[᭘᭑ 81B]
᭘᭑
ᬕ᭄ᬮᬶᬲ᭄ᬫᬫᬸᬓ᭄ᬢ᭄ᬬᬂᬓᬦᬶᬂᬩᬦᬦ᭄᭟ᬳᬯᬶᬦᬦ᭄ᬲᬫ᭄ᬧᬸᬦᬂᬓᬤᬢ᭄᭞ᬫᬶᬘᬬᬂᬯᬃᬡ᭄ᬦᬶᬦᬾᬩᬗ᭄ᬓᬶᬢ᭄᭞ᬢᬶᬢ᭄ᬬᬂᬲᬦᬾᬫᬗᭂᬤᭀᬢᬂ᭞ᬜᬦ᭄ᬤᬂᬩ᭄ᬘᬶᬓ᭄ᬳᬶ
ᬘᬾᬦ᭄ᬮᬯᬸᬢ᭄᭞ᬤᬦᬦᬾᬫᬗ᭄ᬤᬢᬦ᭄ᬫᬶᬫ᭄ᬧᬲ᭄᭞ᬜᬓ᭄ᬗᭂᬤᬶᬦᬶᬦ᭄᭞ᬳᬶᬩ᭄ᬤᬓ᭄ᬳᬶᬘᬾᬦᬶᬦ᭄ᬢᭀᬬ᭟ᬳᬦ᭄ᬢᬸᬓᬾᬫᭀᬮᬶᬄᬫ᭄ᬦᬂ᭞ᬲᬗ᭄ᬓᬦ᭄ᬮᬓ᭄ᬱᬡᬦᭂᬲᭂ
ᬓᬶᬦ᭄᭞ᬘᬾᬗᭂᬄᬢᬦ᭄ᬫᬭᬶᬫᬜᬶᬤ᭄ᬭ᭞ᬢᬸᬃᬜᬩᬢ᭄ᬩᬦ᭄ᬓᭂᬜᭂᬫ᭄ᬦᬸᬤᬸᬢ᭄ᬮ᭄ᬯᬶᬃᬫᬦ᭄ᬢ᭄ᬭᬳᬓᬃᬱᬦ᭞ᬦᬶᬦ᭄ᬤᬶᬄ᭞ᬘᬘᬶᬗᬓᬾᬗᬶᬭᬸᬢ᭄ᬫᬦᬄ᭟ᬲᬂᬳᬬᬸ
ᬯᬸᬲ᭄ᬧᭀᬮᬶᬄᬲ᭄ᬮᬄ᭞ᬭᬾᬄᬲᬂᬢᬧᬗ᭄ᬮᬶᬭᬶᬂᬫᬮᬶᬄ᭞ᬲᬗ᭄ᬓᬦ᭄ᬳᭂᬮᬲ᭄ᬦᭂᬢᭂᬄᬗ᭄ᬓ᭄ᬯᬦ᭄᭞ᬗᬳᬧ᭄ᬜᬫ᭄ᬧᬶᬗᬶᬦ᭄ᬢᬸᬃᬗ᭄ᬮᬸᬢ᭄᭞ᬗᬢᭂᬧ᭄ᬲᬲᬸᬦᭂᬩᬄᬤᬤ᭞ᬫᬗᬺᬱᬶᬦ᭄᭞ᬮ᭄ᬯᬶᬃ
[᭘᭒ 82A]
ᬩᬸᬮᬸᬳᬾᬓᭀᬘᭀᬢᬦ᭄᭟ᬧᬗ᭄ᬭᬸᬫ᭄ᬭᬸᬫᬾᬫ᭄ᬕᬢ᭄ᬫᭂᬕᬢ᭄᭞ᬜ᭄ᬮᬕ᭄ᬗᭀᬲᭀᬤ᭄ᬗᬶᬫ᭄ᬧᭂᬓ᭄ᬫᬶᬦ᭄ᬢᭂᬮᬶᬦ᭄᭞ᬲᬓᬶᬢ᭄ᬜᬕᬶᬤᬶᬄᬗᬚ᭄ᬭᭀ᭞ᬗᬸᬯᬸᬕᬂᬳᬢᬶᬧᬸᬧᬸᬲᬸᬄ
᭞ᬲᬗ᭄ᬓᬦ᭄ᬲᬂᬢᬧᬓᭀᬄᬦᬸᬮᬓ᭄᭞ᬓᬤᭀᬂᬩ᭄ᬘᬶᬓ᭄᭞ᬢᬗᬦᬾᬦᬢᬓᬶᬦ᭄ᬫᬤ᭄ᬬ᭟ᬦᬶᬦ᭄ᬤᬶᬄᬲᬂᬳᬬᬸᬳᬗᬸᬘᬧ᭄᭞ᬤᬸᬄᬲᬂᬢᬧᬮ᭄ᬯᬶᬄ᭞ᬕ᭄ᬭᬶᬂᬢᬶ
ᬢ᭄ᬬᬂᬲᬬᬦ᭄ᬭᬳᬢ᭄᭞ᬚᬦ᭄ᬢᭀᬲ᭄ᬢᬦ᭄ᬫᬫ᭄ᬧᬸᬄᬫᬚᬸᬚᬸᬓ᭄᭞ᬭᬸᬫ᭄ᬧᬸᬄᬮᬾᬫ᭄ᬧᭀᬭᬂᬲ᭄ᬫᬭ᭞ᬲᬗ᭄ᬓᬦ᭄ᬫᬩᬶᬦ᭄᭞ᬢᬫ᭄ᬩᬦᬶᬦ᭄ᬜᬶᬂᬦ᭄ᬚᬕ᭄ᬮᬶᬲᬂᬢᬶᬢ᭄ᬬᬂ᭟ᬬ
ᬦ᭄ᬲᬫ᭄ᬧᬸᬦ᭄ᬳᬶᬭᬢᬸᬤᬾᬶᬸᬮᬤᬂ᭞ᬜᬧ᭄ᬲᬧᬶᬦ᭄ᬢᬗ᭄ᬓᬄᬗ᭄ᬭᬭᬶᬲ᭄᭞ᬮ᭄ᬯᬶᬃᬲᬭᬶᬦ᭄ᬓᬸᬲᬲ᭄ᬧᬃᬱ᭞ᬲᬶᬦᬄᬫᬮᬦ᭄ᬢᬶᬢ᭄ᬬᬂᬮᬸᬦ᭄ᬢᬸᬃ᭞ᬫᬶᬗ᭄ᬓᬶᬦ᭄ᬜᬦᬦ᭄ᬮᬯᬸᬢ᭄ᬢᬸᬢᬸᬕᬂ
Kaca:Bali-lontar-gaguritan-lokika-02-450ppi.pdf/82
Kaca puniki sampun kauji-wacén
