[᭑᭑᭙ 119B]
᭑᭑᭙
ᬤᬶᬤᬾᬰᬰᬶᬯ᭄ᬯᬵᬫᬮᬸᬗ᭄ᬕᬸᬄᬳᬧᬦ᭄ᬧᬥᬵᬰᬓ᭄ᬢᬶᬤᬳᬢ᭄᭟ᬢᭀᬲᬸᬂᬲᬸᬂᬭᬳᬶᬦᬵᬯ᭄ᬗᬶᬤᬵᬫ᭠ᬭᬶᬫᬭᬶᬗᬶᬱ᭄ᬝᬶᬬᬂᬧᬗᬸᬮᬸᬓᬮ᭄ᬯᬶᬳᬦᬾᬓ᭄ᬭᬦᬵᬢᬸᬗ᭄ᬕᬮ᭄ᬓᬧᬶᬃᬲ᭄ᬮᬫ᭄ᬳᬧᬦ᭄ᬳᭂᬦ᭄ᬢᭀᬗᬤᬓᬂᬓᬾᬯᬮᬵᬫᭂ
ᬮᬾᬦᬦ᭄ᬮᬸᬗ᭄ᬕᬸᬄᬤᬵᬫᬸᬗ᭄ᬓᭂᬮᬶᬦ᭄ᬫᬓᬵᬤᬤ᭄ᬯ᭚ᬲᬶᬦᭀᬫ᭄᭚᭜᭚ᬩ᭄ᬧ᭄ᬬᬳᬶᬘᬾᬦ᭄ᬢᬶᬢ᭄ᬬᬂᬤᬾᬯ᭄ᬯᬵᬲᬗᬸᬦᬾᬳᬸᬢᬫᬧᬶᬗᬶᬢ᭄ᬧᬓᬩᬃᬓᬬᬸᬦ᭄ᬲᬸᬓ᭄ᬱ᭄ᬫᬫᬸᬂᬗᬶᬧᬸᬂᬢᬶᬢ᭄ᬬᬂᬓᬭᬶᬳᬸᬭᬶ᭠
ᬧ᭄ᬳᬯᬦᬦᬾᬦ᭄ᬤᬸᬫᬤᬶᬳᬶᬲᬶᬦᬶᬦ᭄ᬩ᭄ᬓᭂᬮ᭄ᬧᬦᬸᬤᬸᬄᬳᬚ᭄ᬜᬦᬦᬾᬫᬸᬓᬸᬤᬦ᭄ᬭᬭᬶᬲ᭄ᬯ᭠ᬱ᭄ᬝᬵᬢᬶᬢ᭄ᬬᬂᬕᬸᬲ᭄ᬢᬶᬫᬃᬕ᭄ᬕᬶᬤᬬᬸᬄᬮ᭄ᬬᬂᬤᬶᬢᬸᬫᬜ᭄ᬚᬸᬚᬸᬭᬂ᭟ᬲᬢ᭄ᬫᬓᬵᬫᬜᬸᬗ᭄ᬲᬸᬂᬩᬸᬮᬦ᭄ᬯᬶᬦ᭄ᬥᬸᬯᬦ᭄ᬢᬶ
ᬢ᭄ᬬᬂᬗᬸᬮᬢᬶᬫᬢᬸᬗ᭄ᬕᬮᬦ᭄ᬢᭂᬓᬾᬦ᭄ᬩᬶᬦ᭄ᬢᬂᬢ᭄ᬭᬗ᭄ᬕᬡᬤᬶᬢᬸᬫᬲᬦ᭄ᬤᬶᬂᬩᬳᬦ᭄ᬕᬸᬲ᭄ᬢᬶᬦᬾᬍᬯᬶᬄᬲᭂᬗ᭄ᬓᬵᬩᬦ᭄ᬢᬶᬢ᭄ᬬᬂᬗᬭᬸᬭᬸᬄᬲᬗ᭄ᬓᬦ᭄ᬚᬦᬶᬢᬸᬗᬤᬄᬩ᭄ᬗᭀᬂᬫᬗᬶᬯᬲᬶᬦ᭄ᬮᬗᬶᬢ᭄ᬧᬶᬤᬦ᭄ᬮᬩᬸᬄ
[᭑᭒᭐ 120A]
ᬢᭀᬗᭀᬲᬾᬗ᭄ᬕᬕᬦᬵᬦ᭄ᬢᬭ᭟ᬢᬾᬚᬵᬗᭂᬦᬄᬫᬢᬺᬫᬢᬺᬓᬾᬢᭀᬲᬫᬜᬬᬾᬦ᭄ᬢᬦ᭄ᬤᬶᬂᬩᬶᬡ᭄ᬝᬂᬓᬸᬓᬸᬲᬾᬤᬸᬮᬄᬫᬜ᭄ᬚᭂᬍᬕ᭄ᬳᬦ᭄ᬤᬸᬲᬾᬧᬸᬢᬶᬄᬩᬬᬵᬦ᭄ᬢᭀᬫ᭄ᬭᬕᬕᬸᬲ᭄ᬢᬶᬓᬾᬦ᭄ᬓᬾ᭠
ᬦ᭄ᬩᬳᬦ᭄ᬢᬶᬢ᭄ᬬᬂᬜᬸᬚᬸᬄᬬᬦ᭄ᬢᬦ᭄ᬳᬤᬵᬰᬶᬄᬤᬾᬯ᭄ᬯᬵᬫᬦᬸᬕ᭄ᬭᬳᬶᬦ᭄ᬢᬶᬢ᭄ᬬᬂᬕᬸᬲ᭄ᬢᬶᬩᭀᬬᬭᬯᬸᬄᬳᬧᬦ᭄ᬢᭀᬗᭀᬲᬾᬩᭂᬲ᭄ᬲᬸᬯᬢ᭄᭟ᬳᭂᬦ᭄ᬢᭀᬓ᭄ᬭᬦᬵᬢᬶᬢ᭄ᬬᬂᬩᬸᬗ᭄ᬲᬂᬕᬸᬲ᭄ᬢᬶᬩᬲ᭄ᬥᬸᬯᭂᬕ᭄ᬗᬸᬮᬦᬶᬦ᭄
ᬦᬾᬚᬦᬶᬩᬳᬸᬫᬭᬾᬓᬵᬩᬳᬦᬾᬩᬸᬫᬭᬵᬓᬰᬶᬄᬧᬥᬢᬺᬱ᭄ᬡᬵᬫᬓᬶᬮᬶᬢ᭄ᬢᬦ᭄ᬫᬭᬶᬮᬦ᭄ᬢᬲ᭄ᬫᬤᬸᬮᬸᬃᬳᬶᬦ᭄ᬤ᭄ᬭᬶᬬᬦᬾᬫᬓᬤᬵᬓᬢᬼᬩ᭄ᬓ᭄ᬦᭂᬳᬾᬧᬮᬶᬂᬓᬤᬸᬂᬘᬸᬮᬸᬓ᭄ᬓᬢᬸᬢ᭄ᬢᭀᬂᬤᬤᬶᬧᬮ᭠
ᬲᬂ᭟ᬬᬾᬦ᭄ᬩ᭄ᬮᬲ᭄ᬳᬗᬦ᭄ᬳᬤᬶᬦᬵᬲᬢ᭄ᬲᬢ᭄ᬩᬸᬓᬵᬢ᭄ᬮᬸᬂᬯᬳᬶᬤᬵᬚᬕᬸᬲ᭄ᬢᬶᬮ᭄ᬯᬲ᭄ᬮ᭄ᬯᬲ᭄ᬧᬲᬶᬦ᭄ᬳ᭄ᬬᬦ᭄ᬮᬸᬯᬲ᭄ᬫᬮᬮᬶᬳᬚᭂᬧ᭄ᬮᬸᬯᬲ᭄ᬳᬾᬗ᭄ᬕᬮ᭄ᬫᬸᬮᬶᬄᬫᬗ᭄ᬕᬸᬗ᭄ᬤᬕ᭄ᬮᬶᬲ᭄ᬫᬮᬶᬄᬭᬯᬸᬄᬳᬧᬦ᭄ᬢ᭄ᬯᬭᬵᬤᬵᬮᬾᬦ᭠
Kaca:Bali-lontar-gaguritan-maselong-ka-jembrana-350ppi.pdf/120
Kaca puniki sampun kauji-wacén
