[᭖᭔ 64B]
᭖᭔
ᬦᬵ᭞ᬧᬶᬮᬶᬳᬦᬧᬸᬦᬂᬳᬯᬦ᭄ᬓᬂᬤᬾᬦ᭄ᬢᬶᬦᬹᬢ᭄᭞ᬧᬦᬓᬾᬳᬶᬓᬂᬤᬤᬮᬦ᭄᭞ᬳᬲᬶᬂᬓᬲᬶᬗᬶᬢᬶᬂᬳᬢᬶ᭟ᬬᬦ᭄ᬢᬸᬢᬹᬢ᭄ᬫᬓᬤᬤᬮᬦ᭄᭞ᬫᬃᬕ᭄ᬕᬾᬂᬧᬢᬶᬄᬲᬸᬩᬕᬵᬫᬗ᭄ᬓᬸᬩᬸᬫᬶ᭞ᬮ᭄ᬯᬶᬄᬲᬸᬓᬵᬓᬸᬭᬂᬗ᭄ᬕᬸ᭠
ᬬᬸᬂ᭞ᬢᬦ᭄ᬳᬗ᭄ᬭᬱᬦᬶᬤᬸᬳ᭄ᬓ᭞ᬭᬶᬂᬦᬰᬶᬓᬵᬳᬯᬦᬦᬶᬂᬧᬫᭂᬲᬢ᭄ᬭᬢᬸ᭞ᬲᬸᬓᬵᬢᬦ᭄ᬧᬩᬮᬶᬓ᭄ᬤᬸᬄᬓ᭞ᬦᭀᬭᬓᬸᬭᬂᬭᬚᬵᬧᬾᬦᬶ᭟ᬬᬦ᭄ᬧᬫᭂᬲᬢᬶᬂᬲᬥᬓᬵ᭞ᬢᬦ᭄ᬧᬳᬯᬦ᭄ᬫᬸᬓ᭄ᬱᬭᬶᬚ᭄ᬭᭀ
ᬦᬶᬂᬲ᭄ᬧᬶ᭞ᬦᭀᬭᬦᬵᬭᬱᬓᬳᬶᬢᬸᬂ᭞ᬲᬮ᭄ᬯᬶᬭᬶᬂᬫᬓᬾᬥᭂᬧᬦ᭄᭞ᬮᬸᬧᬸᬢ᭄ᬤᬸᬄᬓᬵᬦᭀᬭᬵᬦᬲᬸᬓᬵᬓᬢ᭄ᬫᬸ᭞ᬧᬦ᭄ᬲᬵᬫ᭄ᬧᬸᬦ᭄ᬍᬧᬲᬶᬂᬳᬦ᭄ᬤᬵ᭞ᬢᬦ᭄ᬧᬗ᭄ᬭᬱᬵᬭᬶᬂᬧᬦᬲ᭄ᬢᬶᬲ᭄᭟ᬢᬦ᭄ᬓᬳᭂᬩᬦᬶᬂᬳ
ᬓᬱᬵ᭞ᬲᬹᬃᬬ᭄ᬬᬘᬦ᭄ᬤ᭄ᬭᬵᬮᬶᬦ᭄ᬢᬂᬢ᭄ᬭᬗ᭄ᬕᬦᬲᬫᬶ᭞ᬧᬦ᭄ᬲᬵᬫ᭄ᬧᬸᬦ᭄ᬮᬸᬧᬸᬢ᭄ᬯᬶᬦᬸᬯᬸᬲ᭄᭞ᬧᬯᬓᬶᬂᬳᬦᬦᭀᬭ᭞ᬦ᭄ᬤᬶᬧ᭄ᬭᬦᬄᬦ᭄ᬬᬢᬦ᭄ᬧᬭᬾᬓᬢᬦ᭄ᬧᬯᬲ᭄ᬢᬸ᭞ᬓᬾᬗᭂᬢᬦ᭄ᬦᬵᬧᬸᬦᬶᬓᬵ᭞ᬭᬶᬋᬃᬤᬬᬲ᭠
[᭖᭕ 65A]
ᬭᬶᬲᬭᬶ᭟ᬢᬦᬤᭀᬄᬳᬶᬗᬭᬦ᭄ᬲᬹᬦ᭄ᬬ᭞ᬢᬦᬶᬗᬹᬃᬤ᭄ᬥᬢᬦᬶᬂᬲᭀᬃᬦᭀᬭᬧᬶᬗ᭄ᬕᬶᬃ᭞ᬭᬶᬂᬫ᭠ᬥ᭄ᬬᬢᬦᬦᬵᬳᬶᬓᬹ᭞ᬮᬳᬸᬮᬶᬓᭂᬦ᭄ᬧᬸᬦᬶᬓᬵ᭞ᬬᬾᬦᭀᬭᬯ᭄ᬭᬸᬄᬭᬶᬳᬸᬗ᭄ᬕ᭄ᬯᬦᭀᬭᬦᬾᬳᬶᬓᬸ᭞ᬦᬶᬃ
ᬤᭀᬦ᭄ᬓᬂᬓᬃᬬ᭄ᬬᬧᬸᬦᬶᬓᬵ᭞ᬢᬦ᭄ᬲᬶᬤ᭄ᬥᬳᬦ᭄ᬫᬸᬍᬯᬶᬄ᭚᭜᭚ᬲᬶᬦᭀᬫ᭄᭚ᬳᬳᬸᬫᬦᬾᬓᬂᬓᬧᬸᬚ᭄ᬬ᭞ᬧᬦ᭄ᬳ᭄ᬬᬲᬗ᭄ᬓᬦᬶᬂᬤᬤᬶ᭞ᬲᬤ᭄ᬬᭀᬢ᭄ᬓ᭄ᬭᬦ᭄ᬢᬶᬓᬂᬳᬶᬦᬸᬘᬧ᭄᭞ᬮ᭄ᬯᬶᬃᬫᬵᬃᬕ᭄ᬕᬦᬶᬂᬓ᭠
ᬧᬢᬶᬦ᭄᭞ᬲᬗ᭄ᬳᬸᬮᬸᬓᭀᬭᬧᬶᬦ᭄ᬭᬶᬄ᭞ᬢᬦᬦᬵᬓᬢᬸᬚ᭄ᬯᬶᬂᬢᬦᬸ᭞ᬤᬾᬦᬾᬧᬲᬗ᭄ᬓᬦ᭄ᬧᬭᬦ᭄᭞ᬢᬦᬸᬦ᭄ᬢᬸᬫᬸᬢ᭄ᬳᬶᬓᬂᬕᬸᬲ᭄ᬢᬶ᭞ᬳᬧᬦ᭄ᬳᬮᬵᬳᬬᬸᬢᬦ᭄ᬯᭂᬦᬂᬯᬶᬬᭀᬕ᭄ᬕᬵ᭚᭜᭚ᬧᬗ᭄ᬓᬸᬃ᭚
ᬤᬾᬯ᭄ᬯᬵᬲᬂᬓᬢ᭄ᬯᬗᬶᬂᬭᬭᬲ᭄᭞ᬲᬂᬳ᭄ᬬᬂᬦᬶᬂᬳ᭄ᬬᬂᬳᬃᬡ᭄ᬡ᭄ᬦᬯᬫᬥᬸᬕᭂᬦ᭄ᬤᬶᬲ᭄᭞ᬧᬲᬜ᭄ᬘᬬᬦᬶᬂᬓᬸᬮᬗᬸᬦ᭄᭞ᬭᬶᬩᬱᬦ᭄ᬢᬳᬫᬶᬦ᭄ᬤᬵ᭞ᬭᬸᬫᬶᬭᬲᬂᬤᬾᬯᬦᬶᬂᬫᬲᬾᬂᬓᬘᬢᬹᬃ᭞ᬭᬰ᭄ᬫᬶᬭᬰ᭄ᬫᬶᬦᬶᬂᬯᬤᬦᬵ᭞ᬳ᭠
Kaca:Bali-lontar-gaguritan-maselong-ka-jembrana-350ppi.pdf/65
Kaca puniki sampun kauji-wacén
