Kaca:Bali-lontar-gaguritan-maselong-ka-jembrana-350ppi.pdf/50

Saking Wikisource
Kaca puniki sampun kauji-wacén

[᭔᭙ 49B]
᭔᭙
ᬓᬶᬦ᭄ᬩᬋᬂᬮᬸᬯᬲ᭄᭞ᬩᬦᬾᬦᬸᬲᬗ᭄ᬲᬭᬵᬤᬶᬦᬶ᭞ᬲᬳᬶᬢᬸᬬᬸᬄᬫᬲᬾᬯᬓᬵ᭞ᬳᬓᬾᬢᭀᬯᬃᬡ᭄ᬦᬬᬂᬕᬸᬭᬶᬢ᭄᭟ᬢ᭄ᬓᭂᬤ᭄ᬤᬶᬤᬸᬦᬸᬗᬦ᭄ᬲᬫ᭄ᬧᬸᬦ᭄᭞ᬫᬦᬩ᭄ᬤᬩᬂᬳ᭄ᬢᬾᬄᬓᬸᬧᬶ᭞ᬫᭂᬗᬦᬂᬳᬦᬓᬾᬮᬸ
ᬯᬲ᭄᭞ᬓᬘᬸᬯᭂᬮ᭄ᬫᬗᬜᬸᬢ᭄ᬕᬮᬶᬄ᭞ᬲᬯᬢᬭᬵᬧᬸᬓᬸᬮ᭄ᬤᬰ᭞ᬳᬶᬤᬵᬤᬦᬾᬭᬯᬸᬄᬲᬫᬶ᭞ᬭᬵᬫᬾᬤᬶᬩᭂᬮᬓᬂᬫᬸᬳᬸᬕ᭄᭞ᬳᬤᬵᬫᬗᭂᬢᬾᬄᬫᬗᬸᬧᬶ᭞ᬧᬥᬵᬫᬗᬮᬶᬄᬤᬤᭀᬬᬦ᭄᭞ᬤᬶᬦ
ᬢᬳᬾᬫᬚᬂᬰᬰᬶᬄ᭞ᬳᬤᬵᬦᬕᬶᬄᬫᬫᬦᬶᬲᬦ᭄᭞ᬓᭀᬃᬫ᭄ᬫᬦᬾᬫᬕᬸᬮᬵᬧᬲᬶᬃ᭚᭜᭚ᬦᬄᬓᬾᬢᭀᬧ᭄ᬮᬸᬢ᭄ᬩᬦ᭄ᬫᬗᬯᬶᬜᬭᬶᬢᬬᬂᬯᬶᬢ᭄ᬫᬸᬮᬵᬓᬢᬸᬦᬦ᭄‌ᬫᬳᬶᬦ᭄ᬤᬳᬶᬦ᭄ᬤᬓᬯᬶᬦᬾᬓᬶ
ᬤᬸᬂᬢᬦ᭄ᬫᬦᬸᬢ᭄ᬧᬸᬧᬸᬄᬗᬤᬸᬧᭀᬗᬄᬩᬦ᭄ᬤᭂᬫᭂᬦ᭄ᬦᬸᬮᬶᬲ᭄‌ᬧᬧᬲᬂᬲᬲ᭄ᬢ᭄ᬭᬦᬺᬩᬂᬢᭀᬓᬸᬤ᭄ᬬᬂᬫᬦᬶᬭᬸᬳᬶᬤᬵᬲᬂᬓᬯᬶᬦᬵᬕᬭᬯᬸᬲ᭄ᬓᬰ᭄ᬘᬃᬬ᭄ᬬᬦ᭄‌ᬧ᭄ᬭᬚ᭄ᬜᬦ᭄ᬧ᭄ᬭᬢ᭄ᬢᬫᬾᬂᬲᬲ᭄ᬢ᭄ᬭᬵᬚᬶᬩ᭄ᬬᬱᬭᬶᬂᬯᬳ᭄ᬬᬬ᭄ᬬᬵ
[᭕᭐ 50A]
ᬢ᭄ᬫᬶᬓᬵ᭚᭜᭚ᬓᬯᬶᬢᬦ᭄ᬤᭂᬫᬸᬂ᭚ᬢᬸᬳᬸᬦ᭄ᬤᬢᬦᬩ᭄ᬘᬶᬓ᭄‌ᬳᭀᬮᬶᬳᬶᬂᬳᬗᬧᬸᬲ᭄‌ᬢᬦ᭄ᬯ᭄ᬭᬸᬳᬶᬂᬲ᭄ᬯᬭᬵᬯ᭄ᬬᬜ᭄ᬚᬦᬾᬓᬶᬧᬢᬸᬗ᭄ᬕᬮ᭄ᬢᬸᬗ᭄ᬕᬮᬶᬂᬯᬸᬯᬸᬲ᭄‌ᬫᬃᬫ᭄ᬫᬦᬶᬂᬢᬦ᭄ᬫᬦᬹᬢ᭄ᬕᭂᬦ᭄ᬤᬶᬂᬧᬦ᭄ᬢᬦ᭄ᬢᬢ
ᬲᬶᬂᬤᬂᬤᬶᬂᬤᭀᬂ᭞ᬯᬾᬢ᭄ᬦᬶᬂᬢᬦ᭄ᬓᭂᬦᬾᬦᬺᬢᬶᬫᬦᬳᬶᬂᬳᬧᬸᬗ᭄ᬕᬸᬂᬳᬧ᭄ᬢ᭄ᬬᬢᬸᬫᬶᬭᬸᬳᬗᬯᬶ᭠ᬢᬦ᭄ᬯ᭄ᬭᬸᬄᬭᬶᬫᬸᬤᬦᬶᬂᬢᬦᬸᬘᬸᬫᬗ᭄ᬓᬳᬾᬂᬓᬯᬶᬸᬯ᭄ᬬᬗ᭄ᬭᬶᬜ᭄ᬘᬶᬤᬸᬭᬦ᭄ᬳᬗ᭄ᬤᬦᬶᬂᬓᬮᬗᭀᬦ᭄᭟ᬢᬦ᭄ᬯ᭄ᬭᬸᬳᬶᬂ
ᬗᬶᬭᬂᬫᬦᬶᬭᬫᬗ᭄ᬓᬾᬳᬗᬧᬸᬲ᭄‌ᬧᬦᬸᬤᬦᬶᬂᬳᬢᬶᬢᬦᬸᬦ᭄ᬳ᭄ᬬᬦ᭄ᬕᬶᬦᬸᬬ᭄ᬯᬕᬸᬬ᭄ᬯᬩ᭄‌ᬦ᭄ᬤᬢ᭠ᬦ᭄ᬳᬯ᭄ᬤᬶᬳᬶᬦᬸᬘᬧᬶᬂᬯᭀᬂᬲᬩᬸᬫ᭄ᬬᬲᬯ᭄ᬬᬓ᭄ᬢᬶᬬᬦᬵᬚᬸᬕᬸᬮ᭄‌ᬮᬮᬸᬢᬦ᭄ᬲᬶᬳᬦᬶᬂᬳ᭄ᬬᬂᬢᬸᬳᬸᬢᬦᬵ
ᬦᬯ᭄ᬮᬲᬶᬭᬶᬂᬲᬸᬦ᭄᭞ᬯᬾᬢ᭄ᬦᬶᬂᬫᬦᬄᬢᬦ᭄‌ᬬ᭄ᬭ᭄ᬬᬵᬫ᭄ᬩᬦᬯ᭄ᬢᬸᬳᬸᬬᬸᬂᬫᬃᬫ᭄ᬫᬵᬗ᭄ᬓ᭄ᬯᬗ᭄ᬮᬫ᭄ᬧ᭄ᬯᬗᬧᬸᬲ᭄‌ᬳᬫᬗ᭄ᬓᬸᬓᬭᬲ᭄ᬢᬦᬄᬦ᭄ᬳᭂᬃᬢᬸᬫᬸᬮ᭄ᬬᬗ᭄ᬭᬶᬜ᭄ᬘᬶᬓᬶᬤᬸᬂ᭚᭜᭚ᬤ᭄ᬫᬸᬂ᭚ᬳᬶᬲᭂᬂᬫᬮᬚᬄᬫᬗ᭠