[᭖᭙ 69B]
᭖᭙
ᬳᬾᬤᬶᬧᬫᭂᬗ᭄ᬓᬂᬦᬾᬭᬶᬳᬶᬦ᭄᭞ᬫᬗ᭄ᬭᬯᭀᬲᬳᬚᬓ᭄ᬢᬢ᭄ᬮᬸ᭞ᬧᬤ᭄ᬥᬢ᭄ᬯᬭᬵᬓᬸᬮᬶᬢᬦ᭄᭞ᬦᬶᬓᬵᬲᬶᬭᬵᬓᬤᬾᬦ᭄ᬩᬓᬮ᭄ᬗᬸᬮᬸᬓᬸᬮᬸᬓ᭄᭞ᬢᬶᬢ᭄ᬬᬂᬗᬸᬤᬵᬤ᭄ᬫᭂᬦ᭄ᬩᭀᬩᬤ᭄᭞ᬢ᭄ᬯᬭᬢᬶᬦ᭄ᬤᬶᬄᬢ᭄ᬓᬾᬦ᭄ᬫᬸᬜᬶ᭟ᬲᬵ
ᬫ᭄ᬧᬸᬦ᭄ᬭᬢᬸᬲᬸᬫᬗ᭄ᬰᬬ᭞ᬧᬶᬢ᭄ᬳᭂᬭᬂᬓᬬᬸᬦᬾᬓᬤᬶᬭᬶᬳᬶᬦ᭄᭞ᬦᬾᬦ᭄ᬢᭂᬦ᭄ᬢᬶᬢ᭄ᬬᬂᬲᬓᬾᬗᬧᬸᬲ᭄᭞ᬫᬶᬦ᭄ᬤ᭄ᬭᬶᬳᬂᬭᬚᬵᬩ᭄ᬭᬡᬵ᭞ᬳᬭᬄᬦᬧᬶᬓᬾᬦ᭄ᬢᭂᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬢᬹᬃ᭞ᬳᬧᬦᬶᬂᬢ᭄ᬯᬭᬫᬕᭀᬜ᭞ᬓ᭄ᬦᭂ
ᬳᬾᬜᬾᬦ᭄ᬗᭂᬦᭀᬢ᭄ᬫᬸᬜᬶ᭟ᬯᬭᬄᬧᬯᬓᬦ᭄ᬳᬸᬢ᭄ᬢᬫᬵ᭞ᬲᬦᬾᬢ᭄ᬯᬭᬫᬲᬲ᭄ᬢ᭄ᬭᬫᬸᬮᬵᬍᬯᬶᬄ᭞᭠ᬲᬗ᭄ᬓᬦ᭄ᬲᬳᬶᬚᭂᬗ᭄ᬓᬚᭂᬗ᭄ᬓᬸ᭞ᬓᬕ᭄ᬭᬶᬬᬵᬫᬜᬸᬭᬸᬤᬂ᭞ᬳᬧᬦ᭄ᬳᬭᬂᬦᬾᬩᬶᬱᬦᬸᬦᬲᬂᬲᬸᬳᬸᬂ᭞ᬳᬧᬶᬮᬶᬳᬵᬚᬸ
ᬕᬲᬂᬳ᭄ᬬᬂ᭞ᬬᬾᬦ᭄ᬢ᭄ᬯᬭᬵᬳᬤᬵᬗᭀᬃᬢᬳᬶᬦ᭄᭚᭜᭚ᬤᬹᬃᬫ᭄ᬫᬵ᭚ᬫᬳᬯᬶᬦᬦ᭄ᬢᬶᬢ᭄ᬬᬂᬧᬸᬭᬸᬦ᭄ᬫᬗᬶᬦᬾᬓᬂ᭞ᬫᬵᬢᬹᬃᬫᬸᬗ᭄ᬕ᭄ᬯᬶᬂᬋᬋᬧᬶ᭞ᬯᬶᬭᬾᬄᬓᬭᬶᬧᬶᬲᬦ᭄᭞ᬫᬗ᭄ᬕᭂᬄᬓᬬᬸᬦ᭄ᬧᬤᬡ᭄ᬥ᭞᭠
[᭗᭐ 70A]
ᬭᬶᬂᬢᬶᬢ᭄ᬬᬂᬓᬤᬶᬦᬾᬭᬶᬳᬶᬦ᭄᭞ᬢᬺᬱ᭄ᬡᬵᬜᬬᬗᬂ᭞ᬫᬓᬤᬶᬗᬶᬬᬰᬳᬶᬦ᭄᭟ᬮᬶᬦ᭄ᬢᬂᬲᬹ᭠ᬓ᭄ᬱ᭄ᬫᬵᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬲ᭄ᬯᬾᬘᬦ᭄ᬧᬤᬡ᭄ᬥᬳᬶᬲ᭄ᬢ᭄ᬭᬶ᭞ᬭᬗ᭄ᬓᬸᬂᬭᬶᬂᬳᬮᬓ᭄ᬱ᭞ᬢᬶᬢ᭄ᬬᬂᬓᬶᬭᬗᬦ᭄ᬯ᭠
ᬥᬄ᭞ᬗᭂᬩᭂᬓ᭄ᬱᬓ=ᬳᬧᬺᬣᬶᬯᬶ᭞ᬓᭂᬭᬸᬲ᭄ᬓᬚᬚᬄ᭞ᬗᬸᬍᬂᬓᬚ᭄ᬭᭀᬦᬶᬂᬲ᭄ᬧᬶ᭟ᬦᬾᬦ᭄ᬢᭂᬦ᭄ᬯᬾᬦ᭄ᬢᭂ᭠ᬦ᭄ᬫᬦᬄᬢᬶᬢ᭄ᬬᬂᬲᬸᬫᬗ᭄ᬲᬬ᭞ᬢᬦ᭄ᬯᬾᬦ᭄ᬢᭂᬦ᭄ᬫᬫᬶᬲᬶᬗ᭄ᬕᬶᬄ᭞ᬯᬘᬦᬦ᭄ᬧᬤ᭄ᬡ᭄ᬥ᭞ᬳᬧᬦ᭄ᬳᬦᬓ᭄ᬯᬶᬤᬕ᭄ᬥᬵ᭞ᬧ᭄ᬭ
ᬜᬶᬸᬚ᭄ᬜᬦ᭄ᬧ᭄ᬭᬢᬫᬾᬂᬲᬲ᭄ᬢ᭄ᬭᬚᬶ᭞ᬮᬸᬧᬸᬢᬶᬂᬳᬦ᭄ᬤ᭞ᬩ᭄ᬬᬰᬗᬲᬢᬂᬧᬰᬶᬄ᭟ᬲᬳᬶᬱ᭄ᬡᬸᬯᬂᬳᬢᬹᬃᬢᬶᬢ᭄ᬬᬂᬳᬶᬓᬢᬸᬦᬦ᭄᭞ᬮ᭄ᬯᬶᬃᬘᬩᭀᬮ᭄ᬦᬸᬗ᭄ᬓᬧ᭄ᬮᬗᬶᬢ᭄᭞ᬫᬵᬢᬹᬃᬭᬶᬂᬧᬤᬡ᭄ᬥ᭞ᬓᬾᬯᬦ᭄ᬢᭂᬦ᭄ᬗᬤᬸᬢᬩᬄ᭞ᬓ
ᬩᬢᭂᬓ᭄ᬧᬶᬢᬺᬱ᭄ᬡᬵᬳᬰᬶᬄ᭞ᬯᬶᬭᬾᬄᬲᬫ᭄ᬢᭀᬦ᭄ᬤᬶᬥᬃᬫ᭄ᬫᬲᬬᬂᬕᬢᬶ᭚᭜᭚ᬧᬗ᭄ᬓᬸᬃ᭚ᬤᬾᬯᬕᬸᬂᬘᭀᬓᭀᬃᬳᬶᬤᬾᬯ᭄ᬯ᭞ᬧᬭᬶᬓ᭄ᬤᭂᬄᬫᬗᬃᬬᬂᬧᬗᬯᬶ᭞ᬚᬕᬶᬧᬜᬮᬶᬫᬹᬃᬲᬸᬗ᭄ᬲᬸᬢ᭄
Kaca:Bali-lontar-gaguritan-maselong-ka-jembrana-350ppi.pdf/70
Kaca puniki sampun kauji-wacén
