Kaca:Bali-lontar-gaguritan-mayaspati-350ppi.pdf/65

Saking Wikisource
Kaca puniki sampun kauji-wacén

[᭖᭔ 64B]
᭖᭔
ᬧ᭄ᬭᬪᬸ᭞ᬢᬶᬢᬶᬧᬦᬸᬓ᭄ᬱ᭄ᬫᬦ᭄ᬦᬶᬂᬲᬸᬭᬵᬢ᭄᭞ᬰ᭄ᬭᬷᬦᬵᬣᬲᬸᬓᬢᬦ᭄ᬲᬶᬧᬶ᭛᭜᭛ᬲᬂᬧ᭄ᬭᬪᬸᬆᬃᬚ᭄ᬚᬸᬦᬲᬵᬰ᭄ᬭ᭞ᬫᬾᬲᭂᬫ᭄ᬳᬗᬦ᭄ᬤᬶᬓᬳᬭᬶᬲ᭄᭞ᬳᬾᬄᬢᬦᬭᬧᬢᬶᬲᭀᬤ᭞
ᬮᬓᬸᬦ᭄ᬦᬾᬬᬬᬶᬲᭂᬫᬦ᭄ᬢ᭄ᬭᬶ᭞ᬳᬧᬦ᭄ᬯᬸᬲ᭄ᬳᬦ᭄ᬢᬸᬓ᭄ᬓᬃᬤ᭄ᬥᬶ᭞ᬲᬶᬤ᭄ᬥᬤᬤᬶᬦ᭄ᬦᬾᬧ᭄ᬭᬂᬧᬸᬧᬸᬄ᭞ᬮᬦ᭄ᬭᬢᬸᬳᬶᬂᬯᬶᬤᬃᬪ᭞ᬯᬸᬲ᭄ᬳᬧᭂᬲ᭄ᬲᬳᬶᬂᬗᬚᬸᬭᬶᬢ᭄᭞ᬦᬗ᭄ᬳᬶᬂᬫᭂᬗ᭄ᬓᭀᬭᬵᬚᬧᬸᬢ᭄ᬭᬷᬳᬶᬂ
ᬫᬕᬤ᭛ᬜ᭄ᬚᬮᬸᬓ᭄ᬫᬭᬸᬧᬸᬢ᭄ᬭᬶᬤᭀᬫᬲ᭄᭞ᬳᬶᬓᬸᬤᬯᬸᬄᬦᬤᬾᬦ᭄ᬳᬕ᭄ᬮᬶᬲ᭄᭞ᬫᬭᬂᬲᬕᬸᬂᬧᬭᬭᬵᬚ᭞ᬲᬧᬳᬶᬓᬂᬤᬸᬯᬾᬧᬸᬢ᭄ᬭᬷ᭞ᬓᬩᬾᬄᬧᬸᬦ᭄ᬥᬸᬢ᭄ᬢᭂᬦ᭄ᬲᬫᬶ᭞
ᬲᬸᬦ᭄ᬓᬃᬱᬲᬲ᭄ᬭᬄᬳᬦ᭄ᬦᬶᬧᬸᬦ᭄᭞ᬭᬵᬚᬧᬸᬢ᭄ᬭᬷᬫᬕᬤ᭞ᬤᬾᬦ᭄ᬦᬾᬢᬬᬬᬶᬲᭂ᭠ᬫᬦ᭄ᬢ᭄ᬭᬶ᭞ᬳᬶᬂᬗᬢᬸᬃᬭᬾᬯᬸᬲ᭄ᬳᬦ᭄ᬢᬸᬓ᭄ᬱᬢᬸᬲ᭄ᬕᬂᬲᬮ᭄᭛ᬧᬸᬢ᭄ᬭᬶᬩᭀᬬᭀᬗᬦ᭄ᬯᬶᬤᬃ᭠

[᭖᭕ 65A]
᭖᭕
ᬪ᭞ᬳᬶᬓᬸᬮᬸᬯᬶᬄᬳᬦᬧᬸᬢ᭄ᬭᬷ᭞ᬲᬓᬶᬂᬤᭀᬲ᭄ᬫᬦ᭄ᬦᬯᬡ᭄ᬦ᭞ᬯᬃᬡ᭄ᬦᬦ᭄ᬦᬾᬳᬶᬓᬂᬢᬶᬦᬫ᭄ᬧᬶᬓ᭄᭞ᬫᬭᬂᬤ᭄ᬬᬄᬘᬶᬢ᭄ᬭᬯᬢᬷ᭞ᬦᭀᬭᬓᬍᬯᬶᬄᬳᬶᬂᬫᬭᬸ᭞ᬯᬸᬲ᭄ᬦ᭄ᬬᬤᬯᬸᬄ᭠
ᬦᬭᬾᬦ᭄ᬤ᭄ᬭ᭞ᬓᭀᬦ᭄ᬤᬸᬃᬮᬸᬫᭂᬩ᭄ᬯᬾᬂᬚ᭄ᬭᭀᬧᬸᬭᬷ᭞ᬧ᭄ᬭᬪᬸᬲᭀᬤᬳᬗᬸᬦ᭄ᬤᬗᬶᬂᬧᬭᬭᬵᬚ᭛ᬳᭀᬲ᭄ᬓᭂᬦ᭄ᬧᬸᬢ᭄ᬭᬷᬦ᭄ᬦᬶᬭᬓᬢᬄ᭞ᬧᬶᬦᬶᬮᬶᬮᬶᬄᬓᬂᬳᬬᬸᬮᬸᬯᬶᬄ᭞ᬓᬂᬲ
ᬯᭂᬦ᭄ᬦᬾᬄᬓᬤᬂᬗᬶᬭ᭞ᬯᬸᬲ᭄ᬦ᭄ᬬᬚᬗ᭄ᬓᭂᬧ᭄ᬤᭀᬫᬲ᭄ᬧᬸᬢ᭄ᬭᬷ᭞ᬭᬢᬸᬲᬢᬸᬲ᭄ᬢᬶᬦᬸ᭠ᬤᬶᬂ᭞ᬳᬗᬶᬭᬶᬂᬦᬮᬫ᭄ᬧᬄᬳᬶᬧᬸᬦ᭄᭞ᬫᬭᬂᬦᬵᬕ᭄ᬭᬷᬫᬕᬤ᭞ᬳᬢᬸᬲᬦ᭄ᬢᬦ᭄ᬥᬸᬫ᭄ᬬᬂ
ᬚᭀᬮ᭄ᬮᬶ᭞ᬧᬗᬶᬭᬶᬤ᭄ᬥᬾᬲᬂᬧ᭄ᬭᬪᬸᬗᬮᬢᬦᬬ᭛ᬗᬶᬭᬶᬤ᭄ᬲᬕᬸᬂᬧᬭ᭠ᬭᬵᬚ᭞ᬧᬢᬂᬗᬢᬸᬲ᭄ᬧ᭄ᬭᬤᬶᬧᬢᬶ᭞ᬕᬸᬫᬸᬭᬸᬄᬲ᭄ᬯᬭᬦ᭄ᬦᬶᬂᬩᬮ᭞ᬳᬶᬂᬫᬃᬕ᭄ᬕᬤᬢ᭠

Kapolihang saking "https://ban.wikisource.org/w/index.php?title=Kaca:Bali-lontar-gaguritan-mayaspati-350ppi.pdf/65&oldid=47334"