[᭗᭒ 72B]
᭗᭒
ᬦ᭄ᬭᬢᬸ᭞ᬓᬤᬶᬳ᭄ᬬᬸᬦ᭄ᬧᬤᬡ᭄ᬥᬳᬶᬲ᭄ᬢ᭄ᬭᬶ᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬲᬶᬯᬄ᭞ᬲᬫᬢ᭄ᬭᬧᬤᬡ᭄ᬥᬳᬕᬸᬂ᭞᭠ᬕᭂᬕᭂᬭᬢᬸᬢᬶᬢ᭄ᬬᬂ᭞ᬢᬶᬢ᭄ᬬᬂᬫᬢᬹᬃᬲᬸᬚᬢᬶ᭞ᬚᬢᬶᬳᬸᬦᬶᬂᬧᬓᬬᬸᬦᬦ᭄᭞ᬳᬶᬤᬳᬭᬶᬦ᭄ᬧᬤᬡ᭄ᬥᬳᬕᬸᬂ
᭟ᬯᬶᬭᬾᬄᬢᬶᬢ᭄ᬬᬂᬓᬗ᭄ᬕᬾᬳᬶᬭᬶᬓᬵᬫᬫᬋᬓᬦ᭄᭞ᬭᬳᬶᬦᬵᬯ᭄ᬗᬶᬦᬸᬳᬸᬃ᭞ᬫᬗ᭄ᬮᬶᬮᬬᬂᬲᬗ᭄ᬲᬸᬢ᭄᭞ᬢᬦ᭄ᬮ᭄ᬬᬦ᭄ᬧᬤᬡ᭄ᬥᬳᬶᬲ᭄ᬢ᭄ᬭᬶ᭞ᬗ᭄ᬕᬸᬦᬶᬢᬬᬂᬓᬫᬢ᭄ᬫᬶᬬᬦ᭄᭞ᬲᬦᬾᬲᬵᬫ᭄ᬧᬸᬦ᭄ᬫᬯᬱ᭄ᬝᬧᬸᬧᬸᬢ᭄᭚᭐
᭚ᬧᬗ᭄ᬓᬸᬃ᭚ᬤᬾᬯᬕᬸᬂᬲᭀᬓᭀᬃᬳᬶᬤᬾᬯ᭄ᬯ᭞ᬗᬦ᭄ᬤᬶᬓᬬᬂᬳᬶᬧᬸᬦ᭄ᬳᬶᬘᬶᬢᬺᬭᬰ᭄ᬫᬶ᭞ᬫ᭠ᬧᬗ᭄ᬕᬶᬄᬭᬶᬂᬢᬶᬢ᭄ᬬᬂᬭᬢᬸ᭞ᬓᬧᬶᬢ᭄ᬮᬲ᭄ᬫᬶᬤᬃᬣ᭞ᬤᬕᬶᬂᬲᬸᬓ᭄ᬱ᭄ᬫᬦ᭄᭞ᬳ᭄ᬬᬸᬦ᭄ᬘᭀᬓᭀᬃᬳᬶᬤᬾᬯ᭄ᬯᬤ᭄ᬯᬕᬸᬂ᭞ᬲᬵ᭠
ᬫ᭄ᬧᬸᬦ᭄ᬭᬶᬂᬧᬫᬦᬄᬢᬶᬢ᭄ᬬᬂ᭞ᬲᬧᬚᬃᬳᬶᬧᬸᬦᬾᬲᬫᬶ᭟ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬧᬚᬗᬂ᭞ᬩᭀ᭠ᬬᬲᬶᬯᬄᬳᬶᬭᬶᬓᬵᬭᬶᬂᬳᬶᬭᬶᬓᬶ᭞ᬭᬾᬄᬲᬵᬫ᭄ᬧᬸᬦ᭄ᬫᬕᬮᬶᬄᬓᬗ᭄ᬓᬸᬂ᭞ᬢᬸᬗ᭄ᬕᬶᬮ᭄ᬲᬫᬶᬍᬲ᭄ᬩᬸᬫ᭄ᬩᬂ᭞ᬓᬾᬦᬯᬶᬦ
[᭗᭓ 73A]
ᬦ᭄ᬕ᭄ᬦᬄᬳᬶᬧᬸᬦ᭄ᬲᬶᬗ᭄ᬲᬮ᭄ᬭᬢᬸ᭞ᬢᬦ᭄ᬯᬾᬦ᭄ᬢᭂᬦ᭄ᬢᭂᬦᬤᭀᬄᬦᬓᬾᬦᬂ᭞ᬢ᭄ᬦᬸᬂᬲᬵᬫ᭄ᬧᬸᬦ᭄ᬲᬫᬶᬤᬫ᭄ᬧᬶᬂ᭟ᬳᬭᬄᬗᭀᬩ᭄ᬭᬢᬸᬢᬶᬢ᭄ᬬᬂ᭞ᬜᬦ᭄ᬤᬂᬓᬾᬫᬦ᭄ᬳᬶᬧᬸᬦ᭄ᬳᬶᬘᬶᬢᬺᬭᬰ᭄ᬫᬶ᭞ᬳᬦᬓ᭄ᬧ᭄ᬭᬚ᭄ᬜᬦ᭄ᬫᬦᬶᬲ᭄ᬳᭂᬫ᭄ᬧᬸ᭠
ᬓ᭄᭞ᬮᬕᭂᬲ᭄ᬦᬩᬸᬄᬓᬭᬸᬦᬵ᭞ᬲᬶᬂᬓ᭄ᬫᬶᬓᬂᬳᬶᬧᬸᬦ᭄ᬢᬶᬢ᭄ᬬᬂᬢ᭄ᬓᬘᬸᬫ᭄ᬧᬸ᭞ᬓᬤᬶᬤᬸᬤᬸᬢ᭄ᬫᬦᬄᬢᬶᬢ᭄ᬬᬂ᭞ᬩᬄᬳᬧᬶᬲᬦ᭄ᬩᬦᬶᬫᬢᬶ᭟ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬫᬜ᭄ᬚᬗᬂ᭞ᬘᭂᬦ᭄ᬤᭂᬢ᭄ᬳᬢᬹᬃᬢᬶᬢ᭄ᬬᬂᬲᬓᬤᬶᬫᬗ᭄ᬓᬶᬦ᭄᭞ᬭᬶᬂᬘᭀ᭠
ᬓᭀᬃᬳᬶᬤᬾᬯ᭄ᬯᬤ᭄ᬯᬕᬸᬂ᭞ᬓ᭄ᬦᬶᬲᬵᬫ᭄ᬧᬸᬦ᭄ᬓᬩ᭄ᬬᬓ᭄ᬢᬄ᭞ᬬᬦ᭄ᬭᬶᬂᬓᬭᬲ᭄ᬢᬶᬢ᭄ᬬᬂᬫᬤᬃᬢ᭄ᬢᬬᬂᬳᬢ᭄ᬭ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᬾᬗᬶᬦ᭄ᬲᬶᬕᭂᬫᬂ᭞ᬳᬓᬾᬄᬭᬢᬸᬳᬦᬓ᭄ᬳᬸᬦᬶᬂ᭟ᬧᬸᬦᬶᬓᬶᬳᬢᬹᬭᬶᬂᬢᬶᬢ᭄ᬬᬂ᭞ᬫᬫᬋᬓᬦ᭄ᬳᬶᬧᬸ᭠
ᬦ᭄ᬳᬶᬭᬾᬓᬵᬓᬧ᭄ᬢᬶ᭞ᬧᬶᬢ᭄ᬮᬲ᭄ᬢᬶᬢ᭄ᬬᬂᬤᬾᬯᬵᬕᬸᬂ᭞ᬫᬳᬢᬹᬃᬫᬶᬤᬃᬢ᭄ᬢᬬᬂ᭞ᬳᬶᬧᬸᬦ᭄ᬳᬸᬦᬶᬂᬫᬦᬄᬢᬶᬢ᭄ᬬᬗᬾᬳᬶᬩᬸᬓ᭄᭞ᬦ᭄ᬤᬸᬮᬫᬾᬘᭀᬓᭀᬃᬳᬶᬤᬾᬯ᭄ᬯᬵ᭞ᬧ᭄ᬢᭂᬂᬍᬫᬄᬫᬗᬫᬶᬓ᭄ᬫᬶᬓ᭄᭟ᬳᬶᬭᬾᬓᬓᬵ
Kaca:Bali-lontar-gaguritan-maselong-ka-jembrana-350ppi.pdf/73
Kaca puniki sampun kauji-wacén
