Kaca puniki sampun kauji-wacén
[᭙᭒ 92B]
᭙᭒
ᬤᬸᬫᬤᬶᬚᬤ᭄ᬫ᭞ᬚᬮᬦ᭄ᬧᬶᬮᬶᬄᬗᬮᬶᬄᬳᬶᬩᬸ᭞ᬳᬦᬾᬗ᭄ᬮᬄᬳᬲᬶᬄᬲᬬᬂ᭞ᬳ᭄ᬤᬤᬤᬭᬶ᭞ᬳᬦᬾᬢᬦ᭄ᬗᭂᬮᬄᬧ᭄ᬢᬺᬱ᭄ᬡ᭟ᬧᬶᬮᬶᬄᬤᬶᬫᬦᬸᬱᬮᭀᬓ᭞
ᬓᬤᭀᬂᬚᬫᬫᬾᬫᬾᬓ᭄ᬤᬶᬲ᭄᭞ᬯᬶᬭᬾᬄᬳᬶᬬᬢ᭄ᬯᬭᬓᬸᬯᬂ᭞ᬲᬬᬂᬜᬦᬾᬢ᭄ᬓᬾᬦ᭄ᬲᬸᬦᬸ᭞ᬯᬶᬭᬾᬄᬢᬦ᭄ᬳᬤᬍᬩᬶᬳᬦ᭄᭞ᬢ᭄ᬓᬾᬦ᭄ᬲᬓᬶᬢ᭄᭞ᬤᬤᬶ
ᬭᬭᬾᬓᬸᬢᬂᬩ᭄ᬬᬗᬸᬄᬲᬶᬦᭀᬫ᭄᭟ᬫᬶᬭᬶᬩ᭄ᬭᬸᬧᬲᬧᬸᬦᬶᬓ᭞ᬬᬦ᭄ᬧᬃᬡ᭄ᬦᬤᬕᬶᬗᬶᬂᬢᬗᬶᬲ᭄᭞ᬢᬶᬬᬶᬗᬾᬮᬶᬗ᭄ᬲᭂᬄᬮᬶᬗ᭄ᬲᭂᬳᬦ᭄᭞ᬫᬓ᭄ᬭᬾᬬᭀᬢ᭄ᬢᭂ
ᬫ᭄ᬧᬸᬳᬶᬦ᭄ᬳᬗᬶᬦ᭄᭞ᬮ᭄ᬯᬶᬃᬜᭂᬓᭂᬲᬂᬲᬂᬮᬮᬶᬲ᭄᭞ᬦᬾᬳᬾᬤᬦ᭄ᬫᬦᬶᬗ᭄ᬕᬮ᭄ᬲᬸᬦᬸ᭞ᬢᭀᬬᬦᬾᬜᭂᬩᬸᬭᬶᬦ᭄ᬳᬸᬭᬂ᭞ᬧᬗ᭄ᬓᬸᬂᬘᬸᬧᬶᬢ᭄ᬓᬢᬶᬩᬦᬶᬦ᭄᭞ᬓ
[᭙᭓ 93A]
ᬤᬶᬗ᭄ᬭᬸᬫᬸᬓ᭄᭞ᬗᬸᬧᭂᬢ᭄ᬲᬂᬫᬗᬸᬢᬂᬧᬸᬢ᭄ᬭ᭟ᬳᬶᬘ᭄ᬭᬸᬓ᭄ᬘᬸᬓ᭄ᬮᬦ᭄ᬩᬸᬘᬶᬘ᭞ᬗ᭄ᬭᬘᭀᬜᭂᬮ᭄ᬲᭂᬮ᭄ᬲᬂᬮᬮᬶᬲ᭄᭞ᬫᬶᬭᬶᬩ᭄ᬲᬧᬸᬦᬶᬓᬗᬸᬘᬧ᭄᭞ᬜᬫ
ᬩ᭄ᬭᬬᬫᬓ᭄ᬚᬂᬤᬶᬦᬶ᭞ᬳ᭄ᬤᬦᬶᬭᬸᬯᬶᬤ᭄ᬬᬤᬭᬶ᭞ᬦᬾᬩᬸᬤᬸᬄᬗᬸᬗ᭄ᬕᬳᬶᬦ᭄ᬓᬓᬸᬂ᭞ᬮᬯᬸᬢ᭄ᬫᬭᬗ᭄ᬮᬄᬧ᭄ᬬᬦᬓ᭄᭞ᬓᬕᬾᬢ᭄ᬫᬗᭂᬲᭂᬂᬓᬮᬳᬶᬦ᭄᭞ᬗᬸᬮᬄᬳᬮᬸᬄ᭞
ᬗᬮᬶᬄᬳᬾᬮᬄᬧᬤᬶᬤ᭄ᬬᬦ᭄᭟ᬢᬸᬮᬄᬓᬾᬦ᭄ᬧᬕᬯᬾᬕ᭄ᬮᬄ᭞ᬲᬂᬳ᭄ᬬᬂᬳᬢ᭄ᬫᬦᬾᬫᬶᬲᬶᬲᬶᬧ᭄᭞ᬲᬢ᭄ᬗᬃᬤ᭄ᬥᬶᬲᬸᬯᬸᬂᬤᬶᬚᬕᬢ᭄᭞ᬳᬶᬫ᭄ᬩᬢᬦ᭄ᬜᬦ᭄ᬤᬂᬢᬸᬭᬸ
ᬢᬶᬦ᭄᭞ᬦᬄᬧᬂᬳᬶᬤᬗᬧ᭄ᬤᬗᬧ᭄ᬦ᭄ᬤᬶᬭᬶ᭞ᬦᬶᬭᬸᬗᬸᬢᬂᬗᬸᬢᬂᬢᬮᬸᬄ᭞ᬲᬶᬂᬚᬮᬦ᭄ᬚᬮᬦ᭄ᬓᭂᬧ᭄ᬮᭀᬲᬂ᭞ᬫᬓᭂᬩᬸᬃᬫᬶᬍᬄᬓᬮᬳᬶᬦ᭄᭞ᬜᭂᬦ᭄ᬢᭀ
