[᭑᭙ 19B]
᭑᭙
ᬮᬶᬬᬸᬳᬦᬓᬾᬜᭂᬦᬸᬓᬶᬦ᭄᭞ᬫᬓᬵᬤᬶᬕᬸᬲ᭄ᬢᬶᬧᬸᬗ᭄ᬕᬯ᭄ᬯᬵ᭞ᬓᬰ᭄ᬫᬵᬗᬾᬦ᭄ᬢᭂᬭᬂᬳᬢᬶ᭟ᬩ᭠ᬳᬸᬢ᭄ᬓᭂᬤ᭄ᬤᬶᬢᬸᬦ᭄ᬕᬓ᭄ᬮᬶᬬᬸᬳᬦᬓᬾᬫᬩᬮᬶᬄ᭞ᬘᬶᬦᬵᬓᬫ᭄ᬧᬸᬂᬩᬮᬶᬲ᭄ᬮᬫ᭄᭞ᬢᬓᬸᬢ᭄ᬢᬶᬢ᭄ᬬᬗᬾᬢ᭠
ᬢᬦ᭄ᬲᬶᬧᬶ᭞ᬩᬦᬾᬢᬸᬫ᭄ᬩᬾᬦ᭄ᬤᬲᬶᬧᬜ᭄ᬚᬓ᭄ᬲᬶᬂᬚᬮᬦ᭄ᬚᬮᬦ᭄ᬫᬗᭂᬫ᭄ᬧᬶ᭟ᬳᬓᬸᬤᬵᬩᬳᬦ᭄ᬦᭂᬕ᭄ᬢᭂ᭠ᬕᬂ᭞ᬓ᭄ᬦᭂᬳᬾᬩᬮᬶᬓ᭄ᬢᬸᬢᬸᬭᬶᬦ᭄᭞ᬓᬮᬶᬂᬓᬾᬳᬯᬓ᭄ᬫᬦᬸᬱ᭞ᬳᬫ᭄ᬩᬸᬮ᭄ᬳᬧᬵᬗ᭄ᬮᬄᬓᬾᬃᬢ᭄ᬢᬶ᭞ᬪᬝᬵᬭᬗ
ᬫᬳᬶᬦᬸᬘᬧ᭄᭞ᬲᬓᬮᬳ᭄ᬬᬂᬯᬶᬱ᭄ᬡᬸᬫᬹᬃᬢ᭄ᬢᬶ᭟ᬳᬓᬸᬤᬂᬢᬳᬸᬦ᭄ᬫᬧᬤᬃ᭞ᬤᬶᬳᬮᬲᬾᬧᬶᬦᬄᬓᬾᬭᬶᬲ᭄᭞ᬳᬶᬫᭀᬫᭀᬮᭀᬩᬓᬸᬮᬸᬭᬦ᭄᭞ᬳᬧᬦ᭄ᬮᬓᬃᬍᬢᬸᬄᬲᬳᬶ᭞ᬫᬗᬹᬮᬳᬂᬤᬶᬲ
ᬓᬮᬵ᭞ᬳᬢ᭄ᬫᬦᬾᬢ᭄ᬯᬭᬳᬶᬢᬸᬗᬶᬦ᭄᭟ᬜᬓᬤᬤᬶᬤᬲᬃᬓᬯᬄ᭞ᬲᬶᬂᬧᬶᬲᬦ᭄ᬦᬸᬮᬶᬄ᭠ᬓᬳᬸᬭᬶ᭞ᬤ᭄ᬭᭀᬯᬓᬵᬓᬾᬦ᭄ᬕᭂᬮᬄᬳᬦᬓ᭄᭞ᬧᬶᬭᬦ᭄ᬢᬶᬤ᭄ᬫᭂᬦ᭄ᬫᬗᬶᬤᬶᬄ᭞ᬢᬸᬯᬶᬓᬤᬤᬾᬦ᭄ᬩᬩᬸᬢ᭄ᬣ᭠
[᭒᭐ 20A]
ᬦ᭄᭞ᬢᭀᬂᬲᭀᬫ᭄ᬬᬩᬳᬦ᭄ᬜᬭᭀᬦᬶᬦ᭄᭟ᬳᬫ᭄ᬩᬸᬮ᭄ᬳᬧᬵᬩᬦ᭄ᬜᬾᬯᬓᬵ᭞ᬫᬗ᭄ᬤᬾ᭠ᬲᬦ᭄ᬢᭀᬱᬫᬗᭂᬭᬶᬢ᭄᭞ᬫᬗᬸᬢᬂᬓᬚᬫ᭄ᬩᬵᬭᬦᬵ᭞ᬭᬾᬄᬳᭂᬦ᭄ᬢᭀᬢᬓᬶᬢᬶᬦ᭄ᬕᬢᬶ᭞ᬳᬤᬬᬦ᭄ᬧᬶ
ᬲᬜᬧ᭄ᬭᬕᬢ᭄᭞ᬬᬾᬦ᭄ᬧᬘᬂᬫᬦᬶᬗ᭄ᬕᬮ᭄ᬕᬸᬫᬶ᭟ᬲᬸᬩᬲᬸᬳᬸᬤ᭄ᬓᬢᬵᬃᬧ᭄ᬧᬡᬵ᭞ᬕᬕᬸᬫᬸᬓ᭄ᬫᬭᬳᬩ᭄ᬲᬫᬶ᭞ᬩᬢᬺᬱᬸᬩᬫ᭄ᬢ᭄ᬭᬧᬂ᭞ᬗᬶᬂᬢᭀᬦ᭄ᬤᬾᬦ᭄ᬧ᭄ᬭᬕᬢ᭄ᬓᬮᬳᬶᬦ᭄᭞ᬳᬧᬂᬤᬵᬫᬸᬮᬶᬄᬫᬤ
ᬫᬃ᭞ᬤᬸᬦᬸᬗᬦᬾᬳᭂᬚᭀᬄᬕᬢᬶ᭟ᬩᬳᬦ᭄ᬢᬸᬫ᭄ᬩᬾᬦᬾᬫᬚᬮᬦ᭄᭞ᬮᬸᬤ᭄ᬢᬓᬸᬢ᭄ᬫᬤᬸᬮᬸᬃᬲ᭄ᬤᬶᬄ᭞ᬗᭂᬢᭀᬃᬳᭀᬳᭀᬤᬾᬚᬮᬦᬂ᭞ᬧ᭄ᬢᭂᬂᬕᬸᬫᬶᬦᬾᬮᬶᬬᬢᬶᬦ᭄᭞ᬫᬗ᭄ᬮᬶᬫᬸᬄᬧ᭄ᬮᬸᬳᬾᬫᭂᬫ᭄ᬩᬄ᭞
ᬢ᭄ᬓᭂᬤ᭄ᬤᬶᬤᬸᬦᬸᬗᬦ᭄ᬗ᭄ᬮᬶᬂ᭟ᬫᬕᭂᬬᬸᬳ᭄ᬫᭂᬤᭂᬫ᭄ᬧᬤᬶᬤ᭄ᬬᬦ᭄᭞ᬫ᭄ᬓᭂᬓ᭄ᬳᬗ᭄ᬓᬶᬳᬦᬾᬩ᭄ᬮᬶᬂ᭞ᬳᬯᬓᬾᬓᬸᬓᬸᬮ᭄ᬫᬓ᭄ᬚᬂ᭞ᬓᭂᬓᭂᬄᬳᬫ᭄ᬩᬸᬮ᭄ᬢᬶᬯᬂᬕᬸᬫᬶ᭞ᬳᭂᬫ᭄ᬧᭂᬢ᭄ᬩᬬᬸᬦᬾᬫᬓ᭄ᬚᬂ᭞ᬓᬧᭀᬳ᭄ᬦᬸᬲᬗ᭄ᬳ᭄ᬬᬂᬳᬸᬭᬶᬧ᭄᭟
Kaca:Bali-lontar-gaguritan-maselong-ka-jembrana-350ppi.pdf/20
Kaca puniki sampun kauji-wacén
