[᭔᭒ 42B]
᭔᭒
ᬓ᭄ᬱᬶ᭞ᬚ᭄ᬜᭂᬓᬶᬂᬯᬶᬪᬯ᭄ᬯᬵ᭞ᬳᬫᬸᬧᬸᬦᬶᬭᬱᬍᬯᬶᬄ᭞ᬳᬸᬫᬸᬗ᭄ᬕᬸᬄᬭᬶᬂᬧᬤ᭄ᬫᬵᬰᬦᬵ᭟ᬳᬶᬗ᭄ᬕᬶᬄᬧᬶᬋᬂᬧᬶᬦᬸᬦᬲ᭄ᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬲᬂᬭᬸᬫᬓ᭄ᬱᬾᬂᬢᬶᬢᬄ᭞ᬢᬶᬦᬸᬤᬸᬄᬲᬗ᭄ᬓᬦᬶᬂᬤᬤᬶ᭞ᬳᬸᬭᬶᬧᬶᬂᬲᬵᬃ
ᬯ᭄ᬯᬫᬳᬢ᭄ᬫᬵ᭟ᬫᬗ᭄ᬤᬾᬕ᭄ᬮᬶᬲ᭄ᬢᬶᬢ᭄ᬬᬂᬚᬩᬸᬢ᭄ᬲᬂᬳ᭄ᬬᬂᬯᬶᬥᬶ᭞ᬩᭀᬬᬜᬦ᭄ᬤᬂᬧᬶᬲᬦ᭄ᬢᬶᬢ᭄ᬬᬂᬫᬓ᭄ᬮᬵᬳᬶᬭᬶᬓᬶ᭞ᬲᬢᬸᬗ᭄ᬕᬸᬦ᭄ᬳᬸᬭᬶᬧ᭄ᬲᬗ᭄ᬲᬭᬵ᭟ᬫᬗ᭄ᬤᬾᬲᬶᬤ᭄ᬥᬵᬢᬶᬢ᭄ᬬᬂᬫᬗᬶᬭᬶᬂᬲᬗᬃᬤ᭄ᬥᬶ᭞ᬲᬸᬫᭂᬧᭂᬭᬶᬂ
ᬧᬥ᭞ᬢᬦ᭄ᬧᬲᬄᬲᬤᬶᬦᬵᬭᬢ᭄ᬭᬶ᭞ᬧᬸᬦᬶᬓᬵᬳᬧ᭄ᬢ᭄ᬬᬂᬢᬶᬢ᭄ᬬᬂ᭟ᬫᬳᬯᬶᬦᬦ᭄ᬢᬶᬢ᭄ᬬᬂ᭠ᬲᬤᬶᬦᬵᬗᬹᬢᬧ᭄ᬢᬶ᭞ᬗᬰᬹᬭᬂᬢᬶᬍᬫᬦ᭄᭞ᬭᬶᬂᬳᬶᬤᬵᬲᬂᬫᬤ᭄ᬬᬂᬲᬫᬶ᭞ᬗᬶᬂᬲᭀᬢᬦᬶᬂᬳᬶᬦᬵᬕᬸᬦᬵ᭟
ᬲᬓᬾᬯᬦ᭄ᬢᭂᬦ᭄ᬲᬸᬰ᭄ᬭᬸᬱᬵᬳᬾᬱ᭄ᬝᭀᬳᬲ᭄ᬢᬶᬢᬶ᭞ᬫᬫᬵᬕᭂᬳᬂᬩ᭄ᬭᬢ᭄ᬣᬵ᭞ᬗᬃᬘ᭄ᬙᬦᬵᬳ᭄ᬬᬂᬧᬭᬫᬾᬱ᭄ᬝᬶ᭞ᬫᬶᬲᬤ᭄ᬬᬗᬺᬋᬄᬧᬲ᭄ᬮᬵ᭟ᬲᬬᬦ᭄ᬳᬶᬗᬸᬄᬭᬱᬦ᭄ᬓᭂᬦᭂᬳᬾᬧᬺᬚᬦᬶ᭞ᬧ᭄ᬢᭂᬂᬢᬦ᭄ᬫᬦᭀ᭠
[᭔᭓ 43A]
ᬦ᭄ᬭᬵᬢ᭄᭞ᬓ᭄ᬩᬸᬲᬾᬢᬦ᭄ᬲᬶᬧᬶᬲᬶᬧᬶ᭞ᬲᬸᬫᬲᬢ᭄ᬳᬧᬶᬦ᭄ᬲᬂᬳᭀᬃᬭ᭄ᬯᬵ᭟ᬓ᭄ᬩᬸᬲ᭄ᬩᭂᬩᭂᬓ᭄ᬫᬸᬍᬓᬦ᭄ᬤᬶᬚ᭄ᬭᭀᬦᬶᬗ᭄ᬳᬢᬶ᭞ᬢᬸᬯᬶᬢᬦ᭄ᬧᬲ᭄ᬮᬵ᭞ᬗᭂᬢᭀᬃᬤᬤᬶᬫᬦᬲ᭄ᬤᬶᬗᬶᬦ᭄᭞ᬕᬼᬫᬾᬮᬳᬸᬢᬵ
ᬗᭂᬫ᭄ᬧᬄ᭟ᬧ᭄ᬮᬸᬄᬫᭂᬫ᭄ᬩᬄᬓ᭄ᬦᭂᬳᬾᬢᭂᬕ᭄ᬢᭂᬕᬂᬩᬮᬶᬓ᭄᭞ᬫᬗ᭄ᬤᬾᬲᬶᬤ᭄ᬥᬵᬧ᭄ᬭᬕᬢ᭄᭞ᬕᬳᬾᬦᬾᬦᬍᬲᭂᬓ᭄ᬕᬢᬶ᭞ᬫᬦᬶᬗᬦ᭄ᬢ᭄ᬬᬂᬜᬸᬮᬸᬄᬲᬸᬓᬢ᭄᭟ᬲᬕᬾᬢ᭄ᬦᭂᬕ᭄ᬢᭂᬕ᭄ᬓᬸᬓ᭄ᬭᬸᬬᬸᬓ᭄ᬱᬶᬬ᭠
ᬧᬾᬢᬶᬢᬶᬃ᭞ᬲᬸᬩᬗᬦ᭄ᬢ᭄ᬬᬂᬮ᭄ᬫᬄ᭞ᬫᬤᬩ᭄ᬥᬩᬦ᭄ᬩᬗᬸᬦ᭄ᬲᬫᬶ᭞ᬕᬕᬓ᭄ᬳᬸᬫᬸᬂᬫᬸᬗ᭄ᬕ᭄ᬯᬶᬂᬢᬯᬂ᭚᭜᭚ᬫᬋᬩᬗᬸᬦ᭄ᬘᬭᬶᬢᬬᬂᬚᬦᬶᬫᬤᬩ᭄ᬥᬩᬦ᭄ᬲᭀᬢᬦᬶᬂᬤᬸᬄᬓᬶᬢ᭄ᬣᬵᬫᬦᬸᬗ᭄ᬓᬲ᭄ᬧᬶᬲᬦ᭄ᬩᬸ᭠
ᬤᬶᬦᬾᬫᬗ᭄ᬤᬾᬤᬓᬘᬶᬃᬬ᭄ᬬᬦ᭄ᬳᬶᬩᬸᬓ᭄ᬳᬦᬓ᭄ᬮᬶᬬᬸᬧᬘᬂᬦᭂᬓᭂᬳᬶᬦ᭄ᬲᬕᬾᬢ᭄ᬤᬦᬾ᭠ᬳᬶᬢᬸᬯᬦ᭄ᬧᬲ᭄ᬫᭂᬗᬦ᭄ᬭᬯᬸᬄᬦᬓᬾᬦᬂᬓᬾᬦ᭄ᬓᬾᬦ᭄ᬕᬳᬾᬦ᭄ᬕᬸᬲ᭄ᬢᬶᬦᬾ
Kaca:Bali-lontar-gaguritan-maselong-ka-jembrana-350ppi.pdf/43
Kaca puniki sampun kauji-wacén
