Kaca:Bali-lontar-gaguritan-mayaspati-350ppi.pdf/128

Saking Wikisource
Kaca puniki sampun kauji-wacén

[᭑᭒᭗ 127B]
᭑᭒᭗
ᬮᬶᬄ᭞ᬮᬗᭂᬦ᭄ᬦᬶᬂᬯᬦᬯᬦ᭛ᬫᬫᬗᬸᬦ᭄ᬤᬦᬲᭂᬫᬃᬕ᭄ᬕᬶᬫᬃᬕ᭄ᬕᬶ᭞ᬳᬗᬾᬦ᭄ᬦ᭠ᬓᬶᬢ᭄ᬬᬲ᭄ᬲᬶᬂᬩᬮᬢᭀᬦ᭄ᬢ᭄ᬭ᭞ᬯᬲ᭄ᬓᬶᬢᬫᬵᬬᬸᬚᬕᬤ᭄ᬤᬾ᭞ᬲᬕᬸᬂᬗᬶᬂᬯᬶᬓᬸᬯᬶᬓᬸ᭞
ᬓᬦ᭄ᬢᬶᬓᬶᬦ᭄ᬢᬮ᭄ᬓᬶᬦᬶᬦ᭄ᬢᬶᬮ᭄᭞ᬲᬮᬫᬶᬦ᭄ᬦᬾᬦᬾᬂᬯᬦ᭞ᬲᬂᬰ᭄ᬭᬷᬲᬵᬰ᭄ᬭᬩᬯᬸ᭞ᬲᬸᬓᬲᬓᬾᬄᬳᬶᬂᬧᬵᬡ᭄ᬥᬶᬢ᭞ᬲᬶᬬᬂᬭᬢ᭄ᬭᬶᬳᬗᬤᭂᬧ᭄ᬰ᭄ᬭᬷᬦᬭᬧᬢᬶ᭞ᬲᬫ᭄ᬬ᭠
ᬲᬸᬓᬲᬤᬬ᭛ᬲᭂᬂᬲᭂᬫ᭄ᬓᬘᬃᬬ᭄ᬬᬦ᭄ᬧᬭᬦᬃᬧᬢᬶ᭞ᬧᬭᬂᬧ᭄ᬭᬪᬸᬆᬃᬚ᭄ᬚᬸᬦᬯᬶᬚᬬ᭞ᬓᬬᬸᬬᬸᬦ᭄ᬕᭂᬂᬧᬗᬾᬲ᭄ᬢᬸᬦ᭄ᬦᬾ᭞ᬗᭂᬦ᭄ᬢᬶᬤᬾᬦ᭄ᬦ᭄ᬬᬲᬸᬲᬸᬕᬸᬦ᭄᭞ᬢᬸᬫ᭄ᬧᭂᬓ᭄ᬳᬶᬲᬾ
ᬦ᭄ᬳᬶᬲᬾᬦ᭄ᬯᬦᬵᬤ᭄ᬭᬶ᭞ᬦᬤ᭄ᬬᬦ᭄ᬘᬦ᭄ᬢ᭄ᬭᬶᬓ᭄ᬳᬸᬭᬓ᭄ᬓᬦ᭄᭞ᬲᬸᬂᬢᬢᬦ᭄ᬦᬾᬓᬢᬸᬃ᭞ᬤᬸᬓ᭄ᬱᬫᬦᬯ᭄ᬯᭀᬂᬗᬶᬂᬧ᭄ᬭᬚ᭞ᬓᬾᬄᬓᬧᬾᬗᬶᬦ᭄‌ᬓᬸᬤᬸᬓᬸᬤᬸᬤᬤᬶᬘᬦ᭄ᬢ᭄ᬭᬶᬓ᭄᭞ᬤᬾᬦ᭄ᬦ᭄ᬬ᭠

[᭑᭒᭘ 128A]
᭑᭒᭘
ᬕᭂᬂᬲᬶᬄᬦᬭᬾᬦ᭄ᬤ᭄ᬭ᭞᭛ᬳᬾᬬᭀᬦ᭄ᬳᬍᬓ᭄ᬱᬦ᭄ᬧᬭᬫᬳᬵᬃᬱᬶ᭞ᬯᬶᬓᬸᬧᬵᬡ᭄ᬥᬶ᭠ᬢᬰᬾᬯᬰᭀᬕᬢ᭄ᬢ᭞ᬫᬂᬗᬸᬬᬸᬘᬦ᭄ᬢ᭄ᬭᬶᬓ᭄ᬘᬦ᭄ᬢ᭄ᬭᬶᬓ᭄ᬓᬾ᭞ᬤᬾᬦ᭄ᬦ᭄ᬬᬳᬫ᭄ᬩᭂᬕ᭄ᬲᬂᬧ᭄ᬭᬪᬸ᭞᭠
ᬳᬗᬾᬦᬓ᭄ᬓᬶᬢ᭄ᬬᬲ᭄ᬧ᭄ᬭᬶᬄᬳᬢᬶᬦ᭄᭞ᬫᬫᬵᬬᬸᬳᬶᬂᬲᬂᬲᬭ᭞ᬳᬦᬸᬯᬸᬓ᭄ᬓᬶᬓᬳ᭄ᬬᬸᬦ᭄᭞ᬳᬶᬂᬩᬮᬲᬧ᭄ᬭᬚᬫᬸᬯᬄ᭞ᬳᬶᬲᬶᬦ᭄ᬦᬶᬓᬂᬧ᭄ᬭᬚᬫ᭄ᬬᬂᬗᬶᬲᬶᬦ᭄ᬯᬸᬓᬶᬃ᭞ᬓᬶᬦ᭄ᬦᭂᬦ
ᬦ᭄ᬲᬸᬓᬲᬫ᭄ᬬ᭛ᬢᬗᬾᬄᬮᬫᬸᬦ᭄ᬯᬸᬯᬸᬲᭂᬦ᭄ᬳᬶᬂᬢᬸᬮᬶᬲ᭄᭞ᬲᭀᬮᬄᬳᬶ᭠ᬭᬤᬾᬦ᭄ᬦ᭄ᬬᬫᬘᬗ᭄ᬓ᭄ᬭᬫ᭞ᬳᬶᬂᬧ᭄ᬭᬢᬧᬦ᭄ᬯᬶᬓᬸᬓᬩᬾᬄ᭞ᬳᬕᬸᬂᬳᬫᬗᬸᬦ᭄ᬳᬬᬸ᭞᭠
ᬓᬭᬄᬳᬬᭀᬦ᭄ᬦᬶᬂᬲᬪᬸᬫᬶ᭞ᬕᬸᬦ᭄ᬦᭂᬫ᭄ᬮᬦ᭄ᬧ᭄ᬭᬧᬵᬡ᭄ᬥᬶᬢ᭞ᬯᬸᬮᬂᬗᬾᬂᬓᬂᬘ᭠ᬓᬸᬧ᭄᭞ᬲᬕᬸᬂᬗᬶᬂᬧᬭᬧᬸᬗ᭄ᬕᬯ᭞ᬲᬩᭂᬦ᭄ᬦᬭᬶᬮᬯᬦ᭄ᬋᬓ᭄ᬬᬦᬳᬧᬢᬶᬄ᭞ᬲᬸ