[᭑᭕᭕ 155B]
᭑᭕᭕
ᬓᬂᬧᬥᬗᬺᬱᭂᬧᬶᬦ᭄ᬩᬸᬓᬵᬗᭀᬮᬲ᭄ᬳᬮᬲ᭄ᬦᬕᬶᬄᬧᬓᬶᬭᬶᬫᬶᬦ᭄ᬓᬶᬤᬸᬂᬧᬗᬭᬂᬓᬓᬯ᭄ᬬᬦ᭄ᬳᬗ᭄ᬕᭀᬜᬲᬗᬹᬲ᭄ᬤᬶᬄᬧᬸᬥᬓ᭄ᬧᬡ᭄ᬥᬦᬾᬫᬲᬄᬲᬄᬳᬗ᭄ᬕᭀᬓᬭᬲ᭄ᬢᬸᬮᬶᬲ᭄ᬩᬦ᭄ᬓᬸᬓᬸ᭟ᬫᬳᬶᬭᬶᬩ᭄ᬓ᭄ᬤᭂᬄᬦᬸ᭠
ᬦ᭄ᬤᬾᬦᬂᬳᬧᬂᬲᬶᬤ᭄ᬥᬵᬜᬓ᭄ᬳᬩᬸᬓᬸᬤ᭄ᬯᬂᬩᬸᬓᬸᬓᬾᬢᭀᬬᬢᭀᬤᬶᬢᬸᬓᬮᬗᭂᬦᬾᬦᬕᬶᬄᬧᬭᬶᬓ᭄ᬳᬗ᭄ᬳᬶᬂᬢᬶᬢ᭄ᬬᬂᬩᬸᬤᬮ᭄ᬦ᭄ᬕᬓᬶᬦ᭄ᬚᬭᬦ᭄ᬫᬗ᭄ᬮᬯᬸᬢ᭄ᬩᬳᬦ᭄ᬓᬫᬵᬦᬸᬱᬦ᭄ᬤᬤᬶᬫᬓ᭄ᬦᭂᬄᬫᬸᬮᬶᬄᬦᬸᬳᬸᬢ᭄ᬧᬲᬶᬲᬶ
ᬦᬾᬚᬫ᭄ᬩᬢ᭄ᬢ᭄ᬕᬓᬦᬾᬓᭂᬢᭂᬩᬶᬦ᭄ᬮᬚᬸ᭟ᬦᬗᬶᬂᬫᬲᬶᬄᬳᬮᬶᬦᬮᬶᬦ᭄ᬫᬢᭀᬮᬶᬳᬦ᭄ᬓ᭄ᬤᬶᬲᬾ᭠ᬧᬥᬫᬸᬳᬸᬕ᭄ᬫᬯᬗ᭄ᬲᬶᬢ᭄ᬤᬶᬤᬸᬳᬸᬃᬓᬸᬓᬸᬭᬾᬲᬮᬾᬂᬘ᭄ᬓᬸᬭᬶᬦ᭄ᬮᬸᬯᬤ᭄ᬗᬮᬶᬄᬳᬸᬗ᭄ᬕ᭄ᬯᬦ᭄ᬓᬾᬧᬾᬢᬦ᭄ᬓᬫ᭄ᬧᬶᬤᬾ
ᬦᬫ᭄ᬩᬸᬂᬮᬦ᭄ᬢᬲᬦ᭄ᬫᬢᬶᬗ᭄ᬕᬄᬤᬶᬤᬮᬸᬗ᭄ᬤᬸᬗᬾᬮᬶᬕᬶᬃᬫᬳᬶᬭᬶᬩ᭄ᬫᬲᬲᬫ᭄ᬩᬢᬦ᭄ᬲ᭄ᬤᬶᬄᬢ᭄ᬯᬭᬵᬳᬤᬵ᭠ᬫᬗ᭄ᬭᬸᬗᬹ᭟ᬢᬶᬢ᭄ᬬᬂᬳᬶᬤᬮᬸᬗ᭄ᬤᬸᬂᬮᬶᬕᬶᬃᬲᬵᬫ᭄ᬧᬸᬦ᭄ᬮᬯᬲ᭄ᬓᬫᬸᬮᬦ᭄ᬩᬬᬸᬕᬦ᭄ᬢᬸᬢ᭄ᬫᬾᬄᬢ᭄ᬯᬭᬦᬸᬳᬶᬤᬸᬧ᭄ᬤ
[᭑᭕᭖ 156A]
ᬧᭂᬢ᭄ᬕᬸᬲ᭄ᬢᬶᬫ᭄ᬭᬶᬓᬶᬧᬜᬓᬶᬢ᭄ᬤᬤᬓᬦ᭄ᬳᬗᬶᬂᬢᬶᬢ᭄ᬬᬂᬩᭀᬬᬲᬸᬭᬸᬤ᭄ᬫᬦᬸᬗ᭄ᬕᬸᬭᬭᬗᬦ᭄ᬯᬾᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬗ᭄ᬕᭂᬦ᭄ᬢᭀᬲᬶᬦ᭄ᬓᬢᬧᬗᬾᬫᬭᬯᬾᬬᬦ᭄ᬫᬗᬬᭀᬦᬶᬦ᭄ᬫᬲᬦ᭄ᬤᬶᬂᬤᬶᬢᬸ᭟ᬲᬗ᭄ᬓᬦ᭄ᬲᬭᬸ᭠
ᬗᭂᬦᬄᬫᬩᬶᬦᬵᬩᬶᬦᬬᬦ᭄ᬳᬸᬮᬶᬚᭀᬄᬲᬬᬦ᭄ᬲᬫᬸᬦ᭄ᬫᬧᬦ᭄ᬢᬜ᭄ᬚᬸᬂᬕᬸᬦᬸᬗᬾᬗᭂᬜ᭄ᬚᭀᬃᬩᬸ᭠ᬓᬵᬦᬯ᭄ᬗᬶᬦ᭄ᬓᬢᬧᬗᬾᬢᬶᬗ᭄ᬕᬃᬓᬾᬯᬮᬵᬫ᭄ᬮᬄᬩᬦ᭄ᬳᬬᬸᬩ᭄ᬧᬭᬾᬭᬾᬦᬦ᭄ᬳᬦᬓ᭄ᬬᬾᬦ᭄ᬤᬮᬸᬗ᭄ᬤᬸᬗᬾ
ᬮᬶᬕᬶᬃᬓᬫ᭄ᬮᬳᬜᬦᬾᬢᬸᬦᬵᬢ᭄ᬯᬭᬵᬦᬸᬩᬸᬓᬵᬦᬾᬫᬮᬸ᭟ᬳᭂᬦ᭄ᬢᭀᬓ᭄ᬭᬡᬤᬤᬶᬗ᭄ᬮᬄᬫᬧᬗᭂᬦᬦ᭄ᬩᬳᬦ᭄ᬜᬦᬾᬓᬯ᭄ᬮᬰ᭄ᬬᬸᬦ᭄ᬤᭀᬦᬾᬲᬸᬩᬵᬮᬸᬢᬸᬓ᭄ᬫᬾᬄᬢᭀᬂᬳᬯᬾᬢ᭄ᬮᬦ᭄ᬢᬲ᭄ᬫᬵᬢᬶᬮᬶᬬᬸ᭠
ᬬᬾᬦ᭄ᬳᬸᬘᬧᬂᬲᬓᬢᭀᬦᬾᬩᬸᬓᬵᬲᬸᬗ᭄ᬲᬸᬢ᭄ᬧᬰᬶᬳᬾᬜᬶᬭᬶᬬᬂᬳᭀᬫ᭄ᬩᬓᬾᬮᬜ᭄ᬘᬮᬶᬜ᭄ᬘᬶᬦᭂᬫ᭄ᬧᬸᬄᬧᬭᬗᬦᬾᬗ᭄ᬭᬘᬓ᭄ᬫ᭄ᬩᬩᬃᬩᬢᬸᬓ᭄ᬭᭀᬢᭀᬓᬾᬮᬶᬬᬸ᭟ᬬᬾᬦ᭄ᬓᭂᬦᭂᬳᬂᬭᬱᬜᬫᬢᬢ᭠
Kaca:Bali-lontar-gaguritan-maselong-ka-jembrana-350ppi.pdf/156
Kaca puniki sampun kauji-wacén
