Kaca:Bali-lontar-gaguritan-mayaspati-350ppi.pdf/2

Saking Wikisource
Kaca puniki sampun kauji-wacén

[᭑ 1B]

᭛ᬅᬯᬶᬖ᭄ᬦᬫᬵᬲ᭄ᬢᬸ᭛ᬕᬦ᭄ᬢ᭄ᬬᬦ᭄ᬳᬶᬓᬂᬯᬶᬦᬸᬃᬲᬶᬢᬾᬂᬓᬯᬶ᭞ᬦᭂᬗ᭄ᬕᬶᬄᬯᭀᬦ᭄ᬢᭂᬦ᭄ᬕᭂᬫ᭄ᬧᬮᬦ᭄ᬘᬭᬶᬢ᭞ᬓᬤ᭄ᬬᬧᬧᬳᬶᬂᬮᬫ᭄ᬧᬳᬾ᭞ᬮᬦ᭄ᬥᬰᬫᬸᬓᬧ᭄ᬭᬪᬸ᭞ᬗ᭄ᬳᬶᬂᬘ᭠
ᬭᬶᬢᬓᬶᬦᬵᬃᬬ᭄ᬬᬕᭂᬦ᭄ᬢᬶ᭞ᬯᬸᬓᬶᬃᬚᬢᬶᬰᬭᬡ᭞ᬦᭂᬗ᭄ᬕᬄᬓᬂᬯᬶᬦᬸᬯᬸᬲ᭄᭞ᬯᭀᬦ᭄ᬢᭂᬦ᭄ᬳᭂᬫ᭄ᬧᬸᬦ᭄ᬦᬶᬂᬧᬵᬡ᭄ᬥᬶᬢ᭞ᬓᬮᬶᬄᬲᬦᬓ᭄‌‌ᬢᬧᬦᬶᬭᬳᬗ᭄ᬮᬗ᭄ᬓᬸᬗᬶ᭞ᬲᬓᬶᬂ᭠
ᬧᬭᬧᬵᬡ᭄ᬥᬶᬢ᭛ᬳᬶᬓᬂᬲ᭄ᬧᬸᬄᬧᬧᬭᬩ᭄ᬳᬶᬭᬾᬓᬶ᭞ᬯᬶᬓᬸᬰᬸᬯᭀᬦ᭄ᬥᬕ᭄ᬦᬶᬓᬂᬢᬭᬸᬡ᭞ᬯᬶᬓᬸᬚᬫᬤᬕ᭄ᬦᬶᬭᬦ᭄ᬦᬾ᭞ᬦᬗ᭄ᬳᬶᬂᬲᬾᬚᬾᬳᬶᬂᬮᬓᬸ᭞ᬳᬶᬓᬂᬲ᭄ᬧᬸᬄᬳ
ᬫ᭄ᬩᭂᬕ᭄ᬓᬶᬭᬾᬓᬶ᭞ᬦᭂᬢᭂᬧ᭄ᬧᬶᬂᬓᬧᬵᬡ᭄ᬥᬶᬢᬦ᭄᭞ᬢ᭄ᬬᬲ᭄ᬲᬶᬭᬵᬃᬚ᭄ᬚᬵᬦᬸᬮᬸᬲ᭄᭞ᬲᭂᬫ᭄ᬮᬤᬧ᭄ᬓᬶᬓ᭄ᬯᬃᬡ᭄ᬦᬜ᭞ᬳᬶᬓᬂᬭᬬᬶᬕᬕᬄᬧ᭄ᬭᬓᭀᬱᬕᭃᬂᬗᬶᬗ᭄ᬕᬶᬮ᭄᭞ᬧᬶᬦ᭠

[᭒ 2A]

ᬡ᭄ᬥᬶᬢᬧ᭄ᬭᬯᬷᬭ᭛ᬢᬦ᭄ᬯᬃᬱᬤᭀᬦ᭄ᬦᬶᬂᬤᬾᬧᭀᬓ᭄ᬓᬶᬭᬾᬓᬶ᭞ᬳᬕᬸᬂᬮᬮᬦ᭄ᬯᬵᬜ᭄ᬚᬚᬄᬯᬦᬵᬃᬕ᭄ᬕ᭞ᬢᬦ᭄ᬲᬄᬳᬫᬶᬓᬸᬮ᭄ᬮᬗ᭄ᬓᬧᬾ᭞ᬬᬾᬦ᭄ᬫ᭄ᬬᬃᬱᬧᬭᬭᬢᬸ᭞ᬦᬗᬸᬦ᭄ᬦᬧ᭄ᬭᬂ᭠
ᬳᬾᬗ᭄ᬕᬮ᭄ᬥᬢᭂᬗᬶ᭞ᬓᬂᬗᬲᭀᬃᬢᬶᬦᬸᬮᬸᬗᬦ᭄᭞ᬮᬶᬦᬮᬃᬮᬶᬃᬳᬶᬧᬸᬦ᭄᭞ᬧᬹᬃᬯ᭄ᬯᬦ᭄ᬦᬶᬂᬧ᭄ᬭᬂᬲᬧᬳᬶᬓᬂ᭞ᬳᬓᬵᬃᬬ᭄ᬬᬯᬶᬢ᭄‌ᬬᬦ᭄ᬢᬦ᭄ᬳᬦᬹᬢ᭄ᬭᬾᬄᬳᬶᬭᬾᬓᬶ᭞ᬭᬶᬦᭂᬫᬸᬓ᭄ᬳᬶᬂᬗ
ᬬᬸᬤ᭄ᬥ᭛ᬫᬶᬯᬄᬮᬫᬸᬦ᭄ᬫᬶᬬᬃᬱᬧᬭᬵᬚᬶ᭞ᬢᬸᬯᬶᬦ᭄ᬧᬭᬧᬵᬡ᭄ᬥᬶᬢᬓᬂᬲᬫ᭄ᬬ᭞ᬧ᭄ᬭᬯᬷᬭᬢᬶᬦ᭄ᬓᬦ᭄ᬳᬕᬾ᭞ᬧᬦ᭄ᬳᬶᬂᬗᬚᬓ᭄ᬧ᭄ᬭᬂᬧᬸᬧᬸᬄ᭞ᬦᬗ᭄ᬳᬶᬂᬤᬢᬦ᭄ᬳᬦᬓᬂᬯ᭠
ᬦ᭄ᬦᬶ᭞ᬮᬸᬫᬯᬦ᭄ᬦᬶᬂᬗᬬᬸᬤ᭄ᬥ᭞ᬚ᭄ᬭᬶᬄᬓᬤᬶᬩ᭄ᬬᬦ᭄ᬦᬶᬧᬸᬦ᭄᭞ᬫᬶᬯᬄᬕᭃᬗᬶᬂᬮ᭠ᬗ᭄ᬓᬧ᭄ᬧᬶᬭ᭞ᬢᬦ᭄ᬧᬲᬫᬫᬶᬮᬧᬧᬭᬩ᭄ᬩᬶᬭᬾᬓᬶ᭞ᬯᬶᬓᬸᬭᬵᬫᬩᬃᬖᬯ᭛᭠