[᭗᭐ 70B]
᭗᭐
᭞ᬭᬢᬸᬩᭀᬬᬜᬶᬤ᭄ᬥᬬᬂ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬢᬸᬯ᭄ᬯᬮᬸᬤᬶᬦ᭄ᬩᬶᬗᬸᬂ᭞ᬢᬦ᭄ᬯᬾᬦ᭄ᬢᭂᬦ᭄ᬮᬶᬂᬍᬗ᭄ᬓᬭ᭞ᬮᬫᬹᬃᬢ᭄ᬯᬭᬵᬗᭂᬦᭀᬢ᭄ᬦᬸᬮᬶᬲ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬫᬗᬶᬦ᭄ᬤᬬᬂ᭞ᬲᬓᬾᬯᬦ᭄ᬢᭂᬦ᭄ᬫ᭄ᬭᬲᬶᬤ᭄ᬥᬬᬂᬫᬗᬶᬭᬶᬂ
᭞ᬲᬵᬫ᭄ᬧᬸᬦ᭄ᬫᬗᬶᬘᬳᬶᬦ᭄ᬭᬢᬸ᭞ᬧᬸᬧᬸᬄᬫᬤᬸᬓᬤᬸᬓᬦ᭄᭞ᬳᬦ᭄ᬢᬸᬓ᭄ᬮᬫᬶᬢᬶᬢ᭄ᬬᬂᬫᬭᬵᬃᬬ᭄ᬬᬦ᭄ᬤᬾᬯᬕᬸᬂ᭞ᬳᬸᬲᬦ᭄ᬫᬳᬯᬶᬬᬦ᭄᭞ᬲᬶᬭᬵᬚᬩᬓᬮ᭄ᬳᭂᬗ᭄ᬓᭀᬓᬶᬦ᭄᭟ᬦᬳᭂᬦ᭄ᬢᬶᬢ᭄ᬬᬂᬫᬗᬶᬦ᭄ᬤᬬᬂ᭞ᬭᬸᬧᬯᬾ
ᬦ᭄ᬢᭂᬦ᭄ᬯᬳᬸᬮᬶᬫᭀᬮᬰ᭄ᬘᬭᬶᬓ᭄᭞ᬕ᭄ᬮᬶᬲᬦ᭄ᬓᬾᬗᬶᬦ᭄ᬫᬓᬼᬢᬸᬕ᭄᭞ᬫᬦᬄᬢᬶᬢ᭄ᬬᬗᬾᬭᬸᬲᬓ᭄᭞ᬳᬾᬮᬶᬂᬢᬶᬢ᭄ᬬᬂᬭᬶᬂᬘᭀᬓᭀᬃᬳᬶᬤᬾᬯ᭄ᬯᬤᬸᬫᬸᬦ᭄᭞ᬕ᭄ᬦᬄᬢᬶᬢ᭄ᬬᬂᬫᬗᬢᬹᬭᬵᬂ᭞ᬧᬓᬃᬬ᭄ᬬᬦ᭄ᬢᬶᬢ᭄ᬬᬗᬾᬗᬯᬶ
᭟ᬧᬸᬦᬶᬓᬵᬳᬯᬶᬦᬦ᭄ᬢᬶᬢ᭄ᬬᬂ᭞ᬓᬧᭀᬓ᭄ᬧᬶᬲᬦ᭄ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬫᬮᬶᬄ᭞ᬢᬶᬢ᭄ᬬᬂᬗᬸᬤᬵ᭠ᬦᬸᬦ᭄ᬤᬸᬦ᭄ᬳᬶᬩᬸᬓ᭄᭞ᬗᬃᬬ᭄ᬬᬤᬾᬯᬾᬓ᭄ᬤᬸᬄᬓᬶᬢᬵ᭞ᬳᬭᬄᬦᬧᬶᬳᬸᬢᬂᬢᬶᬢ᭄ᬬᬗᬾᬤᬾᬕᬸᬂ᭞ᬭᬶᬳᬶᬦ᭄ᬭᬶᬂ
[᭗᭑ 71A]
ᬘᭀᬓᭀᬃᬳᬶᬤᬾᬯ᭄ᬯ᭞ᬫᬳᬯᬶᬦᬦ᭄ᬓᬤᬶᬫᬗ᭄ᬓᬶᬦ᭄᭟ᬢᬦ᭄ᬯᬾᬦ᭄ᬢᭂᬦ᭄ᬓᬾᬗᬶᬦ᭄ᬧᬲᬳᬂ᭞ᬫᬦᬄᬢᬶᬢ᭄ᬬᬂᬲᬤᬶᬦᬵᬤᬶᬦᬵᬲ᭄ᬤᬶᬄ᭞ᬬᬾᬦ᭄ᬯᬶᬮᬕ᭄ᬭᬗ᭄ᬓᬸᬂᬧᬶᬂᬲᬢᬸᬲ᭄᭞ᬢᭀᬬᬦ᭄ᬫᬢᬦᬾᬫ᭄ᬤᬮ᭄᭞ᬢᬓᭂᬄᬢᬶᬢ᭄ᬬᬂ
ᬘᭀᬓᭀᬃᬳᬶᬤᬾᬯ᭄ᬯᬤᬾᬯᬕᬸᬂ᭞ᬢ᭄ᬥᬲ᭄ᬢᭀᬂᬦᬸᬕᬲᬸᬫᭂᬗ᭄ᬓᬵ᭞ᬭᬶᬂᬢᬶᬢ᭄ᬬᬂᬗᬗ᭄ᬓᭂᬦ᭄ᬲᬸᬩᬓ᭄ᬢᬶ᭟ᬳᬦ᭄ᬢᬸᬓᬾᬢᬦ᭄ᬧᬳᬓ᭄ᬱᬡ᭞ᬲᬓᬾᬯᬦ᭄ᬢᭂᬦ᭄ᬫᬦᬄᬲᬶᬭᬵᬚᬳᬸᬦᬶᬂ᭞ᬦᬗᬶᬂᬢᬾᬢᬶᬢ᭄ᬬᬤᬾᬯᬵᬕᬸᬂ᭞
ᬦᬾᬦ᭄ᬢᭂᬦ᭄ᬜᬓ᭄ᬫᬵᬢᬹᬃᬩᭀᬩᬤ᭄᭞ᬢᬶᬢ᭄ᬬᬂᬗᬸᬤᬤ᭄ᬫᭂᬦ᭄ᬗᬾᬮᭀᬕ᭄ᬗᬸᬢᬂᬢᬸᬬᬸᬄ᭞ᬩ᭄ᬓᭂᬮ᭄ᬳ᭠ᬘᬸᬮᬂᬳᭂᬦ᭄ᬢᬸᬗᬂ᭞ᬢᭀᬳᬧᬵᬲᭂᬳᭂᬤᬂᬩᬸᬯᬶᬦ᭄᭟ᬲᬧᬸᬦᬶᬓᬵᬧᬶᬲᬦ᭄ᬧᬶᬲᬦ᭄᭞ᬫᬦᬄᬢᬶᬢ᭄ᬬᬂᬤᬸᬫᬤ
ᬓ᭄ᬲ᭄ᬯᬾᬘ᭄ᬙᬵᬯᬶᬥᬶ᭞ᬫᬗ᭄ᬤᬾᬫᬗ᭄ᬕᭂᬄᬓᬦ᭄ᬢᭀᬲ᭄ᬧᬸᬗ᭄ᬓᬸᬃ᭞ᬧᬘᬂᬲᬗᬸᬯᬂᬢᬶᬢ᭄ᬬᬂ᭞ᬦᬶᬗ᭄ᬕᬮ᭄ᬤᬾᬰ᭞ᬫᬶᬲᬤ᭄ᬬᬫᬗᬸᬗ᭄ᬲᬶᬲᬸᬳᬸᬂ᭞ᬧᬤᬶᬤᬶᬢᬦ᭄ᬧᬳᬚᬓᬦ᭄᭞ᬢᭀᬂᬳᬤᬵᬩ᭄ᬭᬬᬫ᭄ᬩᬋᬗᬶᬦ᭄᭟ᬳᬶᬤᭂᬧ᭄ᬥᬤᬶᬓ᭠
Kaca:Bali-lontar-gaguritan-maselong-ka-jembrana-350ppi.pdf/71
Kaca puniki sampun kauji-wacén
