[᭓᭘ 38B]
᭓᭘
ᬲᬶᬂᬲᬶᬂᬚᬮᬦ᭄᭞ᬫᬲᬗᬸᬓ᭄ᬦᭂᬄᬳᬲ᭄ᬢᬶᬢᬶ᭟ᬤᬸᬫᬤᬓ᭄ᬫᬗ᭄ᬤᬾᬫᬦᬸᬮᬸᬲ᭄᭞ᬫᬫᬕᭂᬳᬂᬓ᭄ᬦᭂᬄᬲᬳᬶᬦᬸᬢᬸᬕ᭄ᬲᬧᬭᬦᬶᬂᬢᬶᬢᬄ᭞ᬲᬸᬲᬢ᭄ᬬᬫᬕᬸᬭᬸᬮᬓᬶ᭞ᬦ᭄ᬢᭀᬓᭀᬘᬧ᭄ᬧᬮᬶᬂᬳᬸᬢ᭄ᬢᬫᬵ᭞ᬩ᭄ᬭᬢᬦ᭄ᬳᬦ᭠
ᬓ᭄ᬳᭂᬮᬸᬍᬯᬶᬄ᭟ᬧᬗᬦ᭄ᬤᬶᬓᬦ᭄ᬲᬂᬫᬵᬩᬶᬓ᭄ᬱᬸ᭞ᬳᬦᬓᬾᬳᭂᬮᬸᬄᬳᬲ᭄ᬢᬶᬢᬶ᭞ᬢᬦ᭄ᬩᬶᬦᬵᬢ᭄ᬓᬾᬦ᭄ᬓᬫᭀᬓ᭄ᬱᬦ᭄᭞ᬗᬶᬮᬗᬂᬧᬧᬵᬦᬾᬲᬫᬶ᭞ᬬᬾᬦ᭄ᬳᭂᬜᬓ᭄ᬩᬸᬮᬄᬓᬥᬃᬫ᭄ᬫᬦ᭄᭞ᬲᬸᬲᬢ᭄ᬬᬫᬕᬸᬭᬸᬮᬓᬶ᭟
ᬳᬸᬭᬶᬧᬾᬳ᭄ᬤᬵᬫᬗᬶᬢᬸᬂ᭞ᬲᬭᬵᬢᬶᬢᬄᬲᬂᬳ᭄ᬬᬂᬯᬶᬥᬶ᭞ᬳᬯᬓᬾᬫᬓᬵᬲᬥᬦᬵ᭞ᬫᬗᬶ᭠ᬭᬶᬂᬲᬧᬭᬦ᭄ᬤᬤᬶ᭞ᬳᬓᬾᬢᭀᬚᬢᬶᬂᬰᬲ᭄ᬢ᭄ᬭ᭟ᬧᬗᬦ᭄ᬤᬶᬓᬦ᭄ᬲᬗ᭄ᬬᬂᬳᬚᬶ᭟ᬓᬤᬹᬂᬳᬤᬵᬫᬦ᭄ᬢ᭄ᬭᬢᬸ
ᬢᬹᬃ᭞ᬓᬍᬧᬲᬦ᭄ᬮᬶᬦ᭄ᬢᬂᬍᬯᬶᬄ᭞ᬳᬗ᭄ᬕᭀᬦ᭄ᬫᬮᬶᬮᬬᬂᬫᬦᬄ᭞ᬫᬗ᭄ᬤᬾᬲᬭᬸᬯᬦ᭄ᬳᬕᬶᬕᬶᬲ᭄᭞ᬢᬶᬂᬓᬄᬳᬶᬤᬵᬲᬂᬲᬢ᭄ᬭᬶᬬ᭞ᬦᬾᬲᬵᬫ᭄ᬧᬸᬦ᭄ᬫᭀᬮᬶᬳᬶᬂᬓᬶᬃᬢ᭄ᬢᬶ᭟ᬲᬫᬶᬢᬶᬗ᭄ᬕᬮ᭄ᬦᬵᬕᬦ᭄ᬢᬸᬦ᭄᭞ᬫᬳᬲᬶᬂᬯᬦ
[᭓᭙ 39A]
ᬯᬦᬵᬤ᭄ᬭᬶ᭞ᬲᬫᬶᬗᬯᬗᬸᬦ᭄ᬳᬰ᭄ᬭᬫᬵ᭞ᬳᬤᬸᬤ᭄ᬯᬦ᭄ᬧᬭᬦᬶᬂᬳᬸᬗ᭄ᬲᬶ᭞ᬫᬗ᭄ᬤᬾᬢᬦ᭄ᬓᬢᬫᬦ᭄ᬩ᭠ᬦ᭄ᬤᬵ᭞ᬭᬵᬚᬩ᭄ᬭᬦᬵᬦᬾᬦᬮᬶᬦᬶᬦ᭄᭟ᬓ᭄ᬭᬦᬵᬫᬗᬸᬗ᭄ᬲᬶᬓᬕᬸᬦᬸᬂ᭞ᬳᬶᬤᬵᬗᬶᬦᭂᬗᬂᬲᬫᬥᬶ᭞ᬫᬃᬕ᭄ᬕᬶ᭠
ᬳᬫᬗ᭄ᬕᬶᬄᬓᬫᭀᬓ᭄ᬱᬦ᭄᭞ᬳᬦᬹᬗ᭄ᬓᬧ᭄ᬰ᭄ᬯᬃᬕ᭄ᬕᬵᬤᬶᬍᬯᬶᬄ᭞ᬮ᭄ᬯᬶᬳᬶᬂᬧᬭᬫᬲᬹᬓ᭄ᬱ᭄ᬫᬵ᭞ᬦᬶᬃᬩᬦᬵᬯ᭄ᬓᬲᬶᬂᬍᬯᬶᬄ᭟ᬳᬸᬧᬫᬶᬦᬶᬂᬓᬬᬸ᭞ᬳᬢᭂᬧ᭄ᬭᭀᬩ᭄ᬓᬤᬶᬯᬭᬶᬗᬶᬦ᭄᭞ᬫᬧᬸᬜᬳᬶᬩᬸᬦ᭄ᬲᬢ
ᬢᬵ᭞ᬫᬘᬭᬂᬮᬭᬵᬓᬲ᭄ᬬᬰᬶᬄ᭞ᬫᬳᭂᬤᭀᬦ᭄ᬓ᭄ᬦᭂᬄᬤᬸᬄᬓᬶᬢᬵ᭞ᬧᬤᬧᬦ᭄ᬳᬶᬧᬸᬦ᭄ᬩᬦ᭄ᬧ᭄ᬤᬶᬄ᭟ᬫᬩᬸᬗᬵᬩᬦ᭄ᬓᭂᬦᭂᬄᬳᬶᬗᬸᬄ᭞ᬫᬩᬸᬯᬄᬳ᭄ᬗᭂᬤ᭄ᬩᬦ᭄ᬲᬓᬶᬢ᭄᭞ᬩᬗ᭄ᬲᬶᬂᬲᬫᬄᬫᬳᬵᬩᬭᬵ᭞ᬫᬳ
ᬓᬄᬮᬭᬵᬧ᭄ᬭᬶᬬᬢᬶᬦ᭄᭞ᬫᬧᬜ᭄ᬘᭂᬭᬶᬭᬂᬓᬮᬭᬦ᭄᭞ᬲᬗ᭄ᬲᬭᬧᬶᬦᬓᬵᬳᬸᬫ᭄ᬩᬶ᭟ᬳ᭠ᬓᬾᬢᭀᬋᬜ᭄ᬘᬦᬳᬧᬸᬲ᭄᭞ᬧᬶᬦᬄᬲᬸᬩᬕᬮᬂᬓᬗᬶᬦ᭄᭞ᬩᬗᬸᬦ᭄ᬦᬩ᭄ᬤᬩᬂᬤᬸᬦᬸᬗᬦ᭄᭞ᬲᬳᬶ᭠
Kaca:Bali-lontar-gaguritan-maselong-ka-jembrana-350ppi.pdf/39
Kaca puniki sampun kauji-wacén
