[᭓᭗ 37B]
᭓᭗
ᬳᬤᬵᬳᬗ᭄ᬕᭀᬦ᭄᭞ᬧᬳᬶᬗᭂᬢᬦ᭄ᬳ᭄ᬬᬦᬸᬧᬜ᭄ᬚᬂᬳᬸᬫᬸᬭᬾ᭞ᬲᬶᬤ᭄ᬥᬵᬫᬸᬮᬶᬄᬓᬳᬫ᭄ᬮᬦᬵ᭠ᬕᬭᬶ᭞ᬤᬶᬦᬵᬦᬾᬫᬓᬶᬲᬶᬤ᭄᭞ᬩᬸᬤᬵᬳᭂᬧᭀᬦ᭄ᬧᬸᬚᬸᬢ᭄᭟ᬣᬶᬣᬶᬧᬗ᭄ᬮᭀᬂᬧᬶᬂᬤᬰᬦ᭄ᬫᭀᬦᬶ᭠
ᬦ᭄᭞ᬰᬰᬶᬄᬜᬦᬾᬋᬓᭀ᭞ᬓᬧᬶᬢᬸᬬᬦ᭄ᬦᬫ᭄ᬧᬶᬄᬰᬰᬶᬳᬾ᭞ᬢᭂᬭᬄᬢ᭄ᬮᬸᬢᭂᬗ᭄ᬕᭂᬓᬾᬳᬶᬢᬸᬗᬶᬦ᭄᭞ᬢᭂᬗ᭄ᬕᭂᬓ᭄ᬢᭂᬮᬸᬫᬰᬶᬄ᭞ᬳᬶᬰᬓᬜᬳᬶᬢᬸᬂ᭟ᬫᬭᬵᬲ᭄ᬬᬩᬗ᭄ᬲᬶᬢ᭄ᬦᭂᬫ᭄ᬯᬂᬚᬦᬶ᭞ᬢᬗ᭄ᬕᬸᬦ᭄ᬜ
ᬦᬾᬋᬓᭀ᭞ᬢ᭄ᬮᬸᬂᬤᬰᬢ᭄ᬮᬸᬢᬗ᭄ᬕᬸᬦ᭄ᬜᬦᬾ᭞ᬧᬸᬓᬸᬮ᭄ᬢᬸᬚᬸᬫᬚᬮᬦ᭄ᬫᬓᬶᬲᬶᬤ᭄᭞ᬲᬦᬾᬘ᭄ᬭᬶᬓ᭄ᬘ᭄ᬭᬶᬓ᭄᭞ᬫᬲᬶᬗᬮ᭄ᬤᬶᬫᬮᬸ᭟ᬫᬋᬢ᭄ᬓᭂᬤ᭄ᬤᬶᬤᬸᬦᬸᬗᬦ᭄ᬲᬫᬶ᭞ᬮᬸᬄᬫᭀᬯᬦᬶᬭᬾᬧᭀᬢ᭄᭞ᬗᬳᬾᬩ
ᬦ᭄ᬢᭂᬦ᭄ᬧᬜᬭᭀᬦ᭄ᬓᬭᬗᬾ᭞ᬫᬳᬦ᭄ᬗᬤᬾᬓᬭᬂᬲᬢᬓ᭄ᬭᬶᬗ᭄ᬕᬶᬢ᭄᭞ᬫ᭄ᬮᬶᬢᬶᬳᬶᬂᬕᬥᬶᬂ᭞ᬗ᭄ᬕ᭠ᬳᬾᬲᬗ᭄ᬕᬄᬘᬸᬓ᭄ᬘᬸᬓ᭄᭟ᬗᬳᬾᬩᬮᬾᬲᬓᬧᬢ᭄ᬩᬦ᭄ᬢᬶᬳᬶᬂ᭞ᬳᬧᬂᬳᬤᬵᬳᬗ᭄ᬕᭀᬦ᭄᭞ᬧᬯᬾᬤ᭠
[᭓᭘ 38A]
ᬬᬦ᭄ᬫᬗ᭄ᬕᭂᬳᬂᬩ᭄ᬭᬢᬦᬾ᭞ᬫᬗᬃᬘ᭄ᬘᬦᬵᬳᬶᬤᬵᬲᬗ᭄ᬳ᭄ᬬᬂᬯᬶᬥᬶ᭞ᬫᬗ᭄ᬤᬾᬲ᭄ᬯᬾᬘᬵᬳᬰᬶᬄ᭞ᬗᬮ᭄ᬲᬶᬢᬶᬢ᭄ᬬᬂᬮᬘᬹᬃ᭟ᬮᬶᬦ᭄ᬢᬂᬳᬶᬦᬵᬢᬶᬢ᭄ᬬᬂᬢᬸᬦᬵᬩᬸᬤᬶ᭞ᬰ᭄ᬭᬸᬱᬩᬓ᭄ᬢᬶᬳᬗ᭄ᬕᭀᬦ᭄᭞ᬫᬜᬶᬳ᭄ᬦᬬᬂᬳᬲ᭄ᬢᬶ
ᬢᬶᬦ᭄ᬳᬶᬥᭂᬧᬾ᭞ᬬᬤᬶᬦ᭄ᬮᬘᬹᬃᬲᬶᬂᬚᬮᬦ᭄ᬫᬗᭂᬫ᭄ᬧᬶ᭞ᬫᬤᬤᬹᬦᬸᬂᬲᬳᬶ᭞ᬕᭂᬦ᭄ᬢᬶᬕᭂᬦ᭄ᬢᬶᬲᬸᬦ᭄ᬤᬸᬮ᭄᭚᭐᭚ᬩᬸᬫᬭᬵᬧ᭄ᬢᭂᬂᬫᬢᬸᬧ᭄ᬢᬸᬧ᭄᭞ᬳᬶᬩᬸᬓᬾᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬢᬦ᭄ᬮ᭄ᬬᬦ᭄ᬳᬶᬤᬵᬲᬂᬫᬤ᭄ᬬᬂ᭞ᬤᬸᬮᬫᬾ
ᬤᬶᬚ᭄ᬭᭀᬦᬶᬂᬳᬢᬶ᭞ᬫᬓᬵᬤᬶᬳᬾᬲᬶᬦᬶᬂᬳᬺᬤ᭄ᬥᬬ᭞ᬲᬲᬫ᭄ᬩᬢᬦᬾᬓᬲ᭄ᬬᬰᬶᬄ᭟ᬳᭂᬦ᭄ᬤᬶᬳᬸᬗ᭄ᬕ᭄ᬯᬦ᭄ᬢᬧᬸᬓᬸᬮᬸᬦ᭄᭞ᬭᬶᬂᬲᬸᬦ᭄ᬬᬦᬶᬃᬩᬦᬵᬍᬯᬶᬄ᭞ᬍᬯᬶᬄᬧᬭᬫᬵᬲᬸᬓ᭄ᬱ᭄ᬫᬵ᭞ᬢᬦ᭄ᬳᬾᬮᬶᬂᬓᬮᬾᬧ᭄ᬬ᭠
ᬦ᭄ᬲᬫᬶ᭞ᬢᬶᬢ᭄ᬬᬂᬫᬫᬗ᭄ᬕᬶᬄᬲᬗ᭄ᬰᬭᬵ᭞ᬢᬦ᭄ᬲᬫᬲᬫᬳᬶᬂᬤᬤᬶ᭟ᬤᬸᬄᬓᬶᬢ᭄ᬣᬲᬢᬸᬗ᭄ᬕᬸᬦ᭄ᬢᬸᬯᬸᬄ᭞ᬢᬦ᭄ᬧᭂᬕᬢ᭄ᬮᬭᬵᬫᬢᬶᬦ᭄ᬤᬶᬄ᭞ᬳᬭᬄᬩᭀᬬᬵᬜᬦ᭄ᬤᬂᬢᬶᬢ᭄ᬬᬂ᭞ᬧᬶᬲᬜᬗ᭄ᬫᬲᬶᬦ᭄ᬫᬵᬢᬶ᭞ᬫᬢᬶᬤ᭄ᬧᬂ
Kaca:Bali-lontar-gaguritan-maselong-ka-jembrana-350ppi.pdf/38
Kaca puniki sampun kauji-wacén
