Kaca:Bali-lontar-gaguritan-mayaspati-350ppi.pdf/58

Saking Wikisource
Kaca puniki sampun kauji-wacén

[᭕᭗ 57B]
᭕᭗
ᬓᬂᬧᬭᬭᬵᬚ᭞ᬩᬶᬗᬸᬂᬤᬾᬦ᭄ᬦ᭄ᬬᬦᬤᬄᬳᬶ᭛ᬲᬾᬦᬧᬢᬶᬲᭂᬫᬦ᭄ᬢ᭄ᬭᬶᬰᬷᬖ᭄ᬭᬫᬫᬢᬄ᭞ᬩᬸᬩᬸᬄᬳᬦ᭄ᬦᬶᬂᬗᬚᬸᬭᬶᬢ᭄᭞ᬦᬃᬧᬢᬶᬫᬕᬤ᭞ᬮᬦ᭄ᬧ᭄ᬭᬪᬸᬯᬶᬱᬩᬚ᭄ᬭ᭞᭠
ᬓᬢ᭄ᬭᬶᬲᬂᬓᬮᬶᬗ᭄ᬕᬧᬢᬶ᭞ᬦᬤᬄᬳᬶᬂᬤᬭᬢ᭄᭞ᬤᬾᬦ᭄ᬦᬾᬓᬂᬳᬦᬾᬂᬯᬶᬬᬢᬶ᭛ᬲᬹᬃᬬ᭄ᬬᬓᬾᬢᬸᬮᬯᬦ᭄ᬘᭀᬦ᭄ᬤ᭄ᬭᬓᬾᬢᬸᬭᬵᬚ᭞ᬓᬢ᭄ᬭᬶᬮᬦ᭄ᬲᬾᬦᬧᬢᬶ᭞ᬦᬤᬄ
ᬳᬶᬂᬧ᭄ᬭᬂᬯᬶᬬᬢ᭄᭞ᬕᬶᬬᬓ᭄ᬧᬋᬂᬢᬸᬫᬦ᭄ᬥᬂ᭞ᬲᬂᬲᬬᬭᬫᬾᬦ᭄ᬦᬶᬂᬚᬸᬭᬶᬢ᭄᭞ᬓᬂᬧᬭᬭᬵᬚ᭞ᬲᬤᬬᬳᬸᬭᬸᬕᭂᬢᬶᬄ᭛ᬧᬦ᭄ᬳᭂᬮᭀᬗᬶᬂᬩᬮᬓᬧᭂᬮ᭄ᬮᬓ᭄ᬓᬶᬂᬤᬶ᭠
ᬢ᭄ᬬ᭞ᬳᬶᬂᬗᬸᬤᬦ᭄ᬦᬦ᭄ᬚᭂᬫ᭄ᬧᬭᬶᬂ᭞ᬬᬾᬦ᭄ᬳᬯᬶᬬᬢ᭄ᬫᬶᬬᬢ᭄᭞ᬤᬶᬢ᭄ᬬᬦᬶᬬᬸᬧ᭄ᬧᬶ᭠ᬦᬧᬕ᭄᭞ᬢᬸᬳᬸᬧᬦ᭄ᬬᭀᬕᬳᬸᬦ᭄ᬥᬕᬶ᭞ᬲᭂᬥᭂᬂᬓᬳᭀᬚᬢ᭄᭞ᬳᬶᬂᬧ᭄ᬭᬂᬤᬤ᭄ᬬᬢᬶ

[᭕᭘ 58A]
᭕᭘
ᬢᬶᬦ᭄ᬥᬶᬄ᭛ᬮᬶᬯᬸᬂᬧ᭄ᬭᬂᬦᬫᬸᬂᬲᬾᬦᬧᬢᬶᬦ᭄ᬦᬶᬭ᭞ᬳᬶᬂᬧ᭄ᬭᬂᬳᬗᬮᬶᬗᬶ᭞ᬳᬶᬂᬩᬮᬯᬶᬦᬸᬮᬢ᭄᭞ᬤᬭᬢ᭄ᬯᬶᬬᬢ᭄ᬭᬶᬦ᭄ᬦᭂᬓ᭄ᬱ᭞ᬕᬶᬦᬦ᭄ᬢᬶᬕᬦ᭄ᬢᬶᬧᭂᬲᬢ᭄ᬢᬶ᭞ᬲᬜ᭄ᬚᬢᬦ᭄ᬦᬶᬭ᭞ᬬᬾᬦ᭄ᬳᬶᬂ
ᬤᬭᬢ᭄ᬓᬢᬶᬢᬶᬄ᭛ᬫᬶᬮᬧ᭄ᬭᬤᬶᬧᬢᬶᬮᬮᬶᬧᬗᬫᬹᬓ᭄ᬦ᭄ᬬ᭞ᬧ᭄ᬭᬘᬬᬾᬂᬲᬾᬦᬧᬢᬶ᭞ᬳᬾᬮᬶᬂᬚ᭄ᬭᭀᬦ᭄ᬦᬶᬂᬗᬧ᭄ᬭᬂ᭞ᬓᬂᬫᬺᬧᭂᬓ᭄ᬧᬶᬦᬺᬧᭂᬓ᭄ᬓᬦ᭄᭞ᬕᬸᬂᬳᬚᬕ᭄ᬤᬾᬦ᭄ᬦ᭄ᬬᬚᭂᬚᭂ
ᬕ᭄ᬕᬶ᭞ᬫᭂᬂᬲᬄᬲᬶᬦᬸᬲᬄ᭞ᬳᬶᬂᬗᬸᬤᬦ᭄ᬦᬦ᭄ᬚᭂᬫ᭄ᬧᬭᬶᬂ᭛ᬤᬶᬢ᭄ᬬᬮᬶᬦ᭄ᬥᬸᬰᬺᬗ᭄ᬕᬶᬯᬸ᭠ᬲ᭄ᬧᭂᬚᬄᬕᬶᬦ᭄ᬦᬤ᭞ᬤᬾᬦ᭄ᬦᬶᬂᬭᬓᬮᬶᬗ᭄ᬕᬧᬢᬶ᭞ᬢᬸᬯᬶᬦ᭄ᬓᬜ᭄ᬘᬦ᭄ᬦᬶᬭ᭞ᬤᬶᬢ᭄ᬬᬓᬵᬮ᭠
ᬧ᭄ᬭᬕᭀᬂᬱ᭞ᬭᬸᬓᭂᬢ᭄ᬢᬶᬂᬧ᭄ᬭᬂᬲᬶᬮᬶᬄᬳᬸᬓᬶᬄ᭞ᬮᬦ᭄ᬯᬶᬱᬩᬚ᭄ᬭ᭞ᬭᬫᬾᬩᬶᬦ᭄ᬥᬶᬩᬶᬦ᭄ᬦᬶᬦ᭄ᬥᬶ᭛ᬳᬸᬤᬺᬕ᭄ᬥᬶᬦᬺᬕ᭄ᬰᬷᬖ᭄ᬭᬦᬃᬧᬢᬶᬫᬕᬤ᭞ᬳᬗ᭄ᬮᭂᬧᬲ᭄ᬲᬶᬚᭂᬫ᭄ᬧᬭᬶᬂ᭞ᬯᬶᬮ᭄ᬓᬵᬮᬧ᭄ᬭ