[᭑᭑ 11B]
᭑᭑
ᬤᬮ᭄ᬓᬫᬚᬧᬳᬶᬢ᭄᭞ᬧ᭄ᬭᬪᬸᬲᬸᬡ᭄ᬥᬗᭂᬢᬸᬢ᭄ᬧᬸᬗ᭄ᬓᬸᬭᬦ᭄᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬧᬶᬢᬶᬸᬭᬂᬤᬶᬦ᭄ᬢᭂᬦ᭄ᬢᬦ᭄ᬓᬘ᭄ᬭᬶᬢ᭞ᬲᬲᬫ᭄ᬧᬸᬦ᭄ᬓᬶᬧᬢᬶᬄᬫᬥᬸᬫᬧᬫᬶᬢ᭄᭞ᬧᬜ᭄ᬚᬓ᭄ᬲᬸᬡ᭄ᬥᬲᬫᬶᬳᬶᬫ᭄ᬧᬸᬢ᭄᭞ᬗᬢᬸᬭᬂᬳᬬᬄᬫᬓᬃᬬ᭄ᬬ᭞ᬩᭂᬓᭂᬮ᭄ᬮᬸ
ᬗ᭄ᬳᬵᬓᬫᬚᬧᬳᬶᬢ᭄ᬓᬯᬸᬯᬸᬲ᭄᭞ᬜᬤ᭄ᬬᬗᬶᬭᬶᬂᬲᬶᬭᬦᬵᬣ᭞ᬫᬜᬋᬗᬶᬦ᭄ᬭᬤᬾᬦ᭄ᬤᬾᬯᬶ᭟ᬓᬢᬄᬩᬳᬶᬢᬦᬾᬲᬢᬓ᭄᭞ᬲᬾᬬᭀᬲ᭄ᬫᬮᬶᬄᬳᬶᬦᬸᬘᬧ᭄ᬓᬯᬶᬮᬗᬶᬦ᭄᭞ᬧ᭄ᬭᬵᬧ᭄ᬢᬓᬮᬶᬄᬳᭂᬯᬸᬧ᭄ᬭᬳᬸ᭞ᬕᬚᬄᬓᬸᬤᬧ
ᬮᬶᬗ᭄ᬕᬶᬳᬦ᭄᭞ᬲᬮᬸᬯᬶᬃᬜᬧᬶᬭᬦ᭄ᬢᬶᬦᬶᬂᬲᬂᬦᬵᬣᬭᬢᬸ᭞ᬲᬫᬶᬯᬸᬲ᭄ᬢᭂᬕᭂᬧ᭄ᬲᬬᬕ᭞ᬳᭂᬩᭂᬓ᭄ᬚᭂᬚᭂᬮ᭄ᬭᬶᬂᬧᬲᬶᬲᬶᬃ᭟ᬲᬦᬾᬫᬗ᭄ᬓᬶᬦ᭄ᬓᬘ᭄ᬭᬶᬢᬬᬂ᭞ᬲᬶᬭᬦᬵᬣᬯᬸᬲ᭄ᬧ᭄ᬭᬵᬧ᭄ᬢᬭᬶᬂᬧᬲᬶᬲᬶᬃ᭞ᬘᬶᬳ᭄ᬦᬦ᭄ᬚᬕᬢᬾᬢᬦ᭄ᬧᬢᬸᬢ᭄᭞ᬢᭀᬬ
ᬦ᭄ᬲᬕᬭᬫᬓ᭄ᬮᬶᬳᬄ᭞ᬫᬯᬃᬡ᭄ᬦᬩᬂᬧᬓ᭄ᬱᬶᬕᭀᬯᬓ᭄ᬧᬓᭂᬩᬸᬃᬩᬸᬃ᭞ᬲ᭄ᬯᬭᬦ᭄ᬜᬦᬾᬗᬮᬤᬮᬤ᭄᭞ᬲᬳᬫᬗᬸᬢᬳᬂᬕᭂᬢᬶᬄ᭟ᬓᬤᬶᬲᭂᬤᬶᬄᬲ᭄ᬯᬭᬦ᭄ᬳᬶᬕᭀᬯᬓ᭄᭞ᬧᬶᬦᬓᬧᬯᬸᬗᬸᬭᬶᬂᬲᬂᬪᬹᬧᬢᬶ᭞ᬫ
[᭑᭒ 12A]
᭑᭒
ᬗ᭄ᬤᬲᬵᬫ᭄ᬧᬸᬦ᭄ᬳᬶᬤᬓᬤᬸᬭᬸᬲ᭄᭞ᬧᬘᬂᬫᬗ᭄ᬮᬦ᭄ᬢᬸᬭᬂᬮᬫ᭄ᬧᬄ᭞ᬫᬤᬸᬃᬕ᭄ᬕᬫᬵᬧᬫᬃᬕ᭄ᬕᬶᬦ᭄ᬳᬶᬤᬲᬂᬧ᭄ᬭᬪᬸ᭞ᬲᬶᬦᬄᬳᬶᬤᬧᬘᬂᬭᬸᬲᬓ᭄᭞ᬘᬶᬳ᭄ᬦᬦ᭄ᬚᬕᬢᬾᬢᬦ᭄ᬩᭂᬘᬶᬓ᭄᭟ᬲᬂᬧ᭄ᬭᬪᬸᬢᬦ᭄ᬗᬋᬗᬬᬂ᭞ᬭᬶᬗᬶᬦ᭄ᬤᬶᬓ᭄ᬧ᭄ᬭᬘᬶᬭᬶᬦ᭄ᬚᬕᬢᬾ
ᬲᬫᬶ᭞ᬢᭂᬳᭂᬃᬓᬬᬸᬦ᭄ᬳᬶᬤᬲᬫ᭄ᬧᬸᬦ᭄᭞ᬜᬤ᭄ᬬᬧᬘᬂᬫᬜᬗ᭄ᬓᭂᬧᬂ᭞ᬚᬢᬸᬓᬃᬫ᭄ᬫᬧᬸᬢ᭄ᬭᬦ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬗᬶᬭᬶᬂᬯᬶᬮᬢᬶᬓ᭄ᬝᬦᬵᬣ᭞ᬲᬸᬩᬬᬦᬾᬲᬫ᭄ᬧᬸᬦ᭄ᬧᬱ᭄ᬝᬶ᭟ᬲᬂᬦᬵᬣᬮᬦ᭄ᬓᬸᬮᬯᬃᬕ᭄ᬕ᭞ᬧᬧᬢᬶᬄ
ᬢᬡ᭄ᬥᬫᬦ᭄ᬢ᭄ᬭᬶᬫᬓᬲᬫᬶ᭞ᬧᬸᬗ᭄ᬕᬯᬲᬳᬵᬢᬸᬫᭂᬗ᭄ᬕᬸᬂ᭞ᬧᬭᬯᬶᬭᬲᬺᬕᭂᬧ᭄ᬲᬜ᭄ᬚᬢ᭞ᬲᬫ᭄ᬧᬸᬦ᭄ᬫᬸᬗ᭄ᬕᬄᬩᬳᬶᬢᬧ᭄ᬭᬳᬸᬦᬾᬧᭂᬦᬸᬄ᭞ᬳᭂᬩᭂᬓ᭄ᬚᭂᬚᭂᬮ᭄ᬫᬕᬶᬳᬓᬦ᭄᭞ᬲᬫᬶᬫᬸᬗ᭄ᬕᬄᬮ᭄ᬬᬗᬢᬶ᭟ᬭᭀᬦ᭄ᬢᬾ
ᬓ᭄ᬓᭀᬩᬾᬃᬮᬦ᭄ᬕᬫ᭄ᬩᭂᬮᬦ᭄᭞ᬲᬳᬧᬶᬭᬦ᭄ᬢᬶᬦᬶᬂᬳᬕᬸᬗᬾᬮᬸᬯᬶᬄ᭞ᬲᬶᬦᬫ᭄ᬬᬦ᭄ᬘᬸᬫᬯᬶᬲ᭄ᬲᬫ᭄ᬧᬸᬦ᭄᭞ᬲᭀᬯᬂᬲᭀᬯᬂᬗᬫᭀᬂᬕᬕᬶᬡᬦ᭄᭞ᬲᬫ᭄ᬧᬸᬦ᭄ᬢ᭄ᬭᬕ᭄ᬬ᭞ᬧᬫᬃᬕ᭄ᬕᬶᬦᬾᬯᬸᬲ᭄ᬗᬮᬦ᭄ᬢᬸᬃ᭞ᬩᬳᬶᬢᬧ᭄ᬭ
