[᭖᭓ 63B]
᭖᭓
ᬩᬳᬂᬳᬦᬓᬾᬮ᭄ᬬᬸ᭞ᬳᬭᬶᬫ᭄ᬩᬯᬢᭀᬳᬤᬦ᭄ᬜ᭞ᬢ᭄ᬓᬩᬸᬤ᭞ᬳᬯᬓᬾᬩ᭄ᬯᬢ᭄ᬓᬾᬦ᭄ᬳᬶᬤᬸᬧ᭄᭞ᬳᬦᬦᬾᬮᬯᬸᬢ᭄ᬫᬢ᭄ᬬᬂ᭞ᬲᬗᭂᬢ᭄ᬲᬦ᭄ᬢ᭄ᬯᬭᬳ
ᬤᬶᬮ᭄᭟ᬩ᭄ᬯᬶᬦ᭄ᬳᬤᬳᬸᬦ᭄ᬤᬸᬓ᭄ᬭᬳᬢ᭄᭞ᬲᬶᬮᬶᬩ᭄ᬲᬶᬲᬦ᭄᭞ᬍᬩᬶᬄᬓᬾᬦ᭄ᬫᬫᬢᬶᬫᬢᬶ᭞ᬲᬸᬩᬮᬘᬸᬃᬢᬓᬸᬢ᭄ᬢᬸᬬᬸᬄ᭞ᬯᬶᬤ᭄ᬥᬶᬦᬾᬤᬮᬶᬄᬗᬯᬾᬦᬂ᭞ᬲᬗ᭄ᬓ
ᬦ᭄ᬤᬳᬓ᭄᭞ᬲᬳᬶᬦᭂᬧᭂᬲ᭄ᬩᬲᬂᬲ᭄ᬤᬸᬓ᭄᭞ᬧᬦᬓ᭄ᬱᭀᬫᬄᬧᬕᬸᬮᬶᬲᬄ᭞ᬳᬶᬤᬸᬧ᭄ᬜᬍᬩᬶᬄᬓᬾᬦ᭄ᬫᬢᬶ᭟ᬳᭂᬦ᭄ᬢᭀᬓ᭄ᬭᬦᬳ᭄ᬤᬗᭂᬗ᭄ᬲᬧᬂ᭞ᬓᬳᬦ᭄ᬢᭂᬗ
ᬦ᭄᭞ᬳᬗ᭄ᬕᭀᬦ᭄ᬫᬗᭂᬦ᭄ᬢᭂᬕᬂᬳᬸᬭᬶᬧ᭄᭞ᬬᬦ᭄ᬳᬸᬭᬶᬧᬾᬲᬤ᭄ᬬᬮᬦᬸᬲ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬫᬫ᭄ᬯᬢᬂ᭞ᬘᬢᬸᬃᬯᬃᬕ᭄ᬕ᭞ᬬᬦ᭄ᬓᬢᬸᬦᬦ᭄ᬧᬗᬦ᭄ᬓᬶᬦᬸᬫ᭄
[᭖᭔ 64A]
᭞ᬘᬢᬸᬃᬯᬃᬕ᭄ᬕᬢ᭄ᬯᬭᬩᬓᬢ᭄᭞ᬳᬧᬕᬸᬦᬦᬾᬫᬳᬸᬭᬶᬧ᭄᭟ᬳᭂᬦ᭄ᬢᭀᬓ᭄ᬭᬦᬲᬂᬢᬧ᭞ᬫᬲᬶᬄᬳᬦ᭄ᬢᭂᬂ᭞ᬫᬦᬦ᭄ᬤᬸᬃᬲᬃᬯ᭄ᬯᬩᬶᬦᬸᬓ᭄ᬢᬶ᭞ᬳᬗ᭄ᬕᭀᬦ᭄ᬘᬭᬸᬦ᭄ᬓᬮ
ᬲ᭄ᬤᬸᬓ᭄᭞ᬳᬧᬂᬢᬦ᭄ᬗᬺᬩᬾᬤᬚ᭄ᬜ᭄ᬬᬦ᭞ᬮ᭄ᬯᬶᬄᬓᬾᬬᬦ᭄᭞ᬩᬜᬤᬶᬦᬕᬭᬦᬸᬗ᭄ᬕᬸ᭞ᬳᬧᬂᬲᬺᬕᭂᬧ᭄ᬧᬺᬩᬾᬬ᭞ᬳᬗ᭄ᬕᭀᬦ᭄ᬗᬮᬶᬄᬦᬾᬳᬸᬢᬫᬶ᭟ᬧᬶᬤᬕᬶ
ᬗᬦ᭄ᬢᬸᬢᬸᬃᬩᬧ᭞ᬘ᭄ᬦᬶᬂᬓ᭄ᬬᬸᬮ᭄᭞ᬫᬲᬶᬄᬫᬃᬣᬶᬫᬫᬢᬶᬫᬢᬶ᭞ᬳᬦ᭄ᬢᭂᬂᬫᬃᬣᬶᬦᬸᬮᬸᬃᬳᬶᬤᬸᬧ᭄᭞ᬢᬸᬃᬫ᭄ᬬᬭᬘᬢᬸᬃᬯᬃᬕ᭄ᬕ᭞ᬳ᭄ᬤᬩᬯᬓ᭄᭞ᬲᬬᬗᬾᬓᬾᬲᬃᬯ᭄ᬯ
ᬳᬶᬤᬸᬧ᭄᭞ᬳ᭄ᬤᬕ᭄ᬫᭂᬲ᭄ᬳ᭄ᬤᬲᬳᬲ᭞ᬫᬓᬤᬶᬫᬫᬢᬶᬫᬢᬶ᭟ᬳᬦᬓᬾᬧᬕᭂᬄᬫ᭄ᬬᬲ᭞ᬢ᭄ᬯᬭᬢᬳᬾᬦ᭄᭞ᬗᬯᬾᬓ᭄ᬦᭂᬄᬲᬃᬯ᭄ᬯᬧ᭄ᬭᬦᬶ᭞ᬢᬦ᭄ᬜᬗ᭄ᬲᬭ
Kaca:Bali-lontar-gaguritan-lokika-02-450ppi.pdf/64
Kaca puniki sampun kauji-wacén
