[᭒᭖ 26B]
᭒᭖
ᬫᬶ᭞ᬬᬾᬦ᭄ᬳᬦᬸᬮ᭄ᬬᬭᬯᭀᬄ᭞ᬩᭀᬓ᭄ᬫᬦᬯᬓᬢ᭄ᬭᬸᬘᬸᬢ᭄ᬘᬾᬢᬶᬦ᭄ᬦᬾ᭞ᬲᬂᬬᬂᬤᬮᬸᬯᬸᬲ᭄ᬳᬗᬾᬱ᭄ᬝᬶᬧᬢᬶ᭞ᬧᬢᬺᬫ᭄ᬕᬸᬂᬫᬶᬦᬸᬱ᭄ᬝᬶ᭞ᬫ᭄ᬬᬂᬫᬢᬸᬭᬸᬦ᭄ᬳᬧ᭄ᬬᬸ᭛ᬤᬸᬓ᭄ᬱᬫᬦᬳᬶᬂ
ᬤᬶᬦᬲᬯᬶᬚᬶ᭞ᬫᬶᬗ᭄ᬕᬄᬲᬂᬮᬶᬃᬲᬶᬦ᭄ᬦᭀᬫ᭄᭞ᬫ᭄ᬭᬶᬂᬧᬳᭀᬫᬦ᭄ᬫᬗᭀᬩᬃᬤᬸ᭠ᬧᬦ᭄ᬦᬾ᭞ᬧᬦ᭄ᬳᬸᬦᬸᬂᬓᬸᬳᬶᬂᬧᬸᬚᬲᭂᬫᬵᬥᬶ᭞ᬳᬜ᭄ᬚᬸᬫᬶᬧᬗᬾᬱ᭄ᬝᬶ᭞ᬗᭂᬦ᭄ᬦᬶᬂᬓᭂᬦ᭄ᬧᬦ᭄ᬥᬸᬮᬸ᭠
᭛ᬬᬬᬄᬫᬵᬢᬶᬲᬚ᭄ᬭᭀᬦ᭄ᬦᬶᬂᬗᬚᬸᬭᬶᬢ᭄᭞ᬳᬸᬭᬶᬧ᭄ᬚ᭄ᬭᭀᬦ᭄ᬦᬶᬂᬮᬬᭀᬦ᭄᭞ᬳᬶᬓᬂᬳᬸᬭᬶᬧ᭄ᬫᬸᬂᬗᭀᬲᬶᬓ᭄ᬓᬾᬩᬳᬾ᭞ᬦᭀᬭᬫᭀᬲᬶᬓ᭄ᬩᬶᬲᬫᭀᬲᬓ᭄ᬳᬲᬶᬓ᭄᭞᭠
ᬢ᭄ᬭᬸᬲᬶᬂᬧᬶᬢᬸᬂᬪᬸᬫᬶ᭞ᬧᬶᬢᬸᬯᬶᬬᬢ᭄ᬧᬸᬢᬸᬲ᭄᭛ᬧᬗᬢᬲᬾᬳᬶᬂᬘᬶᬧ᭄ᬢᬫᬢᬶᬢᬶᬲ᭄᭞ᬳᭀᬕᭂᬃᬲ᭄ᬭᬸᬓᬸᬫᬢᭀᬲ᭄᭞ᬧ᭄ᬭᬳᬧ᭄ᬲᬭᬷᬯᬸᬬᬸᬗᬦ᭄ᬕᬾᬕᬾᬭᬾ᭞ᬲᬂᬳ᭄ᬬᬂᬕᬸ
[᭒᭗ 27A]
᭒᭗
ᬭᬸᬫ᭄ᬮᬂᬚ᭄ᬭᭀᬦ᭄ᬦᬶᬂᬕᬮᬶᬄ᭞ᬤᬾᬦ᭄ᬦᬶᬂᬰ᭄ᬭᬶᬧ᭄ᬭᬶᬬᬢᬶᬦ᭄᭞ᬦᬵᬭᬤᬳᬶᬦᬸᬢᬸᬲ᭄᭛ᬳᬲᬸᬂᬧᬾᬫᬸᬢ᭄ᬫᬭᬂᬲᬂᬋᬢ᭄ᬦᬵᬤᬶ᭞ᬦᬵᬭᬤᬦᬸᬮ᭄ᬬᬵᬜ᭄ᬚᭀᬕ᭄᭞ᬲᬓᬶᬂᬯᬶᬬᬢ᭄ᬲᬃᬢᬲ᭄ᬭᬸ᭠
ᬕᬸᬬᬸᬦ᭄ᬦᬾ᭞ᬩᬩᭀᬧᬸᬢᬸᬦ᭄ᬦᬶᬗ᭄ᬲᬸᬦ᭄ᬯᭀᬂᬋᬲ᭄ᬧᬢᬶ᭞ᬤᬾᬦ᭄ᬦᬾᬢᬓᬧᬢᬶ᭞ᬤᬾᬦ᭄ᬦᬶᬭᬦᬳᭂᬦ᭄ᬓᬸᬂ᭛ᬲᬩᭂᬦ᭄ᬤᬶᬤᬵᬗᬬᬫ᭄ᬳᬬᬫ᭄ᬫᬢᬶ᭞ᬬᬾᬦ᭄ᬓᭀᬂᬲᬶᬬᬮᬬᭀ᭠
ᬦ᭄᭞ᬫᬾᬦ᭄ᬥᬄᬩᬬᬩᬾᬲᬸᬓ᭄ᬧᬗ᭄ᬕᬸᬕᬸᬦ᭄ᬦᬾ᭞ᬲᬓᬶᬂᬯᬶᬱ᭄ᬡᬸᬫᬭᬂᬗᬯᬓ᭄ᬫᬫᬶ᭞ᬯᬸᬲ᭄ᬮᬸᬫ᭄ᬭᬄᬳᬾᬦᬶᬦᬶ᭞ᬬᬾᬦ᭄ᬧᬸᬢ᭄ᬭᬶᬧᬶᬦᬸᬜ᭄ᬚᬸᬮ᭄᭛ᬧᬶᬦᬃᬩᬸᬢ᭄ᬢᬦ᭄ᬳᬶᬂᬲᬕᬸᬂᬧᬭᬵ᭠
ᬚᬶ᭞ᬢ᭄ᬫᬄᬧ᭄ᬭᬂᬋᬋᬫ᭄ᬧᭀᬦ᭄᭞ᬳᬶᬂᬗᬓ᭄ᬭᬫᬤᬤ᭄ᬬᬧᬧᬗ᭄ᬕᬶᬮ᭄ᬮᬾ᭞ᬫᭀᬂᬲᬤᬤᬓ᭄ᬩᬶᬲᬳᬫᭂᬓᭀᬦ᭄ᬦᬶ᭞ᬫᬭᬂᬲᬶᬭᬦᬶᬦᬶ᭞ᬧᬭᬭᬢᬸᬳᬶᬓᬸ᭛ᬮᬶᬬᬦ᭄ᬲ
