Kaca:Bali-lontar-gaguritan-maselong-ka-jembrana-350ppi.pdf/60

[᭕᭙ 59B]
᭕᭙
ᬦᬲᬂ᭞ᬧᬫᭂᬲᬢ᭄ᬳᬸᬢ᭄ᬢᬫᬵᬧᬶᬗᬶᬢ᭄᭞ᬲᬥᬫ᭄ᬧᬢᬶᬕ᭄ᬦᬄᬢᬶᬢ᭄ᬬᬂᬫᬜᬸᬭᬸᬤ᭄ᬥᬂ᭚᭜᭚ᬧᬗ᭄ᬓᬸᬃ᭚ᬫᬾᬄᬭᬢᬸᬳᬢ᭄ᬫᬵᬚᬶᬯᬶᬢᬵ᭞ᬗ᭄ᬕᬶᬄᬧᬶᬋᬗᬵᬂᬳᬢᬹᬃᬢᬶᬢ᭄ᬬᬗᬾᬧᬸᬦᬶᬓᬶ᭞ᬲᬦᬾᬳᬸᬫᬸ
ᬗ᭄ᬕᬸᬄᬭᬶᬂᬓᬶᬤᬸᬂ᭞ᬭᬢᬸᬳᬢᬸᬭᬂᬢᬶᬢ᭄ᬬᬂ᭞ᬳᬤᭀᬄᬧᬶᬲᬦ᭄ᬫᬦᬄᬢᬶᬢ᭄ᬬᬗᬾᬤᬾᬯᬕᬸᬂ᭞ᬧᬕᬸᬶᬘᬂ᭞ᬫᬵᬢᬹᬃᬮᬮᭀᬫ᭄ᬧᬗᬦ᭄᭞ᬭᬶᬂᬘᭀᬓᭀᬃᬳᬶᬤᬾᬯ᭄ᬯᬵᬫᬗ᭄ᬓᬶᬦ᭄᭟ᬬᬦ᭄ᬢᬦ᭄ᬲᭂᬗ᭄ᬓᬧᬓᬬᬸᬦ
ᬦ᭄᭞ᬢ᭄ᬦᬸᬂᬢᬫ᭄ᬧᭂᬓ᭄ᬦᬾᬦ᭄ᬢᭂᬦ᭄ᬜᬦ᭄ᬤᬂᬩᭀᬬᬳᬶᬦ᭄᭞ᬭᬶᬂᬳᬸᬮᬸᬦᬗᭂᬦᬾᬭᬢᬸ᭞ᬳᬶᬭᬶᬓᬵ᭠ᬧᬶᬢᭂᬢᭂᬲᬂ᭞ᬩᭀᬬᬦᬸᬕᬶᬧᬸᬦᬧᬶᬲᬶᬯᬄᬤᬾᬯᬕᬸᬂ᭞ᬧᬲᬂᬲᬸᬭᬸᬤ᭄ᬳᬶᬧᬸᬦ᭄ᬢᬸᬗ᭄ᬕᬮ᭄᭞ᬲᬵᬫ᭄ᬧᬸᬦ᭄ᬓ᭠
ᬢᬸᬥᬸᬄᬩᬦ᭄ᬳᬗᬶᬦ᭄᭟ᬬᬦ᭄ᬫᬸᬗ᭄ᬕ᭄ᬯᬶᬂᬧᬦᬓᭂᬄᬢᬶᬢ᭄ᬬᬂ᭞ᬦᬾᬦ᭄ᬢᭂᬦ᭄ᬩᬶᬦᬵᬳᬶᬤᬸᬧᬾᬢ᭄ᬓᬾᬦ᭄ᬫᬢᬶ᭞᭠ᬫᬳᬯᬶᬦᬦ᭄ᬓᬾᬗᬶᬦ᭄ᬢᬸᬧ᭄ᬢᬸᬧ᭄᭞ᬗ᭄ᬕᬳᬾᬧᬶᬢᬺᬳᬤᬜ᭞ᬬᬦ᭄ᬢᬦ᭄ᬲᬵᬫ᭄ᬧᬸᬦ᭄ᬧᬜ᭄ᬘᬢᬦ᭄ᬫᬢ᭄ᬭᬦᬾ
[᭖᭐ 60A]
ᬕᬧᬸᬮ᭄᭞ᬩᭀᬬᬦᬸᬕᬶᬫᬜᬶᬤ᭄ᬥᬬᬂ᭞ᬳᭂᬦ᭄ᬢᬲᬦᬾᬓᬳᬚᭂᬗᬶᬦ᭄᭚᭜᭚ᬕᬶᬦᬦ᭄ᬢᬶᬳᬗ᭄ᬕᬾᬦ᭄ᬫᬦᭂᬫ᭄ᬩᬸᬂ᭞ᬳᬢᬹᬃᬢᬶᬢ᭄ᬬᬗᬾᬓᬲ᭄ᬬᬰᬶᬄ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬗᬸᬦᬶᬗᬬᬂ᭞ᬳᬢᬸᬭᬶᬂ
ᬧᬤᬡ᭄ᬥᬳᬶᬲ᭄ᬢ᭄ᬭᬶ᭞ᬢᬶᬢ᭄ᬬᬂᬓᬶᬘᬾᬦ᭄ᬯᬲ᭄ᬢ᭄ᬭᬲᬸᬢᬺ᭞ᬫᬤᬸᬮᬸᬃᬓᬶᬤᬸᬂᬧᬗᬯᬶ᭟ᬫᬾᬢᬢᬸᬧᬤᬦ᭄ᬤᬵᬳᬕᬸᬂ᭞ᬮᬶᬦ᭄ᬢᬂᬓᬲᬸᬓ᭄ᬱ᭄ᬫᬲᬫᬶ᭞ᬤᬕᬶᬂᬯᬘᬦᬦ᭄ᬧᬤᬡ᭄ᬥ᭞ᬤᭀᬄᬫᬦᬄᬢᬶᬢ᭄ᬬᬂᬗ᭄ᬕᬮᬳᬶᬦ᭄᭞
ᬢᬦ᭄ᬲᭂᬗ᭄ᬓᬭᬶᬂᬧᬓᬬᬸᬦᬦ᭄᭞ᬢᬹᬃᬲᬵᬫ᭄ᬧᬸᬦ᭄ᬘᬶᬳ᭄ᬦᬵᬯ᭄ᬬᬓ᭄ᬢᬶ᭟ᬤᬸᬫᬤᬓ᭄ᬫᬗ᭄ᬤᬾᬫᬦᬸᬮᬸᬲ᭄᭞ᬯᬾᬦ᭄ᬢᭂᬦ᭄ᬲ᭄ᬯᬾᬘᬦ᭄ᬲᬂᬳ᭄ᬬᬂᬯᬶᬥᬶ᭞ᬧᬤᬡ᭄ᬥᬓᬶᬘᬾᬦ᭄ᬩᬚ᭄ᬭ᭞ᬫᬗ᭄ᬤᬵᬲᬵᬫ᭄ᬧᬸᬦ᭄ᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂ
ᬲᬾᬬᭀᬲᬦᬵᬕᬭ᭞ᬧᬲᬄᬭᬶᬂᬧᬤᬡ᭄ᬥᬳᬶᬲ᭄ᬢ᭄ᬭᬶ᭟ᬭᬶᬯ᭄ᬓᬲ᭄ᬫᬗ᭄ᬤᬾᬫᬤᬸᬮᬹᬃ᭞ᬭᬯᬸᬄᬭᬶᬂᬲᭀᬯᬄᬓᬤᬤᬶᬦ᭄᭞ᬢᬶᬢ᭄ᬬᬂᬫᬗᬶᬭᬶᬂᬧᬤᬦ᭄ᬥᬵ᭞ᬭᬶᬧᬳᭂᬢ᭄ᬦᬶᬂᬯᬶᬡ᭄ᬥᬸᬚᬢᬶ᭞ᬢᬶᬳᬲᬢ᭄ᬳᬶᬓᬂᬲᬕ