[᭘᭙ 89B]
᭘᭙
ᬚᬫ᭄ᬩᬾᬚᬚᬃᬩᬜ᭄ᬚᬭᬦ᭄ᬗᬶᬤᭂᬃᬭᬶ᭞ᬓᭂᬫ᭄ᬩᬂᬓᭂᬫ᭄ᬩᬂᬳᬶᬓᬂᬚᬶᬦ᭄ᬦᭂᬫ᭄ᬩᬗᬦ᭄᭞ᬗᬸᬩᭂᬂᬬᬲᬓᬫ᭄ᬩᬂᬗᬾ᭞ᬢᬸᬭᬸᬢ᭄ᬢᬶᬭᬄᬦᬾᬂᬭᬡᬸ᭞ᬢᬮᬸᬓᬶᬩᬲᭂᬮᬶᬂᬲᬭᬸᬡᬷ᭞
ᬫᬮᬢᬶᬦᬾᬫᬧᬦ᭄ᬢᬦ᭄᭞ᬯᬶᬦ᭄ᬦᭀᬃᬮᬯᬦ᭄ᬫᭂᬦ᭄ᬦᬸᬃ᭞ᬳᬃᬕᬸᬮᬾᬕᬫ᭄ᬩᬶᬃᬮᬦ᭄ᬕᭀᬦ᭄ᬥ᭞ᬭᬹᬧᬧᬭᬶᬚᬢᬧᬘᭂᬳᬫᬦᬶᬧᬶᬢ᭄᭞ᬧᬶᬭᬶᬢ᭄ᬫᬜ᭄ᬘᬓ᭄ᬧᬸᬚᬶᬫᬵᬲ᭄
᭛ᬦᬵᬕᬲᬭᬷᬲᬶᬦᬸᬲᬸᬦ᭄ᬓᬫᬸᬦ᭄ᬦᬶᬂ᭞ᬘᭂᬧᬓ᭄ᬘᭂᬫ᭄ᬧᬓᬮᬯᬦ᭄ᬓᭂᬤᭀᬂᬗᬦ᭄᭞ᬗᬬᭀᬫ᭄ᬫᬶᬧᬦ᭄ᬥᬦ᭄ᬯᬗᬶᬦ᭄ᬦᬾ᭞ᬭᬫᬾᬩ᭄ᬭᬫᬭᬳᬸᬫᬸᬂ᭞ᬫᬂᬗ᭄ᬭᬸᬭᬸᬄᬭᬹᬫ᭄ᬲᬳᬾ
ᬗ᭄ᬕᬓᬤᬶ᭞ᬧᬦᬫ᭄ᬩ᭄ᬭᬦ᭄ᬦᬶᬂᬲᭂᬓᬃ᭞ᬫᬭᬂᬲᬗᬧ᭄ᬭᬪᬸ᭞ᬫᬶᬯᬄᬫ᭄ᬭᬶᬂᬧᬸᬢ᭄ᬭᬷᬫ᭠ᬕᬤ᭞ᬳᬢᬸᬃᬕᭀᬦ᭄ᬥᬲᭂᬓᬃᬫᭂᬓᬃᬮᬶᬃᬧᬸᬦ᭄ᬦᬕᬶ᭞ᬗᬫ᭄ᬩᬃᬲᬫ᭄ᬬᬳᬫ᭄ᬩᬩᬃ᭛
[᭙᭐ 90A]
᭙᭐
ᬋᬲ᭄ᬫᬶ᭞ᬤᬾᬦ᭄ᬦᬶᬭᬲᬂᬓᬢᭀᬂ᭞ᬮᬦ᭄ᬯᬯᬮᬸᬧᬸᬢ᭄ᬭᬶᬗᬃᬱᬓᬩᬾᬄ᭞ᬦᬳᬦ᭄ᬰ᭄ᬭᬷᬪᬸᬧᬢᬶᬫᬳᬾᬲ᭄ᬧᬢᬶ᭞ᬓᬂᬮᬕ᭄ᬬᬦᬸᬯᬸᬓ᭄ᬓᬶ᭞ᬗᬲ᭄ᬫᬭᬧᬭᬵᬭᬹᬫ᭄᭛᭜᭛
ᬯᬃᬡ᭄ᬦᬦᭂᬦ᭄ᬭᬤᬾᬦ᭄ᬲᭂᬫᬦ᭄ᬢ᭄ᬭᬷ᭞ᬲᬯᬸᬗ᭄ᬓᬸᬭᬾᬰ᭄ᬭᬷᬦᬭᬾᬦ᭄ᬤ᭄ᬭ᭞ᬤᬾᬭᬾᬂᬲᬄᬲ᭠ᬓᬶᬂᬳᭂᬗ᭄ᬕᭀᬦ᭄ᬦᬾ᭞ᬮᬗ᭄ᬓᬸᬂᬲᬓᬶᬂᬓᬯ᭄ᬮᬲ᭄ᬳᬃᬱ᭞ᬲ᭄ᬭᬸᬦ᭄ᬦᬶᬂᬯᬃᬤᬬᬦ᭄ᬦᬶᬭ᭞ᬤᬾᬦ᭄ᬦ᭄ᬬ
ᬫ᭄ᬭᬶᬄᬲᬯᬶᬱ᭄ᬝᬾᬂᬧ᭄ᬭᬪᬸ᭞ᬘᬸᬯᬓᬧᬸᬢᬸᬗᬦ᭄ᬓᬃᬱ᭛ᬯᬸᬲ᭄ᬳᬲᬢ᭄ᬮᬫᬸᬦ᭄ᬢᬶᬦᬫ᭄ᬧᬶᬓ᭄᭞ᬦᭂᬗ᭄ᬕᬶᬄᬧᬗᬳᬸᬮᬦ᭄ᬦᬶᬭ᭞ᬲᬓᬶᬂᬳᬩᭀᬢ᭄ᬧᬫᬸᬦ᭄ᬥᬸᬢ᭄ᬢᬾ᭞ᬲᭂ᭠
ᬫᬦ᭄ᬢ᭄ᬭᬳᬗ᭄ᬮᭂᬲ᭄ᬢ᭄ᬬᬲ᭄ᬦᬶᬭ᭞ᬓᬤ᭄ᬬᬯᬶᬦ᭄ᬦᬂᬲᬸᬮ᭄ᬮᬦ᭄ᬦ᭞ᬲᭀᬮᬄᬳᬶᬭᬓᬂᬯᬸᬲ᭄ᬮᬸᬧᬸᬢ᭄᭞ᬦᭀᬦ᭄ᬥᬲᬫᬤ᭄ᬬᬦ᭄ᬦᬶᬂᬗᬧ᭄ᬭᬂ᭛ᬫᬭᬂᬧ᭄ᬭᬪᬸᬫᬳᬾᬲ᭄ᬧᬢᬶ᭞᭠
