[᭓᭑ 31B]
᭓᭑
ᬩᬲᬸᬭᬵᬢ᭄᭞ᬳᬦ᭄ᬢᬸᬓ᭄ᬤᬦᬾᬢᬸᬯᬦ᭄ᬓᬸᬦ᭄ᬢᭂᬮᬶᬃ᭟ᬢᬶᬢ᭄ᬬᬂᬧᬘᬂᬓᬢᭂᬢᭂᬧᬦ᭄᭟ᬤᬤᬶᬳᭂ᭠ᬳᭂᬲ᭄ᬩᬬᬸᬦ᭄ᬢᬶᬢ᭄ᬬᬗᬾᬧ᭄ᬭᬚᬦᬶ᭞ᬩ᭄ᬗᭀᬂᬓᬫᭂᬫᭂᬕᬦ᭄᭞ᬩᭂᬕ᭄ᬩᭂᬕᭂᬩ᭄ᬓᭂᬦᭂᬳᬾᬧᬮᬶᬂ᭞ᬧ᭄ᬢᭂᬂᬢ᭄ᬯᬭᬗᭂ
ᬦᭀᬢ᭄ᬚᬕᬢ᭄᭟ᬤᬤᬶᬗ᭄ᬢᭀᬃᬳᬯᬓᬾᬫᬓᬹᬓᬸᬤ᭄ᬤᬶᬗᬶᬦ᭄᭞ᬓ᭄ᬩᬸᬲᬾᬫᬫ᭄ᬭᬢ᭄᭞ᬗᭂᬫ᭄ᬧᬸᬍᬓ᭄ᬤᬶᬳᬸᬮᬸᬦ᭄ᬳᬢᬶ᭞ᬲᬸᬫᬲᬢ᭄ᬳᬧᬶᬲᬳᭀᬃᬯ᭄ᬯ᭟ᬢᬦ᭄ᬧᬲ᭄ᬮᬵᬓ᭄ᬩᬸᬲᬾᬢᬦ᭄ᬲᬶᬧᬶᬲᬶᬧᬶ᭞ᬲᬶᬂᬧᬶᬲᬦ᭄ᬕ
ᬯᬾᬜᬦᬸᬮᬦ᭄ᬢᬂᬫᬗ᭄ᬮᬄᬳᬸᬭᬶᬧ᭄᭞ᬳᬤᬬᬦ᭄ᬧᬶᬲᬜᬧ᭄ᬭᬕᬢ᭄᭟ᬳᬶᬗ᭄ᬕᬶᬄᬧᬶᬋᬂᬧᬶᬦᬸ᭠ᬦᬲ᭄ᬢᬶᬢ᭄ᬬᬂᬭᬶᬂᬯᬶᬥᬶ᭞ᬲᬂᬭᬸᬫᬓ᭄ᬱᬾᬂᬢᬶᬢᬄᬢᬶᬦᬸᬤᬸᬄᬲᬗ᭄ᬓᬦᬶᬂᬤᬤᬶᬫᬗ᭄ᬤᬾᬳᬶᬤᬵᬜᬩᬸᬢ᭄ᬢᬶᬢ᭄ᬬᬂ᭟
ᬩᭀᬬᬜᬦ᭄ᬤᬂᬧᬶᬲᬦ᭄ᬢᬶᬢ᭄ᬬᬂᬮᬦᬵᬳᬸᬭᬶᬧ᭄ᬤᬸᬄᬓᬶᬢᬓᬮᬭᬦ᭄ᬫᬓ᭄ᬮᬲᬢᬸᬗ᭄ᬕᬸᬦ᭄ᬳᬸ᭠ᬭᬶᬧ᭄ᬳᬸᬭᬶᬧ᭄ᬢᬶᬢ᭄ᬬᬗᬾᬩᬲ᭄ᬮᭀᬯᬢ᭄᭟ᬲᬶᬂᬲᬶᬂᬚᬮᬦ᭄ᬫᬓᬸᬢᬂᬦᬶᬗ᭄ᬕᬮ᭄ᬕᬸᬫᬶᬯᬮᬸᬬᬳᬸᬩᬸᬯᬦ᭄᭟
[᭓᭒ 32A]
ᬫᬩᬤ᭄ᬥᬵᬲᬢᬸᬗ᭄ᬕᬸᬦ᭄ᬳᬸᬭᬶᬧ᭄᭞ᬳᬸᬭᬶᬧ᭄ᬓᬾᬦ᭄ᬓᬾᬦᬦ᭄ᬳᬤᬜ᭟ᬩᬲ᭄ᬓᬤᬸᬭᬸᬲ᭄ᬢᬦ᭄ᬳᬶᬘᬦ᭄ᬯᬶᬤ᭄ᬥᬶᬦᬾᬲᬫᬶ᭞ᬲᬫᬶᬮᬮᬶᬧᬶᬲᬦ᭄᭞ᬭᬯᬶᬂᬳᬶᬤᬵᬲᬂᬫᬗᬃᬤ᭄ᬥᬶ᭞ᬓᬮᬾᬧ᭄ᬬᬦ᭄ᬫᬗᬃᬤ᭄ᬥᬶᬢᬶᬢ᭄ᬬᬂ᭟ᬲᬬᬦ᭄ᬳᬶ᭠
ᬗᬸᬄᬧᬶᬢᬸᬗᬦᬾᬳᭂᬫ᭄ᬧᭂᬢ᭄ᬕᬢᬶ᭞ᬓ᭄ᬦᭂᬳᬾᬫ᭄ᬢᭂᬗᬂ᭞ᬳᬶᬩᬸᬓᬾᬲᬬᬦ᭄ᬫᬢᬶᬦ᭄ᬤᬶᬄᬲᬶᬂᬧᬶᬲᬦ᭄᭠ᬗ᭄ᬮᬄᬲ᭄ᬮᬜ᭟ᬓᭂᬩᬸᬲ᭄ᬩᬳᬂᬲᬢ᭄ᬫᬓᬫᬓᬲᬹᬃᬳᬧᬶ᭞ᬓ᭄ᬩᬸᬲᬾᬫᬗᭂᬦ᭄ᬢᬓ᭄ᬳᬫ᭄ᬩᬸᬮ᭄ᬧᬶᬢᬺᬧᬧᬵᬗᭂᬗ᭄ᬓᬶᬓ᭄
ᬬᬾᬄᬫᬢᬺᬦᬾᬫᭂᬫ᭄ᬩᬄ᭞ᬤᬶᬧ᭄ᬤᭂᬫᬦᬾᬫᬗ᭄ᬮᬶᬂ᭞ᬲᬶᬕ᭄ᬲᬶᬕᭂᬦ᭄ᬫᭂᬤᭂᬫ᭄ᬫᬕᬸᬬᬂ᭟ᬲᬬᬦ᭄ᬳᬶᬗᬹᬄᬱᬶᬢᬸᬗᬦᬾᬳᭂᬫ᭄ᬧᭂᬢ᭄ᬕᬢᬶ᭞ᬳᬶᬗᭂᬢ᭄ᬢᭂᬓᬾᬦ᭄ᬳᬯᬓ᭄ᬫᬲᬲᬫ᭄ᬩᬢᬦ᭄ᬓᬲ᭄ᬬᬰᬶᬄ᭞ᬫᬦ᭄ᬤᬸᬮᬫᬾᬲᬂᬫᬤᬶᬬᬂ᭟
Kaca:Bali-lontar-gaguritan-maselong-ka-jembrana-350ppi.pdf/32
Kaca puniki sampun kauji-wacén
