Kaca:Bali-lontar-gaguritan-mayaspati-350ppi.pdf/75

Saking Wikisource
Kaca puniki sampun kauji-wacén

[᭗᭔ 74B]
᭗᭔
ᬤᬸᬢᬦ᭄ᬦᬶᬭᬭᬳᬤᬾᬦ᭄ᬲᭂᬫᬦ᭄ᬢ᭄ᬭᬶ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬓᬢᬸᬃᬲᬸᬭᬵᬢ᭄ᬢᬶᬭ᭞ᬫ᭄ᬯᬂᬲᬂᬧ᭄ᬭᬪᬸᬢᬶᬫ᭄ᬩᬮ᭄ᬮᬦ᭄ᬦᬾ᭞ᬲᬤᬬᬲᬫ᭄ᬧᬸᬦ᭄ᬓᬢᬸᬃ᭞ᬮᬗ᭄ᬓᬸᬂᬲᬸᬓᬭᬤᬾᬦ᭄ᬲᭂᬫᬦ᭄ᬢ᭄ᬭᬶ᭞ᬲᬸᬭᬵ
ᬢ᭄ᬦᬸᬮ᭄ᬬᬩᬶᬦᬸᬓ᭞ᬲᬶᬦᬹᬓ᭄ᬱ᭄ᬫᬾᬳᬶᬂᬓᬮ᭄ᬪᬸ᭞ᬯᬸᬲ᭄ᬧᬸᬧᬸᬢ᭄ᬧᬫᬳᭀᬲ᭄ᬲᬶᬭ᭞ᬫᬾᬲᭂᬫ᭄ᬫᬶᬂᬢ᭄ᬬᬲ᭄ᬲᭂᬫᬦ᭄ᬢ᭄ᬭᬶᬰᬷᬖ᭄ᬭᬗᬢᬸᬭᬶ᭞ᬫ᭄ᬭᬶᬂᬲᬕᬸᬂᬧᬭᬭᬚ᭛ᬤᬶᬦᬯᬸᬄᬓᭂᬦ᭄ᬢᬶ
ᬫ᭄ᬩᬮ᭄ᬮᬦ᭄ᬦᬃᬧᬢᬶ᭞ᬮᬯᬦ᭄ᬲᬶᬦᬸᬳᬸᬦ᭄ᬦᬶᬂᬗᬲᬤᬬ᭞ᬰ᭄ᬭᬷᬪᬸᬧᬢᬶᬯᬂᬲᬸᬮ᭄ᬮᬦ᭄ᬦᬾ᭞ᬲᬕᬸᬂᬗᬶᬂᬧᬭᬭᬢᬸ᭞ᬕᬦ᭄ᬢᬶᬕᬦ᭄ᬢᬶᬦᬸᬧᬶᬓ᭄ᬱᬢᬸᬮᬶᬲ᭄᭞ᬤᭂᬍᬕ᭄ᬤᭂᬍᬕ᭄ᬲᬤᬬ᭞
ᬗᬸᬗᬸᬦ᭄ᬲᬫ᭄ᬬᬵᬚᭂᬢᬸᬂ᭞ᬦᬭᬧᬢᬶᬯᬶᬱᬩᬚ᭄ᬭ᭞ᬳᬮᭀᬦ᭄ᬫᬢᬸᬃᬮᬄᬧᬸᬦᬶᬓᬓᬤᬶᬧᬸᬦ᭄ᬥᬶ᭞ᬓᬳᬸᬮᬢᬦ᭄ᬳᬦ᭄ᬯᬸᬕ᭛ᬳᬶᬓᬂᬤᬤᭀᬣ᭄ᬯᬤᬶᬦ᭄ᬦᬶᬓᬂᬢᬸᬮᬶᬲ᭄᭞

[᭗᭕ 75A]
᭗᭕
ᬓᬂᬯᬯᬂᬲᬸᬮ᭄ᬮᬾᬰ᭄ᬭᬷᬫᬳᬵᬭᬵᬚ᭞ᬢᭂᬓᬫᬓᭀᬢᭂᬦ᭄ᬚᭂᬩᬸᬮ᭄ᬮᬾ᭞ᬲᬸᬭᬵᬢ᭄ᬢᬸᬳᬦ᭄ᬭᬸᬫᬸᬳᬸᬦ᭄᭞ᬩᭀᬢᭂᬦ᭄ᬳᬫᬸᬂᬳᬢᬸᬃᬳᬸᬤᬦ᭄ᬦᬶ᭞ᬓᬳᬸᬮᬵᬚᬃᬯᬦ᭄ᬦᬦ᭞ᬳᬶᬂᬲ
ᬢᬸᬳᬸᬦ᭄ᬦᬶᬧᬸᬦ᭄᭞ᬓᬂᬤᬤᭀᬲ᭄ᬓᬃᬱᬧᬤᬸᬓ᭞ᬯᬯᬤᬶᬦ᭄ᬦᬾᬲᭂᬫᬦ᭄ᬢ᭄ᬭᬶᬫᬾᬲᭂᬫ᭄ᬦᬳᬸᬃᬭᬶ᭞ᬓᬂᬓᬂᬧ᭄ᬭᬪᬸᬲᬤᬬ᭛ᬲᬫ᭄ᬧᬸᬦ᭄ᬤᬤᭀᬲ᭄ᬕᬮᬶᬄᬳᬶᬧᬸᬦ᭄ᬲᬫᬶ᭞ᬲᬚ᭠
ᬢᬶᬦ᭄ᬦᬾᬧᬦ᭄ᬦᬗ᭄ᬕᬄᬓᬳᬸᬮ᭞ᬳᬶᬓᬂᬦᬸᬦᬸᬯᬸᬦ᭄ᬢᭂᬥᬓ᭄ᬓᬾ᭞ᬚᭂᬂᬕᬸᬲ᭄ᬢᬶᬲᬂᬗᬧ᭄ᬭᬪᬸ᭞ᬲᬓᬶᬂᬤᬾᬦ᭄ᬦᬾᬲᬫ᭄ᬧᬸᬦ᭄ᬧᬸᬦ᭄ᬦᬕᬶ᭞ᬓᭂᬤᬄᬳᬃᬱᬳᬸᬦ᭄ᬦᬶᬗ᭞ᬯᬯ᭄ᬭᬢ᭄ᬢᬶᬂᬧ᭄ᬭᬂ
ᬧᬸᬧᬸᬄ᭞ᬲᬸᬧᬬᬮᬫᬸᬦ᭄ᬤᬤᭀᬲ᭄ᬲ᭞ᬳᬶᬂᬧᬫᬸᬮᬂᬲᬕᭂᬤ᭄ᬥᬧᬫᬶᬭᬶᬩ᭄ᬫᬶᬭᬶᬩ᭄᭞ᬕᭂᬮᬭᬶᬂᬧ᭄ᬭᬂᬰ᭄ᬭᬷᬦᬵᬣ᭛᭜᭛ᬤᬾᬭᬾᬂᬢᬸᬢᬸᬕ᭄ᬳᬗᬦ᭄ᬤᬶᬓ᭞ᬓᬲ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-mayaspati-350ppi.pdf/75&oldid=47378"