[᭔᭐ 40B]
᭔᭐
ᬓᬗᭂᬦ᭄ᬢᭂᬓᬾᬦᬶᬂᬳᬯᬓ᭄ᬩᬲ᭄ᬓᬍᬩᬶᬄᬚ᭄ᬮᬾᬦ᭄ᬧᬕᬯᬾᬦᬾᬦᬸᬮᬸᬲ᭄ᬓᬾᬦᬾ᭠ᬳᬸᬩᬸᬄᬲᬶᬂᬲᬶᬂᬚᬮᬦ᭄ᬮᬘᬹᬭᬾᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭟ᬳᬶᬫ᭄ᬧᭂᬃᬮ᭄ᬯᬄᬭᬶᬂᬫᬕᬫᬱᬵᬳᬫ᭄ᬩᬮᬩᬃ᭠
ᬢ᭄ᬯᬭᬵᬩᬓᬢ᭄ᬳᬶᬫ᭄ᬧᬲᬶᬦ᭄ᬲᬗ᭄ᬓᬦ᭄ᬲ᭄ᬤᬶᬄᬲᬳᬶᬦ᭄ᬤᬸᬳᬸᬄᬤᬸᬄᬓᬵᬩᬭᬲᬢᬢ᭄ᬲᬵᬩᬲ᭄ᬓᬮᬶᬯᬢ᭄ᬢᬦ᭄ᬲ᭄ᬯᬾᬘᬦ᭄ᬯᬶᬥᬶᬦᬾᬫᬸᬧᬸᬢ᭄ᬫᬓᬤᬶᬳᬶᬤᬵᬲᬂᬫᬤ᭄ᬬᬂᬢᬦ᭄ᬢᬾᭂᬦ᭄ᬧᬶᬲᬦ᭄ᬫᬳᬓ᭄ᬱᬶ᭟
ᬗᬓ᭄ᬱᬶᬢᬶᬢ᭄ᬬᬂᬳᬶᬲᬗ᭄ᬲᬭᬵᬫᬭᭀᬭᬯ᭄ᬯᬓ᭄ᬩᬸᬲ᭄ᬩᬳᬂᬓᬲ᭄ᬬᬰᬶᬄᬤᬶᬤᬾᬰᬦ᭄ᬳᬦᬓᬾᬳᬸᬩᬸᬄᬜᬾᬦ᭄ᬢᭀᬗᭀᬲ᭄ᬫᬶᬦ᭄ᬢᬰ᭄ᬭᬬᬵᬫᬗ᭄ᬤᬾᬲᬶᬤᬵᬫᬕ᭄ᬲᭂᬂᬫᬦ᭄ᬤᬤᬶᬳᬦ᭄ᬤᬸᬲ᭄ᬳᬫᭀᬭᬶᬂ
ᬧᬭᬫᬵᬲᬹᬓ᭄ᬱ᭄ᬫᬵᬲᬳᬾᬓᬵᬲᬶᬤ᭄ᬥᬵᬤᬫ᭄ᬧᬢᬶ᭟ᬤᬫ᭄ᬧᬢᬶᬭᬶᬂᬲᬂᬫᬤᬶᬬᬂᬤᬾᬦᬶᬂᬯ᭄ᬓᬲ᭄ᬭᬳᬱ᭄ᬬᬮᬶᬦ᭄ᬢᬂᬍᬯᬶᬄᬲᬗ᭄ᬓᬦ᭄ᬢ᭄ᬯᬭᬵᬮᬶᬬᬸᬢᬳᬸᬬᬦ᭄ᬢᬦ᭄ᬲ᭄ᬯᬾᬘᬦ᭄ᬪᬝᬵᬭᬓᬾᬦ᭄ᬢᭂᬦ᭄ᬋᬓᬾᬧ᭠
[᭔᭑ 41A]
ᬗᬦ᭄ᬤᬶᬓᬦ᭄ᬲᬂᬯᬸᬲ᭄ᬧᬸᬢᬸᬲ᭄ᬩ᭄ᬬᬵᬲᬵᬭᬶᬂᬯᬳ᭄ᬬᬥ᭄ᬬᬢ᭄ᬫᬶᬓᬵᬢᬶᬢ᭄ᬬᬂᬫᬳᬦ᭄ᬓᬩᬃᬳᬗᬶ᭠ᬦ᭄᭟ᬦᬗᬶᬂᬤᬾᬭᬾᬂᬧᬢᬶᬧ᭄ᬤᬲ᭄ᬧᬦᬯᬗᬾᬦᬸᬲᬫᬃᬲᬭᬸᬕᬢᬶᬩᬸᬫᬭᬵᬕᬢᬶᬫᬳᬸᬭᬸᬓ᭄
ᬳᬾᬗ᭄ᬕᬮᬦ᭄ᬦᬶᬗ᭄ᬕᬮ᭄ᬤᬾᬱᬵᬲᬗ᭄ᬓᬦ᭄ᬳᬶᬩᬸᬓ᭄ᬩᬦᬾᬢ᭄ᬯᬭᬦᬯᬂᬳᬸᬦ᭄ᬤᬸᬓ᭄ᬳᬸᬢᬗᬾᬢ᭄ᬓᬾᬦ᭄ᬓᬯᬶᬢᬦ᭄ᬲᬭᬵᬢ᭄ᬲᬵᬓᬵᬱᬧ᭄ᬭᬣᬶᬯᬶ᭟ᬢᭀᬲᬳᬶᬳᬗ᭄ᬕᭀᬦ᭄ᬓ᭄ᬦᭂᬳᬦ᭄ᬓ᭄ᬭᬡ᭄ᬦᬫᬫᬶ
ᬦ᭄ᬢᬫᬶᬦ᭄ᬢᬓᬲᬶᬄᬭᬶᬂᬯᬢᭂᬓ᭄ᬳᬦ᭄ᬢᭂᬦᬃᬤᬶᬢᬸᬫᬓᬵᬤᬶᬭᬶᬂᬧᬤᬡ᭄ᬥᬲᬳᬸᬃᬳᬶᬤᬵᬧᬤᬡ᭄ᬥ᭠ᬲᬗ᭄ᬕᬸᬧ᭄ᬫᬦᬸᬮᬸᬂᬗᬶᬘᬾᬦᬶᬦ᭄ᬯᬯᬭᬸᬂᬤᬶᬰ᭄ᬫᬵᬧᬸᬜᬦ᭄ᬢᬶᬗ᭄ᬓᬶᬕ᭄ᬢ᭄ᬮᬸᬂᬳᬸᬯᬶᬢ᭄᭟ᬧᬗ᭄ᬕᬯ᭄ᬯᬓᬶᬢ᭄ᬣᬦᬵᬕ
ᬭᬧᬲᬳᬸᬢᬾᬢ᭄ᬯᬶᬗᬼᬕᬦᬶᬦ᭄ᬳᬢᬶᬳᬾᬫᬦ᭄ᬢᬶᬢ᭄ᬬᬂᬘᭀᬓᭀᬃᬭᬢᬸᬧᬘᬂᬫᬫᬸᬗ᭄ᬕᭂᬮ᭄ᬕᬫ᭄ᬫᬵᬬᬦ᭄ᬫᬧᭂᬮᭀᬦ᭄ᬗᬦ᭄ᬤᬶᬓᬬᬂᬢᬶᬢ᭄ᬬᬂᬭᬢᬸᬗᬃᬬ᭄ᬬᬦᬶᬦ᭄ᬩᬤᬾᬜᬶᬤ᭄ᬥᬬᬂᬓᬬᬸᬓᬾᬄᬯᬾᬦ᭄ᬢᭂᬦ᭄ᬳᬶᬭᬶᬓᬶ᭟
Kaca:Bali-lontar-gaguritan-maselong-ka-jembrana-350ppi.pdf/41
Kaca puniki sampun kauji-wacén
