Kaca:Bali-lontar-gaguritan-lokika-02-450ppi.pdf/87

Saking Wikisource
Kaca puniki sampun kauji-wacén

[᭘᭖ 86B]
᭘᭖
ᬢ᭄‌ᬢᬺᬧ᭄ᬢᬶ᭞ᬲᬳᬶᬕ᭄ᬦᭂᬧ᭄ᬢᬦ᭄ᬧᬓᬶᬭᬂ᭟ᬲᬲ᭄ᬯᬾᬦᬾᬫᬶᬲᬶᬮᭀᬩ᭞ᬳᬫᭀᬦᬶᬦ᭄ᬓᬢᬸᬬᬸᬄᬗᬮᬶᬄ᭞ᬯᬶᬭᬾᬄᬫ᭄ᬭᬲᬓ᭄ᬯᬂ᭞ᬚᬦ᭄ᬢᭀᬲ᭄ᬧᬮᬶᬂᬫᬶᬜ᭄ᬘᬃᬫᬶᬜ᭄ᬘᬃ
ᬚᬢᬶᬦ᭄ᬦᬾᬫᬯᬓ᭄ᬲᬗ᭄ᬲᬭ᭞ᬢᬦ᭄ᬧᬢᭂᬧᬶ᭞ᬲᬕᬭᬯᬾᬭᬲᬫᬶᬦ᭄ᬜ᭟ᬲᬗ᭄ᬓᬦ᭄ᬳᬶᬤᬲᬂᬤᬶᬦᬶᬸᬓ᭄ᬱᬶᬢ᭞ᬲ᭄ᬯᬮᬮᬶᬢᬓᬋᬕᭂᬧ᭄ᬲᬳᬶ᭞ᬦᬾᬲ
ᬓ᭄ᬱᬢ᭄‌ᬓ᭄ᬭᬶᬲ᭄ᬳᬸᬢᬫ᭞ᬓᬸᬦᬸᬲ᭄ᬲᬸᬓᬶᬂᬲᬭᬸᬂᬳᬶᬧᬸᬦ᭄᭞ᬦᬾᬫᬯᬓ᭄ᬫᭀᬤ᭄ᬭᬳᬓ᭄ᬱᬭ᭞ᬓᬦ᭄ᬢᬶᬕᬮᬶᬃ᭞ᬓᬮᬶᬲ᭄ᬢ᭄ᬯᬭᬓᬲᬦ᭄ᬢᬸᬮᬦ᭄᭟ᬭᬾᬄᬚᬢᬶᬓ᭄ᬭᬶᬲ᭄ᬳᬸ
ᬢᬫ᭞ᬲᬢ᭄ᬭᬸᬦᬾᬫᬓ᭄ᬚᬂᬮᬶᬮᬶᬄ᭞ᬲᬂᬓᬶᬢᬮᭀᬩᬳᬗ᭄ᬓᬭ᭞ᬫᬢᬶᬲᬤᬸᬭᬸᬂᬓᬲᬸᬤᬸᬓ᭄᭞ᬢᬾᬚᬦ᭄ᬓ᭄ᬭᬶᬲᬾᬩᭂᬲ᭄ᬕᬮᬂ᭞ᬫᬫᭂᬦᭂᬕᬶᬦ᭄᭞ᬳᬸᬮᬧ᭄ᬮ
[᭘᭗ 87A]
ᬦ᭄ᬢᬶᬧᬢᬶᬕᬤᬩ᭄᭞ᬭᬾᬄᬳᬶᬤᬦᬾᬫᬸᬮᬢᬢᬲ᭄᭞ᬭᬶᬂᬧᬮᬲ᭄ᬳᬢᭂᬧ᭄ᬜᬲᬫᬶ᭞ᬓᬲᬸᬮᬶᬢᬦ᭄ᬰᬲ᭄ᬢ᭄ᬭᬦᬾᬤᬤ᭄ᬯ᭞ᬯᬶᬲᬃᬚ᭄ᬚᬦᬦᬸᬂᬲ᭄ᬯᬭᬳᬶᬓᬸ᭞ᬯ᭄ᬬ
ᬓ᭄ᬢᬶᬢᬦ᭄‌ᬓᬾᬫ᭄ᬧᬃᬭᬶᬂᬫᬦᬄ᭞ᬢᬶᬗ᭄ᬮᬲ᭄ᬓᬓ᭄ᬱᬶ᭞ᬮ᭄ᬯᬶᬃᬓᬢᭀᬦ᭄ᬓᬕᬫ᭄ᬮᬦ᭄᭟ᬲ᭄ᬬᬂᬤᬮᬸᬫᬭᬭᬲᬦ᭄᭞ᬗᬋᬫ᭄ᬩᬸᬓᬂᬢᬢ᭄ᬯᬮ᭄ᬯᬶᬄ᭞ᬓᬲ᭄ᬯᬾᬦ᭄ᬫᬯᬓ᭄‌ᬫ᭄ᬯᬄ
ᬫᬜᬸᬦ᭄ᬤᬃ᭞ᬲᬹᬃᬬ᭄ᬬᬚ᭄ᬜ᭄ᬬᬦᬦ᭄ᬲᬂᬫ᭄ᬧᬸ᭞ᬧᬧᭂᬢᭂᬂᬳᬶᬦ᭄ᬤ᭄ᬭᬦᬾᬩᬸᬩᬃ᭞ᬚ᭄ᬭᬶᬄᬮᬶᬮᬶᬄ᭞ᬭᬭᬸᬤ᭄ᬫᬭᬾᬂᬲ᭄ᬫᬭᬮᭀᬓ᭟ᬧᬫᬸᬧᬸᬢ᭄ᬳᬶᬤᬲᬂᬢᬧ᭞ᬲᬫ᭄ᬧᬸᬦ᭄ᬚ
ᬕ᭄ᬭᬫᬭᬶᬂᬳᬢᬶ᭞ᬳᬾᬮᬶᬂᬢ᭄ᬓᬾᬦ᭄ᬓᭂᬦᬕᭀᬤ᭞ᬲᬗ᭄ᬓᬮᬩᬦ᭄ᬳᬦᬓ᭄ᬮᬸᬄ᭞ᬳᬯᬶᬦᬦ᭄ᬓᬤᬢ᭄ᬗᭂᬦ᭄ᬬᬂ᭞ᬲᬸᬓ᭄ᬮᬦ᭄ᬳᬢᬶ᭞ᬤᬾᬸᬶᬦᬾᬤᬤᬶᬧᬸᬦ᭄ᬤᬦᬶᬂ