Kaca:Bali-lontar-gaguritan-maselong-ka-jembrana-350ppi.pdf/143

Saking Wikisource
Kaca puniki sampun kauji-wacén

[᭑᭔᭒ 142B]
᭑᭔᭒
ᬓᬵᬳᬭᬹᬫ᭄ᬫᬫᬦᬶᬲ᭄᭞ᬫᬗᬓ᭄ᬱᬫᬭᬶᬂᬳᬶᬤᬵᬲᬦᬾᬲᬫ᭄ᬬᬦ᭄᭟ᬯ᭄ᬬᬓ᭄ᬢᬶᬧ᭄ᬭᬚ᭄ᬜᬦ᭄ᬯᬕ᭄ᬫᬶᬫᬬ᭞ᬲᬢᬢᬵᬗᬼᬕᬦᬶᬦ᭄ᬳᬢᬶ᭞ᬲᬫᬶᬦᬶᬫ᭄ᬩᬮ᭄ᬗᬮᬧ᭄ᬓᬲᭀᬃ᭞ᬫᬓᬵᬤᬶᬳᬫᬸᬚᬶᬫᬸᬚᬶ᭞ᬓᬮᬶᬄᬲᬫᬶᬫᬧᬫᬶᬢ᭄᭠
ᬭᬶᬂᬳᬶᬤᬵᬧᬤᬡ᭄ᬥᬳᬕᬸᬂ᭞ᬧᬤᬡ᭄ᬥᬮᬶᬦ᭄ᬢᬂᬮᬾᬤᬂ᭞ᬲᬂᬳ᭄ᬬᬂᬧ᭄ᬭᬢᬗ᭄ᬕᬤᬶᬧᬢᬶ᭞ᬚᬕᬲᬸᬭᬸᬧ᭄᭞ᬲᬵᬫ᭄ᬧᬸᬦ᭄ᬳᬓᬸᬗ᭄ᬕᬂᬳᬘᬮᬵ᭟ᬤᭀᬓᬃᬲᬵᬫ᭄ᬧᬸᬦ᭄ᬫᬧᬓᬓᬲ᭄᭞ᬗᬦ᭄ᬢᭀᬲ᭄ᬭᬶᬂᬫᬃᬕ᭄ᬕᬶᬦᬾᬲᬫᬶ᭞ᬧᬤᬡ᭄ᬥᬓ᭠
ᬮᬶᬄᬯᬸᬲ᭄ᬫᬸᬗ᭄ᬕᬄ᭞ᬅᬋᬂᬥᬬᬸᬫᬥᬾᬭᬳᬶ᭞ᬧᬗᬶᬭᬶᬂᬮᬸᬄᬫᭀᬯᬦᬶ᭞ᬫᬩᬭᬶᬬᬸᬓ᭄ᬫᬸᬗ᭄ᬕᬄᬲᬵᬫ᭄ᬧᬸ᭠ᬦ᭄᭞ᬫᬫᬃᬕ᭄ᬕᬶᬫᬮᭀᬦ᭄ᬮᭀᬦᬦ᭄᭞ᬫᬃᬕ᭄ᬕᬦᬾᬍᬄᬜᭀᬮᭀᬂᬩ᭄ᬘᬶᬓ᭄᭞ᬲᬤᬵᬓ᭄ᬮᭀᬤ᭄᭞ᬓᭀᬘ᭠
ᬧ᭄ᬦᬸᬗ᭄ᬓᭂᬤ᭄ᬓᬲᬕᬭᬵ᭟ᬕᬸᬦᬸᬗᬾᬩᬤᬚᬵᬢᬶᬗ᭄ᬕᬃ᭞ᬫᬶᬭᬶᬩ᭄‌ᬦ᭄ᬮᭀᬓᬶᬦ᭄ᬳᬶᬧᬰᬶᬄ᭞ᬫᬦᬦ᭄ᬤᬶᬗᬂᬓᬫ᭄ᬮᬳᬦ᭄᭞ᬧᬥᬯᬶᬩᬸᬄᬫᬓᬓᬮᬶᬄ᭞ᬢ᭄ᬯᬭᬵᬩᬓᬢ᭄‌ᬓ᭄ᬦᭂᬳᬶᬦ᭄᭞ᬓᬬᬸᬦᬾᬳᬢᭂᬧ᭄ᬓᬬᬸᬦ᭄ᬳ᭄ᬬᬸᬦ᭄᭞
[᭑᭔᭓ 143A]
ᬮᬗᬵᭂᬢᬦ᭄ᬧᬳᬸᬧᬫᬵ᭞ᬧᬦ᭄ᬢᭂᬲ᭄ᬲᬂᬳ᭄ᬬᬂᬲ᭄ᬫᬭᬵᬭᬢᬶᬄ᭞ᬫᬓ᭄ᬬᬵᬮᬗᬹᬦ᭄᭞ᬫᬶᬤᭂᬭᬶᬂᬧᬲᬶᬃᬧᬃᬯ᭄ᬯ᭠ᬢ᭄ᬣᬵ᭟ᬫᬓ᭄ᬚᬂᬫ᭄ᬮᬄᬳᬯᬲᬂ᭞ᬳᬤᬵᬕ᭄ᬥᭀᬂᬕ᭄ᬥᬾᬕᬢᬶ᭞ᬳᬦ᭄ᬤᬸᬲᬾᬜᬼᬕ᭄ᬓᬭᬸᬭᬵ᭞ᬭᬱᬜᬗᭂᬦ᭄ᬢᭂᬕ᭄ᬓᬮᬗᬶᬢ᭄
᭞ᬧᬫ᭄ᬩᬸᬭᬸᬗᬦᬾᬜ᭄ᬭᬶᬢ᭄᭞ᬫᬸᬜᬶᬦᬾᬕ᭄ᬥᬾᬕ᭄ᬥᬾᬫᬘ᭄ᬩᬸᬂ᭞ᬗᬗᭀᬩ᭄ᬳᬗᭀᬩᬂᬚᬕᬢ᭄᭞ᬢᬸᬯᬶᬓ᭠ᬓᬦ᭄ᬢᬦ᭄ᬯᬂᬚᬯᬶ᭞ᬲᬸᬕᬶᬄᬤᬬᬵ᭞ᬢᭀᬂᬩᬓᬢ᭄ᬣᬶᬭᬸᬢᬸᬮᬤᬂ᭟ᬳᬤᬵᬜ᭄ᬚᬍᬫ᭄ᬧᬄᬫᬗᭂᬦᬄ᭞ᬫᬤᬶᬂᬤᬶᬂᬘᬭᬗ᭄ᬘᬂ᭠
ᬧᬸᬢᬶᬄ᭞ᬚᬫ᭄ᬩᬢᬦ᭄‌ᬗᭂᬲᬶᬫᬩᭂᬗᬤ᭄᭞ᬫᬶᬭᬶᬩ᭄ᬲᬶᬢᬸᬩᬦ᭄ᬥᬵᬯ᭄ᬬᬓ᭄ᬢᬶ᭞ᬢ᭄ᬯᬭᬵᬩᬓᬢ᭄‌ᬓ᭄ᬦᭂᬳᬶ᭠ᬦ᭄᭞ᬯᬶᬭᬾᬄᬧᬓᬵᬃᬬ᭄ᬬᬦ᭄ᬳ᭄ᬬᬂᬯᬶᬱ᭄ᬡᬸ᭞ᬢᭀᬂᬳᬤᬵᬩᬦᬶᬦᭀᬗ᭄ᬕᬵ᭞ᬧᬭᬵᬭᬢᬸᬦᬾᬩᬋᬱ᭄ᬳᬶᬄ᭞ᬓᬮᬄᬮᬸ
ᬚᬸᬕ᭄‌ᬳᬤᬵᬫᬲ᭄ᬭᬄᬕᭀᬤᭀᬕᬦ᭄᭚᭜᭚ᬤᬂᬤᬂ᭚ᬢᬦ᭄ᬘᬭᬶᬢᬵᬤᬶᬚᬮᬦᬾᬚᬦᬶ᭞ᬩᬸᬯᬶᬦ᭄ᬳᬸᬘᬧᬂ᭞ᬢ᭄ᬓᭂᬤ᭄ᬤᬶᬦᬵᬕᬭᬧᬥᬗᬸᬗ᭄ᬲᬶᬤᬸᬦᬸᬗᬦᬾ᭞ᬤᬶᬕ᭄ᬥᭀᬗᬾᬫᬢᭂᬫ᭄ᬩᬸᬦ᭄᭞᭠