Kaca:Bali-lontar-gaguritan-lokika-02-450ppi.pdf/39

Saking Wikisource
Kaca puniki sampun kauji-wacén

[᭓᭘ 38B]
᭓᭘
ᬳᬦ᭄ᬗᭂᬘᬧᬂ᭞ᬳᬫᬺᬯᬦ᭄ᬫᬦᬳᬾᬮᬸᬯᬸᬂ᭞ᬳ᭄ᬤᬘ᭄ᬦᬶᬂᬫᬗᬧᬸᬲ᭄ᬳᬯᬓ᭄᭞ᬲᬳᬶᬮᬶᬗ᭄ᬮᬶᬂ᭞ᬤᬓᬶᬦ᭄ᬫᬦᬳᬾᬲᬧᬸᬳᬂ᭟ᬳᬯᬓ᭄ᬭᬯᭀᬲ᭄ᬫᬶᬯᬄᬫ
ᬦᬄ᭞ᬲᬸᬩᬳᬗ᭄ᬓᭂᬧ᭄‌ᬬᬫᬫ᭄ᬲᬶᬓ᭄᭞ᬧᬤᬗᬫᭀᬂᬓᬧᬢᬸᬢᬦ᭄᭞ᬧᬤᬲᬶᬤ᭄ᬥᬩᬺᬱᬶᬄᬫᬸᬮᬸᬲ᭄᭞ᬦᬾᬢᬢ᭄ᬮᬸᬲᬸᬩᬦᬸᬗ᭄ᬕᬮ᭄᭞ᬫ᭄ᬭ
ᬕᬲᬸᬘᬶ᭞ᬫᬮ᭄ᬬᬄᬗᬫᬺᬣᬦᬶᬦᬶᬦ᭄ᬫᬦᬄ᭟ᬳᬫᭀᬦ᭄ᬢᭀᬩᬧᬫᬶᬗᭂᬢᬂ᭞ᬘ᭄ᬦᬶᬂᬫᬮᬶᬄᬫᬫᬶᬦᭂᬳᬶᬦ᭄᭞ᬲᭀᬓ᭄ᬳᬤᬘᬶᬭᬶᬲᬫᬢ᭄ᬭ᭞ᬲᬸᬩᬫ
ᬳᬦ᭄ᬫᬧᬶᬢᬸᬢᬸᬃ᭞ᬭᬾᬄᬩᬧᬓᬢᬸᬦᬦ᭄ᬫᬦᬄ᭞ᬦᬄᬦᬾᬚᬦᬶ᭞ᬮᬯᬸᬢᬂᬳᬶᬭᬶᬂᬲᬂᬢᬧ᭟ᬤᬸᬫᬤᬓ᭄ᬚᬲᬶᬤ᭄ᬥᬲᬤ᭄ᬬ᭞ᬫᬗᬶᬭᬶᬂᬳ
[᭓᭙ 39A]
ᬦᬓᬾᬮᬶᬗ᭄ᬲᬶᬃ᭞ᬢᬦ᭄ᬫᬭᬶᬩᬧᬗᬘᭂᬧᬂ᭞ᬳᬧᬂᬘ᭄ᬦᬶᬂᬧᬕᭂᬄᬧᬸᬕᬸᬄ᭞ᬤᬶᬧᬢᬧᬦ᭄ᬫᬫᬋᬓᬦ᭄᭞ᬢᬸᬢᬸᬢ᭄ᬪᬓ᭄ᬢᬶ᭞ᬲᬢᬸᬤᬸᬄᬳᬶᬤᬓ
ᬲᬶᬤ᭄ᬥᬦ᭄᭟ᬲᬤᬸᬓ᭄ᬢᬶᬢ᭄ᬬᬂᬓᬦ᭄ᬤᬶᬓᬬᬂ᭞ᬫᬗ᭄ᬤᬢᬶᬢ᭄ᬬᬂᬢᬸᬮᬸᬲ᭄ᬗᬶᬭᬶᬂ᭞ᬚᭂᬕ᭄ᬢᬸᬢᬸᬢ᭄ᬢᬶᬢ᭄ᬬᬂᬢᬦ᭄ᬧᬜ᭄ᬚᬂ᭞ᬫᬫ᭄ᬯᬶᬢ᭄ᬫ᭄ᬫᬫᬃᬕ᭄ᬕᬶᬮᬯᬸᬢ᭄᭞ᬲᬂᬢᬧᬲᬫ᭄ᬧᬸ
ᬦ᭄ᬫᬶᬦ᭄ᬤᬄ᭞ᬘ᭄ᬭᬶᬢᬕ᭄ᬮᬶᬲ᭄᭞ᬲᬫ᭄ᬧᬸᬦ᭄ᬗᬮᬶᬦ᭄ᬢᬂᬦᬕᬭ᭟ᬢᬸᬯᬸᬄᬢᬶᬢ᭄ᬬᬂᬤᬸᬓ᭄ᬧᬸᬦᬶᬓ᭞ᬧᬶᬢᬸᬯ᭄ᬮᬲ᭄ᬢᬳᬸᬦ᭄ᬓᬾᬢᬗᬶᬦ᭄᭞ᬧᬢᬶᬩᬦ᭄ᬧ
ᬫᬃᬕ᭄ᬕᬦ᭄ᬢᬶᬢ᭄ᬬᬂ᭞ᬫᬗᬚᬓᬗᬶᬦᬂᬗᬸᬘᬸᬃ᭞ᬧᬓᬮᬶᬳᬦ᭄ᬗᬶᬭᬶᬂᬳᬶᬤ᭞ᬳᬦᬓ᭄ᬮᬶᬗ᭄ᬲᬶᬃ᭞ᬲᬫ᭄ᬧᬸᬦ᭄ᬗᬮᬶᬦ᭄ᬢᬂᬤᬾᬰᬓᬢᬄ᭟ᬫᬸᬗ᭄ᬕ᭄ᬯᬶᬂᬳᬶᬤᬲᬂᬳ