Kaca puniki sampun kauji-wacén
[᭔᭑ 41B]
᭔᭑
ᬲᬶᬃᬳᬗᬶᬦᬾᬳᬭᬶᬲ᭄ᬗᬫ᭄ᬧᭂᬳᬂ᭞ᬳ᭄ᬩᭀᬦ᭄ᬩᬸᬗ᭄ᬳᬵᬦᬾᬫᬶᬳᬶᬓ᭄᭞ᬦᬾᬤᬶᬧᬲᬗ᭄ᬕ᭄ᬭᬳᬦ᭄᭞ᬍᬗᭂᬂᬜᬗ᭄ᬮᬸᬄᬫᬶᬫ᭄ᬧᬸᬕᬦ᭄᭞ᬫᬓᭂᬲ᭄ᬬᬄᬫᬶᬭᬶ
ᬩ᭄ᬜᭀᬘᬧᬶᬦ᭄᭞ᬦᬯᭂᬕ᭄ᬗᬦ᭄ᬤᭂᬕᬂᬦᬕᬶᬄᬳᬮᬧ᭄ᬲᬗ᭄ᬕᬳᬶᬦ᭄᭟ᬧᬥᬂᬧᬓᬸᬦᬾᬯᬶᬮᬶᬲ᭄ᬗᬺᬫ᭄ᬩᬸᬦ᭄ᬫᬾᬫ᭄ᬧᭀᬕᬦ᭄᭞ᬧᬕᭂᬃᬢᬫᬦ᭄ᬫᬗ᭄ᬭᬯᬶᬢ᭄
᭞ᬩᬸᬗ᭄ᬳᬵᬦ᭄ᬥᭂᬂᬓᭂᬫ᭄ᬩᬂ᭞ᬳ᭄ᬗᭂᬤ᭄ᬫᬢᬸᬭᬸᬢ᭄ᬩᬸᬗᬄ᭞ᬱᬤ᭄ᬧᬤᬦᬾᬗᬺᬂᬫᬗ᭄ᬭᬶᬗ᭄ᬭᬶᬂ᭞ᬍᬂᬍᬂᬳᬫᬾᬤ᭄ᬭᬦ᭄ᬗᬶᬲᭂᬧ᭄ᬫᬥᬸᬦᬶᬂᬲᬭᬶ᭟ᬧᬘᬭᬸᬤᬸᬓ᭠
ᬳᬲ᭄ᬦᬾᬫᬸᬮᬸᬗᬦ᭄᭞ᬲᬫ᭄ᬩ᭄ᬭᬕ᭄ᬦᭂᬧᬾᬦ᭄ᬧᬭᬶᬕᬶ᭞ᬫᬶᬭᬶᬩ᭄ᬓᭂᬫ᭄ᬩᬗᬸᬭ᭞ᬯᬗᬶᬦᬶᬂᬋᬩᬸᬓ᭄ᬲᬸᬫᬃ᭞ᬧᬸᬲᬸᬄᬩᬓᬸᬗᬾᬗᬩᬓ᭄ᬢᬶ᭞ᬢᬳᭂᬦ᭄ᬓ
[᭔᭒ 42A]
ᬦᬓᬓᬬᬸᬧᬶᬂᬫᬭᬶᬭᬶᬕ᭄᭟ᬫᬗᬶᬤᭂᬭᬶᬦ᭄ᬭᬋᬗ᭄ᬕᬦ᭄ᬕ᭄ᬥᭀᬗᬾᬳᬶᬬᬲ᭄᭞ᬬᬦ᭄ᬭᬶᬧ᭄ᬢᬬᬂᬤᬶᬕᬸᬭᬶᬢ᭄᭞ᬭᬲ᭄ᬫᬶᬦᬶᬂᬳᬸᬥ᭄ᬬᬦ᭞ᬳᬦᬸᬢ᭄ᬯ
ᬓ᭄ᬢᬄᬧᬲᬪᬦ᭄᭞ᬳ᭄ᬬᬂᬲ᭄ᬫᬭᬳᬓᬭᭀᬦ᭄ᬭᬢᬶᬄ᭞ᬢᬫᬵᬫᬗ᭄ᬮᬗ᭄ᬮᬂ᭠ᬮᬗᭂᬦᬶᬂᬧᬚᬂᬰᬰᬶᬄ᭟ᬲᬫ᭄ᬧᬶᬄᬩᬸᬮ᭄ᬬᬦ᭄ᬕᬸᬦᬸᬗᬾᬫᬓᬶᬤᭂᬄᬧᬸᬱ᭄ᬧ᭞
ᬧᬃᬡ᭄ᬦᬳᬸᬗ᭄ᬕᬸᬳᬗᬧᬶ᭞ᬧᬦ᭄ᬢᬶᬲ᭄ᬧᬳᬰ᭄ᬭᬫᬦ᭄᭞ᬲᬗ᭄ᬓᬯᬶᬰ᭄ᬯᬭᬧ᭄ᬭᬚ᭄ᬜ᭞ᬢᬫᬾᬂᬕᬶᬢ᭄ᬢᬘ᭄ᬝᬾᬂᬦᬶᬢᬶ᭞ᬯᬾᬩ᭄ᬯᬶᬂᬗᬓ᭄ᬱᬭᬲᬃᬯ᭄ᬯᬢᬢ᭄ᬯᬵᬚᬶᬍᬯᬶᬄ
᭟ᬫᬳᬲ᭄ᬫᬗᭃᬫᬤᬸᬮᬸᬃᬫᬓᬸᬡ᭄ᬥᭂᬂᬓᬭᬲ᭄᭞ᬢᬦᬄᬕᬭᬸᬂᬢᬦ᭄ᬓᬭᬶ᭞ᬚ᭄ᬦᭂᬓ᭄ᬫᬗ᭄ᬭᬶᬜ᭄ᬘᬶᬬᬂ᭞ᬳᬗᭃᬦᬶᬂᬲᬓᬫᬢᬦ᭄᭞ᬭᬹᬫ᭄ᬭᬸᬫ᭄ᬦᬶᬂᬳᬶᬧ
