[᭗᭓ 73B]
᭗᭓
ᬧ᭄ᬢᬶᬫᬦᬶᬫ᭄ᬩᬮ᭄᭞ᬧᬢᬸᬢ᭄ᬢᬶᬢ᭄ᬬᬂᬭᬢᬸᬲᬓᬤᬶᬫᬗ᭄ᬓᬶᬦ᭄᭞ᬓᬧᬗᬦ᭄ᬤᬶᬓᬬᬂᬤ᭄ᬯᬕᬸᬂ᭞ᬳᬶᬭᬶᬓᬶ᭠ᬫᬫᬋᬓᬦ᭄᭞ᬓᬧᬶᬢ᭄ᬮᬲ᭄ᬧᬘᬂᬫᬶᬤᬃᬢ᭄ᬢᬬᬂᬳᬢᬹᬃ᭞ᬳᬦ᭄ᬢᬸᬓ᭄ᬳᬶᬤᬵᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬧᬤᬡ᭄ᬥᬭᬓᬦ᭄ᬪᬝᬵ
ᬭᬶ᭟ᬗᬶᬂᬭᬢᬸᬳᬫ᭄ᬧᬹᬭᬧᬶᬲᬦ᭄᭞ᬢᬶᬢ᭄ᬬᬂᬦᬫ᭄ᬩᭂᬢ᭄ᬚᬢ᭄ᬫᬕᬸᬦᬸᬂᬲᬯ᭄ᬬᬓ᭄ᬢᬶ᭞ᬫᬯᬶᬦᬦ᭄ᬢᬶᬢ᭄ᬬᬂ᭠ᬚᬸᬕᬸᬮ᭄᭞ᬫᬳᬢᬹᬃᬲᬶᬕᬸᬕ᭄ᬢᬫ᭄ᬫᬵ᭞ᬳᬦ᭄ᬢᬸᬓ᭄ᬤᬸᬭᬸᬂᬧᬶᬲᬦ᭄ᬢᬶᬢ᭄ᬬᬂᬦᬳᭂᬦ᭄ᬭᬢᬸ᭞ᬫᬫᬋᬓ᭄ᬘᭀᬓᭀᬃᬳᬶ᭠
ᬤᬾᬯ᭄ᬯᬵ᭞ᬳᬸᬦᬶᬂᬭᬶᬂᬢᬢᬵᬲᭀᬃᬲᬶᬗ᭄ᬕᬶᬄ᭟ᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬸᬦᬶᬗᬬᬂ᭞ᬲᬸᬗ᭄ᬲᬸᬢ᭄ᬧᬶᬲᬦ᭄ᬳᬶᬤᬭᬓᬦ᭄ᬪᬝᬵᬭᬶ᭞ᬤᬯᭂᬕ᭄ᬧᬹᬃᬡ᭄ᬦᬫᬦᬾᬭᬢᬸ᭞ᬲ᭄ᬫᭂᬂᬫᬸᬗ᭄ᬕᬄᬫᬯᬾᬤᬵ᭞ᬩᬳᬸᬫᬭᬵᬗᬲ᭄ᬢᬯ᭄ᬯᬵᬓᬚ᭄ᬭᭀ
ᬤᬾᬯ᭄ᬯᬵᬕᬸᬂ᭞ᬳᬾᬮᬶᬂᬭᬶᬂᬘᭀᬓᭀᬃᬳᬶᬤᬾᬯ᭄ᬯᬵ᭞ᬤᬸᬭᬸᬲ᭄ᬲ᭄ᬤᭂᬕ᭄ᬗᭂᬫᬸᬢᬗᬶᬲ᭄᭟ᬩᬸᬢ᭄ᬤᬸᬦ᭄ᬲᬓᬶᬂᬫᬯᬾᬤ᭄ᬥᬵ᭞ᬫᬲᬮᬶᬦᬦ᭄ᬫᬗ᭄ᬕᬾᬓᬸᬭᬸᬩᬾᬩᬝᬶᬓ᭄᭞ᬯᬲ᭄ᬢ᭄ᬭᬦᬾᬧ᭄ᬭᬾᬕᬕᬸᬮᬸᬂ᭞ᬜᬮᬂ᭠
[᭗᭔ 74A]
ᬳᬮᬸᬲ᭄ᬗᬭᬜᬩ᭄᭞ᬭᬭᬶᬲ᭄ᬦᬦᭂᬂᬭᬹᬧᬯᬾᬦ᭄ᬢᭂᬦ᭄ᬓᬮᬶᬄᬤᬯᬸᬄᬲᬵᬫ᭄ᬧᬸᬦ᭄ᬲᬶᬗᬶᬢ᭄ᬩᬯᬸᬫᬋ᭞ᬗᬬᬦᬂᬭᬓᬦ᭄ᬪᬝᬵᬭᬶ᭟ᬕᭂᬕᭂᬭᬢᬸᬳᬢᬹᬃᬢᬶᬢ᭄ᬬᬂ᭞ᬦᬾᬦ᭄ᬢᭂᬦ᭄ᬢᭂᬢ᭄ᬬᬂᬧᬸᬦᬧᬶᬫᬤᭂᬧ᭄ᬧ᭄ᬕᬶᬄ᭞ᬲᬓᬤᬶ
ᬓᬯ᭄ᬬᬓ᭄ᬢᬸᬯᬦᬶᬧᬸᬦ᭄᭞ᬭᬢᬸᬳᬢᬹᬭᬂᬢᬶᬢ᭄ᬬᬂ᭞ᬦᬾᬦ᭄ᬢᭂᬦ᭄ᬦᬳᭂᬦ᭄ᬧᬸᬦᬧᬶᬭᬓᬦ᭄ᬤᬾᬯᬕᬸᬂᬯᬱ᭄ᬝᬦᬶᬦ᭄ᬮᬮᬶᬳᬤᬶᬦᬵ᭞ᬭᬶᬂᬘᭀᬓᭀᬃᬳᬶᬤᬾᬯᬯ᭄ᬬᬓ᭄ᬢᬶ᭚᭜᭚ᬲᬶᬦᭀᬫ᭄᭚ᬧ
ᬤᬡ᭄ᬥᬗᬸᬢᬸᬲ᭄ᬘᬭᬓᬵ᭞ᬫᬯᬱ᭄ᬝᬳᬶᬭᬾᬓᬵᬓᬧ᭄ᬢᬶ᭞ᬳᬶᬗ᭄ᬕᬶᬄᬲᬵᬫᬶᬸᬫ᭄ᬧᬸᬦ᭄ᬳᬶᬧᬸᬦ᭄ᬦᬧᬓ᭄᭞ᬭᬶᬂ᭠ᬚᬫ᭄ᬩᬵᬭᬦᬵᬦᬾᬫᬗ᭄ᬓᬶᬦ᭄᭞ᬓᬮᬶᬄᬯ᭄ᬗᬶᬭᬶᬂᬫᬵᬃᬕ᭄ᬕᬶ᭞ᬩᬚᭂᬕ᭄ᬲᬹᬃᬬ᭄ᬬᬳᬸᬧᬸᬦ᭄ᬭᬯᬸᬄ᭞ᬯᬢᬭᬧᬸᬓᬸ᭠
ᬮ᭄ᬭᭀᬭᬲ᭄᭞ᬫᬕᬕᬗ᭄ᬲᬭᬦ᭄ᬭᬶᬂᬫᬵᬃᬕ᭄ᬕᬶ᭞ᬭᬾᬄᬓᬯᬸᬢᬸᬲ᭄ᬫᬗ᭄ᬤᬵᬲᬵᬫ᭄ᬧᬸᬦ᭄ᬫᬾᬮᬦᬾᬮᬦ᭄᭟ᬜᬦ᭄ᬤᬂᬧᬤᬡ᭄ᬥᬫᬗᬾᬫᬦ᭄᭞ᬧᬃᬘ᭄ᬙᬬᬗᬸᬢᬸᬲ᭄ᬫᬫᬵᬃᬕ᭄ᬕᬶ᭞ᬲᬫᬶᬲᬵᬫ᭄ᬧᬸᬦ᭄ᬓᬧᬶᬤᬵᬃᬢ᭄ᬣ᭞ᬲᭀᬮᬄ
Kaca:Bali-lontar-gaguritan-maselong-ka-jembrana-350ppi.pdf/74
Kaca puniki sampun kauji-wacén
