Kaca:Bali-lontar-gaguritan-maselong-ka-jembrana-350ppi.pdf/137

Saking Wikisource
Kaca puniki sampun kauji-wacén

[᭑᭓᭖ 136B]
᭑᭓᭖
ᬜ᭄ᬚᬶᬂᬭᬭᬶᬲ᭄ᬫᬦ᭄ᬢᬸᬓᬦ᭄᭞ᬲᬕᬾᬢ᭄‌ᬗᭂᬦᬄᬬᬲᬫᬸᬤ᭄ᬭᬦᬾᬗᭂᬦ᭄ᬤᬶᬄ᭞ᬫᬩᬳᬩᬄᬲᬃᬯ᭄ᬯ᭠ᬮᬸᬳᬸᬂ᭞ᬮᬮᬸᬳᬸᬭᬾᬗ᭄ᬭᬜᬩ᭄᭞ᬳᬶᬤᭂᬃᬳᬶᬤᭂᬃᬜᬦᬾᬫᬸᬢᬾᬧᬸᬢᬶᬄᬢ᭄ᬭᬸᬲ᭄᭞ᬢᬫ᭄ᬧᬸᬮ᭄ᬫᬓᬧᬸᬢ᭄ᬫ᭠
ᬓ᭄ᬚᬂ᭞ᬕᬶᬦ᭄ᬮᬃᬧᬭᬫᬶᬤᬫᬶ᭟ᬩᬮᬾᬦᬾᬩᬤᬗᬶᬦ᭄ᬜᬭᬩ᭄᭞ᬫᬩᬳᬩᬄᬳᬶᬤᭂᬃᬳᬶᬤᭂᬭᬾᬳᬮᬶᬫ᭄᭞ᬮᬮᬸᬳᬸᬃᬲᬃᬯ᭄ᬯᬕᬕᬸᬮᬸᬂ᭞ᬮᬗ᭄ᬲᬾᬲᬸᬢᬺᬫᬭᬾᬦ᭄ᬤᬄᬓᬲᬹᬃᬢ᭄ᬕᭂᬄᬧᬧᬚᬗᬦ᭄ᬜᬦᬾᬮᬸᬳᬸᬂ
ᬫᬢᬧᬶᬢ᭄ᬩᬳᬦ᭄ᬲᬗᬦᬦ᭄᭞ᬲᭀᬭᭀᬄᬲᬸᬢᬺᬳᬮᬶᬫ᭄ᬳᬮᬶᬫ᭄᭟ᬳᭂᬕᭀᬗᬾᬦᬩᬸᬄᬓᬭᬸᬭᬵᬮᬾᬦ᭄ᬢᭀᬳᬗ᭄ᬓᭂᬮᬸᬂᬭᬫ᭄ᬬᬗᬼᬕᬦᬶᬦ᭄ᬳᬢᬶ᭞ᬢᬫ᭄ᬬᬸᬦᬾᬫᬤᭂᬦ᭄ᬤᭂᬦ᭄ᬮᬶᬬᬸ᭞ᬘᬢᬹᬃᬯᬗ᭄ᬰᬢ᭄ᬮ
ᬲᬦ᭄᭞ᬜᬦ᭄ᬤᬂᬯᬦ᭄ᬢᬄᬓᬃᬬ᭄ᬬᬦ᭄ᬳᬶᬤᬵᬤᬡ᭄ᬥᬳᬕᬸᬂ᭞ᬦᬾᬓᬲᬸᬩ᭄ᬭᬶᬂᬚᬫ᭄ᬩᬭᬡᬵ᭞ᬓᬮᬸᬫ᭄ᬩᬺᬭᬯᬸᬄᬓᬚᬯᬶ᭟ᬫᬯᬶᬦ᭄ᬓᬳᬶᬘᬾᬦ᭄ᬩᬶᬦ᭄ᬢᬂ᭞ᬫᬸᬗ᭄ᬕᬄᬧᬗ᭄ᬓᬢ᭄‌ᬘᬾᬱ᭄ᬝᬓᬭᬢᬹᬃᬭᬶᬭᬶᬄ᭞ᬧᬚ᭄ᬜ᭠
[᭑᭓᭗ 137A]
ᬦ᭄ᬧ᭄ᬭᬢᬫᬾᬂᬧᬗᬯ᭄ᬭᬸᬄᬤᬃᬫ᭄ᬫᬵᬖᬦᬵᬳᬸᬧᬫᬵ᭞ᬢᬸᬯᬶᬳᬦᬸᬢ᭄‌ᬧ᭄ᬲᬾᬗᬦ᭄ᬧᬥᬡ᭄ᬥᬵᬳᬕᬸᬂ᭞ᬳᬰᬶᬳᬶᬂᬯᭀᬂᬓᬯ᭄ᬮᬲᬃᬱᬦ᭄᭞ᬲᬢᬢᬵᬗᬼᬕᬦᬶᬦ᭄ᬳᬢᬶ᭟ᬳᬲᬓ᭄ᬱᬡᬲᬕᬾᬢ᭄
ᬢ᭄ᬓᬵ᭞ᬧᬜᬫ᭄ᬩ᭄ᬭᬫᬵᬫᬯᬥᬄᬩᭀᬓᭀᬃᬲᬫᬶ᭞ᬳᭂᬢᬾᬄᬓᬸᬧᬶᬲᬧᬓᬬᬸᬦ᭄᭞ᬘᬯ᭠ᬦ᭄ᬳᬮᬶᬫ᭄ᬫᬧ᭄ᬭᬤ᭄ᬥᬵ᭞ᬫᬫᬦᬶᬲᬦ᭄‌ᬲᬕᬮᬭᬹᬧᬫᬢᬸᬭᬸᬢ᭄᭞ᬘᬶᬳ᭄ᬦᬵᬦᬶᬂᬲᬸᬕᬶᬄᬯᬶᬪᬯ᭄ᬯ᭞ᬢ᭄ᬯᬭᬓᬸᬯᬂ᭠
ᬲᬸᬓᬵᬤᬕᬶᬂ᭟ᬲᬸᬳᬸᬤ᭄ᬗᬸᬧᬶᬫᬤᬩ᭄ᬤᬩᬦ᭄᭞ᬚᬕᬫ᭄ᬤᬮ᭄ᬳᬶᬤᬵᬬᬸᬲᬋᬂᬲᬫᬶ᭞ᬫᬓᬫ᭄ᬩᭂᬦ᭄ᬧ᭄ᬭ᭠ᬜ᭄ᬘᬶᬲ᭄ᬥᬥᬸ᭞ᬫᬲᬩᬸᬓ᭄ᬲᬸᬢᬺᬱᬫᬃ᭞ᬫᬲᬗ᭄ᬓᬸᬳᬸᬩ᭄‌ᬓᬓᬜ᭄ᬘᬦ᭄‌ᬩᬶᬜ᭄ᬫᬵᬲ᭄ᬳᬮᬸᬲ᭄᭞ᬫᬓ᭄ᬚᬂᬫᬩ᭄ᬕᬸᬗ᭄ᬳᬵ
ᬳ᭄ᬫᬲ᭄‌ᬩᬸᬗ᭄ᬓᬸᬂᬩᬺᬮᬶᬬᬦ᭄ᬤᬶᬓᬘᬶᬂ᭟ᬫᬕ᭄ᬮᬂᬧᬢᬸᬄᬫᬓ᭄ᬚᬂ᭞ᬚ᭄ᬕᬾᬕ᭄ᬚᭂᬕᬾᬕ᭄ᬧᬳᬸᬢ᭄ᬫᬳᭂᬩᭀᬫᬶᬳᬶᬓ᭄᭞ᬗᬦ᭄ᬢ᭄ᬬᬂᬫᬧᬧᬲᬃᬧᭂᬲᬸ᭞ᬫᬶᬭᬶᬗᬦ᭄ᬢᬸᬫ᭄ᬩᬓ᭄ᬩᬭᬓ᭄᭞ᬳᬸᬩᬃᬳᬩᬶᬃᬓᬸᬦᬶᬂᬕᭀᬩᬦ᭄ᬜᬦᬾ