[᭖᭒ 62B]
᭖᭒
ᬳᬗ᭄ᬕᭀᬦ᭄ᬲᬗ᭄ᬕᬄᬲᬸᬗ᭄ᬲᬸᬂᬲᬳᬶ᭞ᬧᬸᬭᬳᬶᬬᬶᬂᬳᬾᬮᬄᬗᬤᬸᬢ᭄᭞ᬤᬤᬶᬳᬩᬫᬳᬶᬍᬳᬦ᭄᭞ᬦᬾᬧᬮᬶᬗ᭄ᬕᬶᬄ᭞ᬤᬾᬯᬦᬶᬂᬳᬤᬾᬯᬤᬶᬢᬸ᭞ᬧᬸᬭᬫ
ᬮᬓᬃᬚ᭄ᬜ᭄ᬬᬦ᭞ᬮ᭄ᬯᬶᬳᬦ᭄ᬭᬶᬂᬧᬸᬭᬫᬦᬶᬓ᭄᭟ᬩ᭄ᬯᬶᬦ᭄ᬩᬮᬶᬓᬶᬦ᭄ᬲᬢ᭄ᬯᬬᬂ᭞ᬫᬗ᭄ᬤᬢᬶᬗ᭄ᬮᬲ᭄᭞ᬜᬓ᭄ᬢᭂᬓᭂᬓ᭄ᬚᬢᬶ᭞ᬢᬸᬢᬸᬭᬂᬳᬸᬮᬶᬄᬧᬜᬸᬫᬸ᭞ᬢᬦ᭄ᬫᬫᬢᬶᬫᬢᬶ
ᬧᬜ᭄ᬚᬗᬂ᭞ᬳᬧᬂᬳ᭄ᬜᬓ᭄᭞ᬤᬾᬯᬾᬓᬾᬫᬦᬸᬯᬸᬢ᭄ᬢᬸᬢᬸᬃ᭞ᬫᬗ᭄ᬤᬾᬦ᭄ᬤᬤᬶᬧᬗ᭄ᬮᬓ᭄ᬱᬦ᭞ᬢᭀᬂᬧ᭄ᬭᬕᬢ᭄ᬬᬦ᭄ᬩᬦ᭄ᬩᬦ᭄ᬢᬲ᭄ᬗᬃᬣᬶ᭟ᬥᬃᬫ᭄ᬫᬳᬃᬣᬓᬫᬫᭀᬓ᭄ᬱ᭞ᬩᬶᬲ
ᬩᬓᬢ᭄᭞ᬬᬤ᭄ᬬᬦ᭄ᬤᬾᬯᬾᬓᬾᬦᬸᬳᬸᬭᬶᬧ᭄᭞ᬲᬓᬶᬂᬳᬶᬤᬸᬧ᭄ᬩᬶᬲᬢᬸᬫ᭄ᬩᬸᬄ᭞ᬦᬾᬫᬳᬤᬦ᭄ᬘᬢᬸᬃᬯᬃᬕ᭄ᬕ᭞ᬳᭂᬦ᭄ᬢᭀᬓ᭄ᬭᬦ᭞ᬩ᭄ᬯᬢᬂᬫ᭄ᬬᬭᬳᬶᬤᬸᬧ᭄᭞ᬳ᭄ᬤ
[᭖᭓ 63A]
ᬩᬸᬤᬸᬄᬗᬫᬢ᭄ᬬᬂ᭞ᬫ᭄ᬮᬄᬲᬬᬗᬂᬢᬸᬮᬸᬗᬶᬦ᭄᭟ᬬᬦ᭄ᬳᬦᬓ᭄ᬦᬦ᭄ᬤᬂᬲᬗ᭄ᬲᬭ᭞ᬓᬸᬭᬂᬧᬗᬦ᭄᭞ᬫᬶᬦᬓᬤᬶᬩᬬᬧᬢᬶ᭞ᬬᬦ᭄ᬲᬤ᭄ᬬᬢᭀᬩᬓᬢ᭄ᬢᬸ
ᬮᬸᬂ᭞ᬓᬾᬯᭂᬄᬜᬩᬓᬢ᭄ᬢᬶᬗ᭄ᬕᬮᬂ᭞ᬲ᭄ᬤᬸᬓ᭄ᬜᬦᬾ᭞ᬓᬯᬋᬕᬂᬯᬾᬳᬶᬦ᭄ᬲᬗᬸ᭞ᬧᬜ᭄ᬘᬪᬬᬜᬫᬢᬶᬗ᭄ᬕᬮ᭄᭞ᬧᬬᬸᬳᬶᬤᬸᬧ᭄ᬩᬸᬯᬸᬂᬫᬢᬶ᭟ᬢᭀᬫᬤᬦ᭄ᬫ
ᬢᬸᬮᬸᬂᬚᬶᬯ᭞ᬮ᭄ᬯᬶᬄᬳᬸᬢᬫ᭞ᬢᬦ᭄ᬩᬸᬮᬄᬳᬶᬤᬸᬧ᭄ᬧᬤᬶᬤᬶ᭞ᬜᬦ᭄ᬤᬂᬳᬾᬫᬦ᭄ᬧᬢᬸᬢ᭄ᬲᬸᬫ᭄ᬩᬸᬂ᭞ᬚᬢᬶᬮ᭄ᬯᬶᬄᬫᬗᬲᭀᬭᬂ᭞ᬧᬜ᭄ᬘᬬᬤ᭄ᬜ᭞ᬭᬾᬄᬳᬸᬭᬶ
ᬧ᭄ᬢ᭄ᬯᬄᬓᬋᬩᬸᬢ᭄᭞ᬩᬳᬦ᭄ᬲᬮ᭄ᬯᬶᬃᬳᬸᬫᬶᬢᬄ᭞ᬳᬸᬭᬶᬧᬾᬦᬾᬫᬳᬸᬢᬫᬶ᭟ᬢᬢᬶᬫ᭄ᬩᬗᬦ᭄ᬳᬧᬂᬫ᭄ᬮᬄ᭞ᬳ᭄ᬤᬗᬢᬶᬫᬂ᭞ᬦ᭄ᬮᬾᬦ᭄ᬤᭂᬫᭂᬦᬶᬦ᭄ᬤᬶᬳᬢᬶ᭞ᬢᭀ
Kaca:Bali-lontar-gaguritan-lokika-02-450ppi.pdf/63
Kaca puniki sampun kauji-wacén
