Kaca:Bali-lontar-gaguritan-maselong-ka-jembrana-350ppi.pdf/72

Saking Wikisource
Kaca puniki sampun kauji-wacén

[᭗᭑ 71B]
᭗᭑
ᬓᬸᬢᬗᬦ᭄᭞ᬦ᭄ᬤᬾᬯᬾᬓ᭄ᬧᬶᬲᬦ᭄‌ᬮᬫᬸᬦ᭄ᬢᭀᬳᬤᬜᬶᬜᬶᬓ᭄᭞ᬓᬮᬶᬗ᭄ᬓᬾᬲ᭄ᬫᬸᬢ᭄ᬳᬳᬸᬓᬸᬤ᭄᭞ᬢᭀᬗᭀᬲ᭄ᬧᬶᬗᬶᬢ᭄ᬳᬸᬢᬫ᭞ᬢ᭄ᬯᬭᬢᬳᬾᬦ᭄ᬓᬭᬭᬩᬦ᭄ᬩᬳᬦ᭄ᬮᭂᬢᬸᬄ᭞ᬲᬓᬮ᭄ᬯᬶᬭᬶᬂᬭᬚᬵᬗ᭄ᬕᬫ᭄ᬫ᭞ᬢᬦ᭄ᬯᭂ
ᬦᬂᬓ᭄ᬫᬵᬗᭂᬦ᭄ᬢᬲᬶᬦ᭄᭟ᬲᬹᬃᬬ᭄ᬬᬘᬦ᭄ᬤ᭄ᬭᬦᬸᬩ᭄ᬢᬾᬦᬦ᭄᭞ᬢ᭄ᬯᬭᬬᭀᬕ᭄ᬬᬓᬲᬫ᭄ᬧᭂᬳᬦ᭄ᬩᬦ᭄ᬳᬗᬶᬦ᭄᭞ᬲᬸᬓᬵᬤᬸᬄᬓᬵᬲᬵᬫ᭄ᬧᬸᬦ᭄ᬮᬸᬧᬸᬢ᭄᭞ᬲᬮ᭄ᬯᬶᬭᬶᬂᬫᬓᬾᬥᭂᬧᬦ᭄᭞ᬲᬓᬾᬯᬦ᭄ᬢᭂᬦ᭄ᬳᬶᬤᬵᬲᬂᬳ᭄ᬬᬂᬢᬬᬭᬢᬸ᭞ᬲ
ᬦᬾᬧᬘᬂᬳᬶᬭᬶᬂᬢᬶᬢ᭄ᬬᬂ᭞ᬲᬧᬭᬦ᭄ᬧᬭᬦᬶᬂᬤᬤᬶ᭟ᬫᬓᬤᬶᬜᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬧᬭᬕᬬᬦ᭄ᬕᬸᬫᬶᬦᬾᬢᬦ᭄ᬧᬕᬸᬫᬶ᭞ᬳ᭄ᬬᬂᬦᬶᬮᬓ᭄ᬮᬶᬃᬢᬦ᭄ᬲᬸᬭᬸᬤ᭄᭞ᬲᬦᬾᬳᬸᬢ᭄ᬧ᭄ᬭᬶᬦ᭄ᬢᬶᬢ᭄ᬬᬂ᭞ᬬᬦ᭄ᬲᬶᬤᬦᭂᬦ᭄ᬧᬢᬶᬢᬶ
ᬲ᭄ᬢᬶᬢ᭄ᬬᬗᬾᬭᬢᬸ᭞ᬫᬗ᭄ᬤᬾᬲᬵᬫ᭄ᬧᬸᬦ᭄ᬧᬶᬲᬦ᭄ᬲᬶᬯᬄ᭞ᬭᬶᬧᬳᭂᬢ᭄ᬦᬶᬂᬯᬶᬦ᭄ᬥᬸᬚᬢᬶ᭟ᬬᬦ᭄ᬧᬗᬧ᭄ᬢᬶᬦ᭄ᬫᬦᬄᬢᬶᬢ᭄ᬬᬂ᭞ᬦᭀᬭᬮ᭄ᬬᬦ᭄ᬘᭀᬓᭀᬃᬳᬶᬤᬾᬯ᭄ᬯᬯ᭄ᬬᬓ᭄ᬢᬶ᭞ᬧᬘᬂᬳᬶᬭᬶᬂᬢᬶᬢ᭄ᬬᬂᬭᬢᬸ᭞ᬭᬶᬂᬰᬹᬦ᭄ᬬ
[᭗᭒ 72A]
ᬢᬶᬦᬶᬃᬩ᭄ᬪᬦᬵ᭞ᬫᬹᬃᬘᬾᬢᬦᬦᭀᬭᬧᬭᬦ᭄ᬲᬗ᭄ᬓᬦ᭄ᬢᭂᬫᬸ᭞ᬳᬧᬂᬲᬳᬾᬓᬵᬲᬢᬢᬵ᭞ᬲᬲᭀᬯᬄᬲᭀᬯᬄᬓᬤᬤᬶᬦ᭄᭚᭜᭚ᬤ᭄ᬫᬸᬂ᭚ᬳᬶᬘᬶᬢᬺᬭᬰ᭄ᬫᬶᬧᬸᬦᬶᬓᬶᬯᬲ᭄ᬢᬦ᭄ᬢᬶᬢ᭄ᬬᬂ᭞ᬢᬶ
ᬢ᭄ᬬᬂᬲᬤ᭄ᬬᬓᬳᬸᬢᬸᬲ᭄᭞ᬫᬗᬢᬹᬭᬂᬓᬶᬥᬸᬂ᭞ᬧᬋᬓ᭄ᬭᬶᬂᬧᬤᬡ᭄ᬥᬳᬶᬲ᭄ᬢ᭄ᬭᬶ᭞ᬦᬸᬦᬲ᭄ᬕᬸᬂᬳᬫ᭄ᬧᬸᬭᬵ᭞ᬳᬦ᭄ᬢᬸᬓ᭄ᬱᬾᬧ᭄ᬫᬍᬲ᭄ᬳᬢᬹᬃ᭞ᬳᬶᬤᬵᬭᬶᬦ᭄ᬧᬤᬡ᭄ᬥ᭞ᬫᬯᬶᬦᬦ᭄ᬭᬯᬸᬄᬫᬮᬶᬄ᭞ᬧᬗ᭄ᬮᬸᬯᭂᬤ᭄ᬲᬸᬭᬵᬢ᭄ᬧᬤ
ᬡ᭄ᬥ᭞ᬬᬦᬶᬂᬲᬵᬫ᭄ᬧᬸᬦ᭄ᬭᬯᬸᬄᬢᬦ᭄ᬭᬯᬸᬄ᭟ᬳᬦ᭄ᬢᬸᬓ᭄ᬓᬤᭀᬳᬦᬵᬕᬭᬶᬓᬮᬶᬄᬦᬾᬦ᭄ᬢᭂᬦ᭄᭟᭠ᬯᬾᬦ᭄ᬢᭂᬦ᭄ᬧᭂᬦ᭄ᬢᬲᬦ᭄ᬮᭂᬕᬸ᭞ᬫᬳᬯᬶᬦᬦ᭄ᬤᬸᬭᬸᬂ᭞ᬓᬢᬹᬃᬧᬫᬍᬲ᭄ᬫᬭᬶᬓᬶ᭞ᬫᬳᬯᬶᬦᬦ᭄ᬢᬶᬢ᭄ᬬᬂ᭞ᬫᬫᬋᬓ᭄ᬧᬤ
ᬡ᭄ᬥᬳᬕᬸᬂ᭞ᬦᬸᬦᬲ᭄ᬕᬸᬂᬳᬫ᭄ᬧᬸᬭᬵ᭞ᬫᬗ᭄ᬤᬧᬶᬢ᭄ᬳᭂᬃᬳᬾᬮᬶᬂ᭞ᬭᬢᬸᬲᬳᬶᬱ᭄ᬡᬸᬯᬂᬧᬶᬲᬦ᭄᭞ᬲᬵᬫ᭄ᬧᬸᬦ᭄ᬮᬮᬶᬧᬤᬡ᭄ᬥᬳᬕᬸᬂ᭟ᬬᬤᬶᬦ᭄ᬳᬤᭀᬄᬮᬶᬗ᭄ᬕᬶᬄᬳᬶᬤᬵᬭᬶᬦ᭄ᬧᬤᬡ᭄ᬥ᭞ᬫᬲ᭄ᬮᬢ᭄ᬳᬮᬲ᭄ᬕᬸᬦᬸᬂ᭞ᬫᬗ᭄ᬕᭂᬄᬧᬶᬲ