᬦᬶᬂᬩᭀᬢ᭄ᬭᬯᬶᬦ᭄ᬦᬶᬧᬸᬦ᭄᭞ᬳᬶᬦ᭄ᬦᭂᬧ᭄ᬮᬯᬂᬤᬦ᭄ᬥᬂᬕᬸ

[᭙᭕ 95A]
᭙᭕
ᬮ᭛᭜᭛ᬲᬸᬓᬰ᭄ᬭᬡᬰᬷᬖ᭄ᬭᬳᬗᬶᬤᭂᬃᬭᬶ᭞ᬚ᭄ᬭᭀᬦ᭄ᬦᬶᬂᬢᬫᬦ᭄‌ᬫᬸᬩᭂᬂ᭠ᬓᬧᬶᬂᬢᬶᬕ᭞ᬲᬯᬸᬲ᭄ᬦ᭄ᬬᬢᭂᬧᬸᬂᬗᬸᬩᭂᬗᬾ᭞ᬳᬗ᭄ᬮᭂᬓᬲ᭄ᬓᭂᬦ᭄ᬧᬦ᭄ᬦᭂᬓᬸᬃ᭞ᬧᬦ᭄ᬲᬶᬤᬓᭂᬧ᭄ᬳ
ᬲᬸᬓᬸᬲᬶᬚᬶ᭞ᬯᬶᬓ᭄ᬭᬫᬵᬦᬸᬗ᭄ᬓᬸᬘᬶᬧ᭄ᬢ᭞ᬗᭂᬦ᭄ᬦᬶᬂᬓᭂᬦ᭄ᬧᬦ᭄ᬥᬸᬮᬸ᭞ᬓᬢ᭄ᬭᬶᬫᬧᬦᭂᬥᬓ᭄ᬦᬶᬭ᭞ᬧᬦ᭄ᬲᬓᬳᭀᬩᬄᬢᬫᬦ᭄ᬲ᭄ᬭᬶᬯᭂᬤᬭᬷ᭞ᬚᬸᬫᭂᬕᬸᬂᬲ᭄ᬯᬭᬦ᭄ᬦᬶᬭ᭛ᬯᬸᬲ᭄ᬲᬶᬂ
ᬲ᭄ᬯᬭᬫᬸᬲ᭄ᬦᬢᬦ᭄ᬓᬳᬾᬓ᭄ᬱᬶ᭞ᬰᬶᬃᬡ᭄ᬦᬫᬸᬮᬶᬄᬳᬚᬮ᭄ᬮᬾᬳᬶᬂᬓᬸᬡ᭄ᬦ᭞ᬓᬮᬯᬦ᭄ᬘᬶᬧ᭄ᬢᬤᬤᬦ᭄ᬦᬾ᭞ᬮᬸᬯᬃᬲᬓᬶᬂᬧᬦ᭄ᬦᭂᬓᬸᬂ᭞ᬲᬸᬓᬰ᭄ᬭᬡᬲᬚᬢᬶᬮᬸᬯᬶᬄ᭞ᬳᬾᬫ
ᬦ᭄ᬦᬾᬲᬮᬄᬭᬹᬧ᭞ᬲᬘᬶᬧ᭄ᬢᬚᬶᬦᬸᬭᬸᬂ᭞ᬤᬾᬦ᭄ᬦᬶᬂᬳ᭄ᬬᬂᬚᬕᬤ᭄ᬧ᭄ᬭᬢᬶᬗ᭄ᬓᬄ᭞ᬯᬸᬲ᭄ᬫᬗ᭄ᬓᬦᬲᬸᬓᬰ᭄ᬭᬡᬫᭂᬲᬢ᭄ᬳᬕ᭄ᬮᬶᬲ᭄᭞ᬲᬓᬶᬂᬯᬸᬓᬶᬃᬗᬸᬦ᭄ᬢᬭ᭛ᬧᬦ᭄ᬲᬓᭂ᭠

Kapolihang saking "https://ban.wikisource.org/w/index.php?title=Kaca:Bali-lontar-gaguritan-mayaspati-350ppi.pdf/95&oldid=47466"